दहशतवाद्यांना आश्रय देण्याचा इन्कार करणारा पाकिस्तान उघडा पडला? आर्मीनेच केला मोठा खुलासा

हेदेखील वाचा:  प्रोटिन्सच्या शर्यतीती नॉन-व्हेजला मागे सोडतील ‘हे’ व्हेज फूड्स

रोज कारवाया कराव्या लागतात, तरीही दहशतवादी कमी होत नाहीत

पाकिस्तानी वृत्तसंस्था डॉनच्या रिपोर्टनुसार,  लष्कराला पाकिस्तानमध्ये दररोज 130 ऑपरेशन्स कराव्या लागतात. केवळ 8 महिन्यांत दहशतवाद्यांविरोधात 32,173 ऑपरेशन्स करण्यात आल्या आहेत. यापैकी गेल्या महिन्यात 4,021 ऑपरेशन्स करण्यात आल्या, ज्यामध्ये 90 दहशतवादी मारले गेले. पाकिस्तानी लष्कराचे लेफ्टनंट जनरल अहमद शरीफ चौधरी म्हणाले की, लष्कर, गुप्तचर संस्था आणि पोलिस दररोज दहशतवाद्यांविरोधात 130 हून अधिक ऑपरेशन करत आहेत, परंतु दहशतवाद्यांची संख्या कमी होत नाही,असे पाकिस्तानी लष्कराकडून सांगण्यात आले आहे.

8 महिन्यांत 193 जवान शहीद

दहशतवाद्यांविरोधातील लष्कराच्या कारवाईत अनेक जवानही शहीद झाले आहेत. लष्कराच्या प्रवक्त्याने सांगितले की, गेल्या 8 महिन्यांत 193 जवान शहीद झाले आहेत. त्याचबरोबर दहशतवाद्यांशी लढताना शेकडो जवान जखमी झाले आहेत. पाकिस्तानमध्ये तेहरीक-ए-तालिबान पाकिस्तान (टीटीपी), लष्कर-ए-इस्लाम, जमात-उल-अहरारसह शेकडो दहशतवादी संघटना आहेत. त्याचवेळी बलुचिस्तानमधील बंडखोर पाकिस्तानी लष्कराविरोधात शस्त्र उचलत आहेत. तेथूनही रोज हल्ले होत आहेत. लष्कराच्या प्रवक्त्याने सांगितले की, जोपर्यंत दहशतवाद्यांचा खात्मा होत नाही तोपर्यंत लष्कराचे हे ऑपरेशन सुरूच राहणार आहे. पाकिस्तानच्या कानाकोपऱ्यात दहशतवादी जन्माला येत आहेत, त्यांना सामोरे जाणे आवश्यक आहे.

हेदेखील वाचा: हरतालिकेच्या पूजेवेळी नैवेद्यासाठी बनवा चविष्ट तांदळाची खीर, नोट करा पारंपरिक