
Mexico Violence 11 Killed News El Chapo Isidro Arrested Mexico
जगातील सर्वात धोकादायक मानल्या जाणाऱ्या ड्रग्ज कार्टेलविरुद्ध मेक्सिकोने मोठी कारवाई केली आहे, मात्र या कारवाईनंतर देशात कायदा आणि सुव्यवस्थेचा अक्षरशः उडालेला बोजवारा समोर आला आहे. उत्तरेकडील सिनालोआ (Sinaloa) राज्यात मेक्सिकन (Mexico) सुरक्षा दल आणि सशस्त्र ड्रग्ज माफियांमध्ये झालेल्या भीषण चकमकीत तब्बल ११ जणांचा मृत्यू झाला आहे. एका अत्यंत कुख्यात ड्रग्ज लॉर्डला ताब्यात घेतल्यानंतर त्याच्या टोळीतील गुंडांनी संपूर्ण शहरात दहशत माजवली, गोळीबार केला आणि अनेक वाहने तसेच दुकाने आगीच्या भक्ष्यस्थानी दिली.
परिस्थिती इतकी भयावह बनली की, सामान्य नागरिकांना आपला जीव मुठीत घेऊन दुकाने आणि इतर इमारतींमध्ये लपून बसावे लागले. मेक्सिकन सैन्याने अमेरिकेच्या फेडरल ब्युरो ऑफ इन्व्हेस्टिगेशन (FBI) च्या मोस्ट वॉन्टेड यादीत असलेल्या फॉस्टो इसिद्रो मेझा फ्लोरेस (Fausto Isidro Meza Flores) याला अटक केली आहे. गुन्हेगारी जगतात तो ‘एल चापो इसिद्रो’ या नावाने कुख्यात होता. त्याच्या अटकेनंतर सिनालोआ राज्यातील ग्वासावे (Guasave) शहरात हिंसाचाराचा आगडोंब उसळला.
फॉस्टो इसिद्रो मेझा फ्लोरेस हा मेक्सिकोच्या अमली पदार्थ तस्करीच्या विश्वातील एक अत्यंत मोठे आणि भयानक नाव आहे. तो अनेक वर्षे एफबीआयच्या (FBI) मोस्ट वॉन्टेड गुन्हेगारांच्या यादीत होता. सुरुवातीला तो कुख्यात ‘बेल्ट्रान लेवा कार्टेल’ (Beltran Leyva Cartel) या संघटनेचा प्रमुख होता. पुढे त्याने आपले स्वतंत्र गुन्हेगारी जाळे उभारून ‘मेझा-फ्लोरेस ट्रान्सनॅशनल क्रिमिनल ऑर्गनायझेशन’ नावाची स्वतःची संघटना स्थापन केली.
अमेरिकेमध्ये मोठ्या प्रमाणावर अंमली पदार्थांची तस्करी करणे आणि बेकायदेशीर शस्त्रे बाळगणे यांसारख्या गंभीर गुन्ह्यांसाठी अमेरिकन तपास यंत्रणांना तो हवा होता. या कुख्यात गुन्हेगाराला पकडण्यासाठी माहिती देणाऱ्याला अमेरिकेने तब्बल ५ दशलक्ष डॉलर्स (सुमारे ४० कोटी रुपयांहून अधिक) बक्षीस जाहीर केले होते. अशा या महाकाय गुन्हेगाराला अटक करणे हे सुरक्षा दलांसाठी मोठे यश मानले जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Donald Trump : ‘मला इराणमध्ये सत्तापालट नकोय, पण…’, डोनाल्ड ट्रम्प यांनी मांडली मोठी मागणी; अण्वस्त्रांवरून दिला थेट इशारा
या मोठ्या कारवाईमागे आंतरराष्ट्रीय गुप्तचर समन्वयाची मोठी भूमिका असल्याचे समोर आले आहे. मेक्सिकन सरकारने शनिवारी दिलेल्या माहितीनुसार, अमेरिकेचे अध्यक्ष डोनाल्ड ट्रम्प यांच्या प्रशासनाकडून मिळालेल्या महत्त्वाच्या गुप्त माहितीच्या आधारे ही अटक शक्य झाली. मात्र, दोन्ही देशांच्या गुप्तचर यंत्रणांनी ही माहिती कशी आणि कोणत्या पातळीवर शेअर केली, याचा तपशील प्रशासनाने अद्याप गुप्त ठेवला आहे.
मिळालेल्या पक्क्या माहितीच्या आधारे मेक्सिकन सुरक्षा दलांनी ग्वासावे शहरातील ज्या इमारतीत मेझा फ्लोरेस लपला होता, तिला अत्यंत गुप्तपणे वेढा घातला. सुरक्षा दल जवळ येताच संशयित कार्टेल सदस्यांनी अंदाधुंद गोळीबार आणि स्फोटकांच्या माध्यमातून जोरदार हल्ला केला. सुरक्षा दलांनी या हल्ल्याला चोख प्रत्युत्तर देत परिस्थिती नियंत्रणात आणली आणि मेझा फ्लोरेसला ताब्यात घेतले. अटक केल्यानंतर कडेकोट बंदोबस्तात त्याला विमानाने थेट राजधानी मेक्सिको सिटी येथे नेण्यात आले.
