Israel-US War : अखेर सत्य आलं समोर! इराणवरील हल्ल्यात अमेरिकेने खरंच केला होता का भारतीय हवाई क्षेत्राचा वापर

Operation Midnight Hammer airspace : अलीकडे सोशल मीडियावर जोरदार चर्चेत असलेली एक माहिती अखेर चुकीची ठरली आहे. आता या माहितीमध्ये नेमक काय सत्य आहे ते जाणून घेण्यासाठी वाचा सविस्तर.

Operation Midnight Hammer airspace : अलीकडे सोशल मीडियावर जोरदार चर्चेत असलेली एक माहिती अखेर चुकीची ठरली आहे. दावा करण्यात येत होता की अमेरिकेने इराणच्या अणुस्थळांवर केलेल्या हल्ल्यासाठी भारतीय हवाई क्षेत्राचा वापर केला होता. मात्र, केंद्र सरकारच्या प्रेस इन्फॉर्मेशन ब्युरो (PIB) फॅक्ट चेक विभागाने या दाव्याचे पूर्णतः खंडन केले असून, अशा कोणत्याही प्रकारचा भारतीय हवाई क्षेत्राचा वापर झाला नसल्याचे स्पष्ट केले आहे.

‘ऑपरेशन मिडनाईट हॅमर’ आणि सोशल मीडियावरील गोंधळ

रविवारी पहाटे भारतीय वेळेनुसार अमेरिकेने ‘ऑपरेशन मिडनाईट हॅमर’ अंतर्गत इराणच्या तीन अत्यंत संवेदनशील अणुकार्यक्रम केंद्रांवर हल्ला केला. नतान्झ, इस्फहान आणि फोर्डो ही स्थळे अमेरिकेच्या लक्षात होती. या मोहिमेत अमेरिकेने 125 हून अधिक लष्करी विमाने, B-2 स्टेल्थ बॉम्बर्स, 14 GBU-57 बंकर-बस्टर बॉम्ब आणि 30 हून अधिक टोमहॉक क्षेपणास्त्रे वापरल्याची माहिती अमेरिकेचे संरक्षण सचिव पीट हेगसेथ यांनी दिली.

या घटनेनंतर सोशल मीडियावर काही पोस्ट्स व्हायरल झाल्या, ज्यामध्ये असा दावा करण्यात आला की अमेरिकेच्या या मोहिमेसाठी भारताच्या आकाशमार्गाचा वापर करण्यात आला होता. अनेक वापरकर्त्यांनी या दाव्यांवर विश्वास ठेवत सोशल मीडिया प्लॅटफॉर्मवर चर्चा सुरु केली. भारत सरकारच्या भूमिकेविषयी संभ्रम निर्माण होऊ लागला.

जागतिक घडामोडी संबंधित बातम्या वाचण्यासाठी येथे क्लिक करा : Middle East conflict : अमेरिकेला नाही ऐकणार इराण; ट्रम्पच्या ‘या’ निर्णयामुळे तेहरानमध्ये अणुबॉम्बची शर्यत आणखी वाढणार

PIB फॅक्ट चेकने केला खंडन

यावर स्पष्टता देताना PIB फॅक्ट चेकने रविवारी एक अधिकृत पोस्ट प्रसिद्ध केली, ज्यामध्ये म्हटले आहे की, “अनेक सोशल मीडिया अकाउंट्सनी असा दावा केला आहे की अमेरिकेने इराणविरुद्ध ‘ऑपरेशन मिडनाईट हॅमर’साठी भारतीय एअरस्पेसचा वापर केला. हा दावा पूर्णपणे खोटा आणि दिशाभूल करणारा आहे. अमेरिकेने भारतीय हवाई क्षेत्राचा वापर केला नाही.” या स्पष्टतेनंतर भारताने या आंतरराष्ट्रीय लष्करी कारवाईत कोणतीही थेट किंवा अप्रत्यक्ष भूमिका बजावली नसल्याचे सिद्ध झाले.

See more

Several social media accounts have claimed that Indian Airspace was used by the United States to launch aircrafts against Iran during Operation #MidnightHammer #PIBFactCheck ❌ This claim is FAKE ❌Indian Airspace was NOT used by the United States during Operation… pic.twitter.com/x28NSkUzEh — PIB Fact Check (@PIBFactCheck) June 22, 2025

credit : social media

ट्रम्प यांचे युद्धघोषणासदृश वक्तव्य

इराणविरोधातील या कारवाईबद्दल बोलताना अमेरिकेचे माजी राष्ट्राध्यक्ष डोनाल्ड ट्रम्प म्हणाले, “हा हल्ला आमच्यासाठी एक मोठे लष्करी यश आहे. आम्ही इराणच्या अणुसंवर्धन क्षमतेवर अचूक हल्ले केले आहेत. आमचा उद्देश हा दहशतवाद्यांना पाठिंबा देणाऱ्या एका अणुशक्तीच्या धोक्याचा कायमचा अंत करणे आहे.”

संवादाचे दरवाजे उघडे ठेवण्याचा अमेरिकेचा संकेत

जरी ट्रम्प यांनी आक्रमक भूमिका घेतली असली, तरी अमेरिकेचे उपाध्यक्ष जे.डी. व्हान्स यांनी थोडे सौम्य मत व्यक्त करत सांगितले की, “अमेरिका इराणशी संवादाचे दरवाजे पूर्णपणे बंद करू इच्छित नाही. मात्र, कोणत्याही संभाव्य परिस्थितीसाठी आम्ही सज्ज आहोत.”

भारताची स्पष्ट भूमिका आणि राजकीय शांतता

भारतीय हवाई क्षेत्राच्या वापराच्या चर्चेमुळे देशांतर्गत राजकीय वातावरणातही थोडीशी अस्वस्थता निर्माण झाली होती. मात्र, केंद्र सरकारच्या स्पष्ट भूमिकेनंतर हा संभ्रम दूर झाला आहे. भारताने जागतिक स्तरावर युध्द किंवा दहशतवादाच्या पार्श्वभूमीवर कायमच संविधानिक मर्यादा आणि तटस्थ भूमिका पाळली आहे.

जागतिक घडामोडी संबंधित बातम्या वाचण्यासाठी येथे क्लिक करा :  Israel-US War : अमेरिकेची ‘संरक्षण ढाल’ बनली इस्रायलसाठी ढाल; इराणचे धोकादायक बॅलिस्टिक क्षेपणास्त्र हवेतच पाडले हाणून

अफवा संपुष्टात आल्या

अमेरिकेच्या इराणवरील ‘ऑपरेशन मिडनाईट हॅमर’ कारवाईमुळे जागतिक राजकारणात खळबळ निर्माण झाली असली, तरी भारताने यात कोणतीही भूमिका बजावलेली नाही. PIB फॅक्ट चेकच्या खंडनामुळे अफवा संपुष्टात आल्या असून, भारताच्या संरक्षण धोरणात पारदर्शकता आणि शांततावादी भूमिका यावर सरकार ठाम आहे.