केवळ 150 ग्रॅम वजनाचे शस्त्र बदलणार युद्धाची दिशा ; रशियाच्या दाव्याने जगात खळबळ
रशियन कंपनी रशिया इलेक्ट्रॉनिक्सने एक मोठा दावा केला आहे, त्यांनी एक ट्रान्सपॉन्डर तयार केला आहे जो रणांगणात ओळखू शकेल की आकाशात असलेले ड्रोन शत्रूचे आहे की स्वतःचे आहे.रशिया-युक्रेन युद्धात दोन्ही बाजूंनी ड्रोनचा प्रभावी वापर केला जात आहे. ड्रोनने या युद्धात आपले महत्त्व सिद्ध केले आहे
रशियन कंपनी रशिया इलेक्ट्रॉनिक्सने एक मोठा दावा केला आहे, त्यांनी एक ट्रान्सपॉन्डर तयार केला आहे जो रणांगणात ओळखू शकेल की आकाशात असलेले ड्रोन शत्रूचे आहे की स्वतःचे आहे.रशिया-युक्रेन युद्धात दोन्ही बाजूंनी ड्रोनचा प्रभावी वापर केला जात आहे. ड्रोनने या युद्धात आपले महत्त्व सिद्ध केले आहे आणि संपूर्ण जगाला सांगितले आहे की, युद्धात ड्रोन किती प्रभावी ठरू शकतात. (A weapon weighing only 150 grams will change the direction of war Russia’s claim caused a stir in the world)
सर्वात मोठी समस्या म्हणजे आकाशात उडणारे हे ड्रोन आपलेच ड्रोन आहेत की शत्रूचे ड्रोन याबाबत अनेकवेळा संभ्रम निर्माण होतो. यामुळेच कधी रडार स्वतःचे ड्रोन खाली पाडते, तर कधी शत्रूचे ड्रोन स्वतःचे समजून ते सोडते. ज्याची भयंकर किंमत चुकवावी लागते.
रशियन ट्रान्सपॉन्डर ड्रोन कसे ओळखतात?
अत्यंत हलका आणि लहान आकाराचा ट्रान्सपॉन्डर आकाशात पाच किलोमीटर उंचीपर्यंत आणि शंभर किलोमीटर अंतरावरून ड्रोन मित्र आहे की शत्रू हे आपोआप ओळखेल. ट्रान्सपॉन्डर रडारशी जोडला जाईल आणि ड्रोनची ओळख पटल्यानंतर तो एक विशेष सिग्नल पाठवेल. शत्रूचे ड्रोन येण्याचे संकेत मिळताच, रडार कार्यान्वित होईल आणि त्यानंतर ते ड्रोन हवाई संरक्षण किंवा इलेक्ट्रॉनिक युद्ध प्रणालीच्या मदतीने पाडले जाऊ शकते. या ट्रान्सपॉन्डरचे वजन फक्त 150 ग्रॅम आहे. ट्रान्सपॉन्डर रशियन पासवर्डद्वारे ड्रोनशी संपर्क साधेल आणि पासवर्डची पडताळणी न झाल्यास त्या ड्रोनवर कारवाई करण्याचा संदेश रडारला पाठवेल.
ड्रोनची वाढती मारक क्षमता हे लष्करासाठी आव्हान
रशिया-युक्रेन युद्धात मोठ्या प्रमाणावर ड्रोन हल्ले झाले आहेत. ड्रोनची रचना आणि त्यांची मारक क्षमता यामध्येही सातत्याने प्रयोग केले जात आहेत. रशियन ड्रोन लॅन्सेट असो वा इराणी ड्रोन शाहिद असो किंवा युक्रेनने वापरलेले अमेरिकन एमक्यू९ ड्रोन असो, हे सर्व शत्रूचे लष्करी तळ त्या क्षणी उद्ध्वस्त करत आहेत. ड्रोन हल्ले प्रभावी करण्यासाठी त्यात अनेक आवश्यक बदलही केले जात आहेत. काहीवेळा युद्धात उपस्थित असलेल्या सैनिकांना हे ड्रोन ओळखणे कठीण होते.
Web Title: A weapon weighing only 150 grams will change the direction of war russias claim caused a stir in the world nrab
.png "Videos"){kind=small}