मेझा फ्लोरेसला अटक केल्याचे वृत्त पसरताच ग्वासावे शहरात तणावाचे वातावरण निर्माण झाले. स्थानिक रहिवाशांच्या मते, शुक्रवारी २ नोव्हेंबर रोजी संध्याकाळी ७ वाजण्याच्या सुमारास शहरात जोरदार गोळीबार सुरू झाला. कार्टेलच्या सशस्त्र सदस्यांनी आपली ताकद दाखवण्यासाठी शहरात किमान १० वेगवेगळ्या ठिकाणी जळत्या वाहनांनी रस्ते अडवून ठेवले.
🔴MEXICO 🇲🇽| Violence spread through northern Sinaloa on Friday, Nov 20 : violent clashes broke out in #Guasave between armed individuals and National Defense forces (#Defensa), while several semi-trucks were set on fire along Federal Highway 15, between El Fuerte and Angostura. https://t.co/0tTsRC2Ocm — Nanana365 (@nanana365media) November 21, 2026
credit – social media and Twitter
संतप्त दंगलखोरांनी अनेक मालवाहू ट्रक, कार आणि व्यापारी दुकाने पेटवून दिली. ग्वासावे येथील स्थानिक पत्रकार अल्मा कामाचो (Alma Camacho) यांनी दिलेल्या माहितीनुसार, हा हिंसाचार केवळ एका भागापुरता मर्यादित न राहता संपूर्ण शहरात पसरला. अग्निशमन दलाच्या अधिकारी पाओला सांचेझ (Paola Sanchez) यांनी सांगितले की, अचानक झालेल्या गोळीबाराने आणि आगीच्या घटनांमुळे घाबरून हजारो लोकांनी जीव वाचवण्यासाठी जवळच्या दुकानांमध्ये आणि इतर सुरक्षित इमारतींमध्ये आसरा घेतला. सुरक्षा दलांचा मोठा फौजफाटा तैनात असतानाही शनिवार सकाळपर्यंत शहरात तणावपूर्ण शांतता आणि भीतीचे वातावरण कायम होते.
जागतिक घडामोडी संबंधित बातम्या वाचण्यासाठी येथे क्लिक करा : Indonesia Factory Fire: इंडोनेशियात मोठी दुर्घटना! प्रसिद्ध कँडी कारखान्याला भीषण आग; 3 कामगारांचा मृत्यू, तर 36 जण अद्याप बेपत्ता
सुरक्षा आणि गुन्हेगारी तज्ज्ञांच्या मते, मेझा फ्लोरेस हा प्रसिद्ध सिनालोआ कार्टेलच्या ‘लॉस मेयोस’ (Los Mayos) गटाचा अत्यंत जवळचा आणि महत्त्वाचा सहकारी होता. त्याच्या अटकेमुळे या कार्टेलच्या कारवायांना आणि नेतृत्वाला मोठा तडा गेला आहे.
मात्र, या अटकेनंतर एक वेगळीच चिंता व्यक्त केली जात आहे. तज्ज्ञांचे म्हणणे आहे की, जेव्हा एखाद्या मोठ्या ड्रग्ज माफियाला अटक केली जाते किंवा तो मारला जातो, तेव्हा त्या संघटनेत पोकळी निर्माण होते आणि वर्चस्वासाठी अंतर्गत संघर्ष (Power Struggle) पेटण्याची शक्यता वाढते. यापूर्वीही मेक्सिकोमध्ये मोठ्या ड्रग्ज लॉर्ड्सवर कारवाई झाल्यानंतर सूडाच्या भावनेतून हिंसाचार उसळल्याच्या अनेक घटना घडल्या आहेत. त्यामुळे पुढील काही दिवस मेक्सिकोच्या सुरक्षा यंत्रणांसाठी अत्यंत आव्हानात्मक ठरणार आहेत.
Ans: ड्रग्ज माफियाच्या अटकेनंतर मेक्सिकोच्या सिनालोआ राज्यात झालेल्या हिंसाचारात ११ जणांचा मृत्यू झाला आहे.
Ans: मेक्सिकन सैन्याने एफबीआयच्या मोस्ट वॉन्टेड यादीतील फॉस्टो इसिद्रो मेझा फ्लोरेस उर्फ 'एल चापो इसिद्रो' याला अटक केली आहे.
Ans: मेक्सिकोच्या उत्तरेकडील सिनालोआ राज्यातील ग्वासावे (Guasave) शहरात गोळीबार, रस्ते रोको आणि जाळपोळीच्या घटना घडल्या.