काँगो खाणीत भीषण दुर्घटना! पूल कोसळताच डझनभर कामगार मलब्याखाली दबले; मृत्यूचा थरारक VIDEO

Congo Mine Collapse : काँगोमध्ये कलांडो तांबे-कोबाल्ट खाणीत एक मोठी दुर्घटना घडली आहे. पूल कोसळ्याने ४० हून अधिक लोकांचा मृत्यू झाला असून डझनभर लोक पूलाखाली अडकले आहेत. याचा थरारक व्हिडिओ देखील व्हायरल होत आहे.

• काँगो खाणीत भीषण दुर्घटना
• पूल कोसळून ४० जणांचा मृत्यू
• घटनेचा थरारक व्हिडिओ व्हायरल

Congo Mine Collapse News in Marathi : किंशासा : दक्षिण पूर्व काँगोमध्ये एक भीषण दुर्घटना (Accident) घडली आहे. काँगोच्या कलांडो तांबे-कोबाल्ट खाणीत एक पूल कोसळला असून डझनभर लोक खाली अडकले आहे. तर ४० हून अधिक लोकांचा मृत्यू झाला आहे. शनिवारी (१५ नोव्हेंबर) ही घटना घडली होती. सध्या या घटनेचा भयावह व्हिडिओ सोशल मीडियावर व्हायरल होत आहे.

Saudi Bus Accident : सौदी अरेबियात भीषण रस्ता अपघात; उमराहवरुन परतताना ४२ भारतीयांचा दुर्दैवी मृत्यू

काय आहे दुर्घटनेचे कारण?

मिळालेल्या माहितीनुसार, मुसळधार पावसामुळे पूल कमकुवत झाला होता. पण तरीही बेकायदेशीरपणे खाण कामगांराचे काम सुर होते. त्यांनी सुरक्षेकडे दुर्लक्ष केले आणि पूलावर चढले. जवळपास डझनभर लोक पूलावर होते. यामुळे पूल कोसळला आणि भयावह दुर्घटना घडली. मिळालेल्या माहितीनुसार, मुसळधार पावसामुळे आधीच कामगांराना भूस्खलनाचा इशारा देण्यात आला होता. पण तरीही कामगांरांनी आपला जीव धोक्यात घातला.

See more

Terrifying landslide in an artisanal mine claims the lives of 80 people in Kawama, Democratic Republic of the Congo. pic.twitter.com/7f9Pyo7ncz — Polymarket Intel (@PolymarketIntel) November 16, 2025

घटनेचा भयावह व्हिडिओ व्हायरल

सध्या या घटनेचा भयावह व्हिडिओ देखील व्हायरल होत आहे. ज्यामध्ये पूल कोसळ्यावर हवेत धूळ उडाल्याचे दिसत आहे. मिळालेल्या माहितीनुसार पूल आधीच कमकुवत झाला होता. अशा परिस्थिती अनेक कामगार त्यावर चढले ज्यांच्या वजनामुळे पूल कोसळला. यावेळी अनेक लोक एकमेकांवर पडले. अनेकजण पूलाखाली पडले. यामध्ये ४० जणांचा मृत्यूची नोंद झाली, तर अनेक जखमी झाले आहेत.

यापूर्वी देखील घडले आहेत अपघात

दक्षिण काँगोमध्ये यापूर्वी देखील अनेक खाण अपघात घडला आहे. २०१९ मध्ये कॉंगोच्या लुआलाबा प्रांतात ग्लेनकोरच्या खाणीत भिंत कोसळली होती. यामध्ये ४३ कामगारांचा मृत्यू झाला होता. तर यानंतर २०२२ मध्ये देखील कसाई प्रदेशात त्शिकापा येथील हिरा खाणीत बोगदा कोसळ्याने ४० हून अधिक लोक मृत्यूमुखी पडले होते.

तर लुआलाबा कोल्टन खाणीत २०२५ मार्च मध्ये देखील छत कोसळ्याने २० लोकांनी प्राण गमावले होते. यानंतर शनिवारीची घटना.  या सर्व घटनांमुळे खाण कामगांरामध्ये भीती पसरली आहे. यावरुन कमकुवत स्थानिक सुरक्षा व्यवस्था आणि खाणीत सुरक्षा मानकांचा अभावा ही मुख्य कारणे आहेत.

Jaffar Express : पाकिस्तानच्या जाफर एक्सप्रेसला पुन्हा लक्ष्य करण्याचा प्रयत्न ; रॉकेट हल्ला आणि स्फोटाने खळबळ