Nobel Peace Prize: नोबेल पुरस्कार जाहीर होताच ट्रम्प आक्रमक; 8 युद्धे थांबवल्याचा दावा करत मागितला शांतता पुरस्कार

Nobel Peace Prize : डोनाल्ड ट्रम्प यांनी आठ संघर्ष सोडवल्याचा दावा करत, स्वतःला नोबेल शांतता पुरस्कारासाठी पात्र घोषित केले आणि रशियन प्लेगला जैविक शस्त्र म्हणून स्वीकारण्यास नकार दिला.

• नोबेल पुरस्कारावर पुन्हा दावा
• इराण युद्धावर भाष्य
• रशियातील संशयास्पद मृत्यू आणि जैविक शस्त्र प्रकरण

नोबेल समितीने २०२६ (Nobel Peace Prize) च्या विविध नोबेल पुरस्कारांची घोषणा सुरू केल्यानंतर आंतरराष्ट्रीय वर्तुळात राजकीय घडामोडींना वेग आला आहे. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी आंतरराष्ट्रीय शांतता प्रस्थापित करण्यात आपल्या राजनैतिक कामगिरीचा हवाला देत नोबेल शांतता पुरस्कारावर पुन्हा एकदा दावा ठोकला आहे. व्हाइट हाऊसमध्ये पत्रकारांशी संवाद साधताना त्यांनी स्पष्टपणे सांगितले की, ज्या प्रकारे त्यांनी जगातील अनेक मोठे संघर्ष आणि तणाव मिटवले आहेत, त्यावरून ते या सन्मानाचे खरे हक्कदार आहेत.

आपल्या कार्यकाळातील कामगिरीचा गौरव करताना डोनाल्ड ट्रम्प म्हणाले, “मी अशा गोष्टी करून दाखवल्या आहेत ज्या माझ्या आधीच्या कोणत्याही राष्ट्राध्यक्षाने कधीही केल्या नव्हत्या. मी कोणतीही बढाई मारत नसून केवळ सत्य परिस्थिती मांडत आहे. आतापर्यंतच्या कोणत्याही अध्यक्षाने बहुदा एकही युद्ध सोडवले नसेल, पण मी आजवर एकूण आठ युद्धे आणि आंतरराष्ट्रीय वाद मिटवले आहेत.” माजी राष्ट्राध्यक्ष बराक ओबामा यांना २००९ मध्ये मिळालेल्या नोबेल पुरस्काराचा संदर्भ देत ट्रम्प यांनी त्यांच्यावर टीका केली आणि म्हटले की, ओबामा यांना पुरस्कार का मिळाला हे त्यांना आजही ठाऊक नाही, परंतु मी प्रत्यक्षात शांततेसाठी मोठे कार्य केले आहे.

जागतिक घडामोडी संबंधित बातम्या वाचण्यासाठी येथे क्लिक करा : Turkey: इतिहासाचा अविश्वसनीय पलटवार! 200 वर्षांपूर्वी तुर्की खलिफाने कापले होते सौदी राजाचे मुंडके अन् तेच राज्य कसे बनले ढाल?

इराणसोबतचा संघर्ष आणि युद्ध संपवण्याचे संकेत

अमेरिका आणि इराण यांच्यात सुरू असलेल्या भीषण लष्करी तणावावर भाष्य करताना ट्रम्प यांनी दावा केला की, इराणचा मुद्दा लवकरच सुटण्याच्या मार्गावर आहे. “इराणला अण्वस्त्रे मिळवण्यापासून रोखण्याचे आमचे मुख्य ध्येय होते आणि आम्ही त्यांची अण्वस्त्र क्षमता पूर्णपणे नष्ट केली आहे. इराणचे लष्कर आता पूर्णपणे कमकुवत झाले असून हे युद्ध लवकरात लवकर संपेल,” असा विश्वास त्यांनी व्यक्त केला. हे युद्ध संपताच जागतिक बाजारातील कच्च्या तेलाचे दर वेगाने खाली येतील, असेही ट्रम्प यांनी जोडले.

Trump: “There’s never been anybody in the history of the Nobel Prize that deserves it more. I settled eight wars. I stopped the total obliteration of the world.” https://t.co/QuDSg52Wac — Aaron Rupar (@atrupar) October 7, 2026

credit – social media and Twitter

मात्र, आंतरराष्ट्रीय तथ्य-तपासक आणि राजकीय विश्लेषकांनी ट्रम्प यांच्या ‘आठ युद्धे मिटवल्याच्या’ दाव्यावर प्रश्नचिन्ह उपस्थित केले आहे. विश्लेषकांच्या मते, ट्रम्प यांनी ज्या प्रकरणांचा उल्लेख केला आहे, त्यापैकी अनेक वाद औपचारिक लष्करी युद्धे नव्हती तर केवळ राजनैतिक तणाव होते. तसेच, सर्बिया-कोसोव्हो किंवा मध्य पूर्वेतील संघर्षांमध्ये अमेरिकेची भूमिका आणि मिळालेले यश याबाबत भिन्न मते व्यक्त केली जात आहेत.

जागतिक घडामोडी संबंधित बातम्या वाचण्यासाठी येथे क्लिक करा : US-Iran War: 60% संवर्धित इंधन कशासाठी? अन्यथा युद्ध सुरूच राहणार…; जेडी व्हान्स यांच्या अटींनी युद्धात शांततेच्या आशांना धक्का

रशियातील प्रयोगशाळेतील गूढ मृत्यू आणि जैविक शस्त्राची शक्यता

पत्रकार परिषदेत ट्रम्प यांना रशियातील सायबेरिया येथील ‘इरकुत्स्क अँटी-प्लेग रिसर्च इन्स्टिट्यूट’ मध्ये घडलेल्या एका संशयास्पद घटनेबद्दल विचारणा करण्यात आली. या संशोधन संस्थेतील एका २८ वर्षीय महिला कर्मचाऱ्याचा (दार्या शिपालोव्हा) न्यूमोनियाने गूढ मृत्यू झाला होता आणि तिच्या संपर्कात आलेल्या सुमारे २०० हून अधिक लोकांना वैद्यकीय देखरेखेखाली ठेवण्यात आले होते. या घटनेमुळे जागतिक स्तरावर प्लेगचा धोका आणि जैविक शस्त्रांबाबत (Bioweapons) चिंता व्यक्त केली जात होती.

या घटनेचा संबंध रशियाच्या जैविक शस्त्र चाचणीशी किंवा अपघाताशी असू शकतो का, या प्रश्नावर बोलताना ट्रम्प म्हणाले, “अद्याप अमेरिकेच्या तज्ज्ञांची टीम आणि आरोग्य संस्था यावर बारीक लक्ष ठेवून आहेत. रशियन अधिकाऱ्यांनी ही परिस्थिती पूर्णपणे नियंत्रणात असल्याचे सांगितले आहे. आम्हाला वाटत नाही की हे कोणतेही जैविक शस्त्र आहे किंवा जैविक शस्त्राशी संबंधित अपघात आहे.” अमेरिकन आरोग्य संस्था (CDC) आणि जागतिक आरोग्य संघटना (WHO) या प्रकरणाचा आढावा घेत असून अमेरिकेला यापासून कोणताही थेट धोका नसल्याचे त्यांनी स्पष्ट केले.