पंतप्रधान मोदींचे खूप खूप अभिनंदन
नवी दिल्ली : पंतप्रधान नरेंद्र मोदी हे जगभरातील नेत्यांमध्ये सोशल मीडिया प्लॅटफॉर्म्सवर नेहमीच सक्रिय असतात. त्यांच्या सर्व गोष्टींचे अपडेट नेहमीच त्यांच्या सोशल मीडियावरून मिळत राहतात. संपूर्ण जगभरात त्यांचे चाहते आहेत. आणि त्यामुळे प्रत्येक सोशल मीडिया प्लॅटफॉर्मवरही त्यांचे फॉलोअर्स मोठ्या प्रमाणावर आहेत. पीएम मोदी हे ‘X’ या सोशल मीडिया प्लॅटफॉर्मवरही आता जगातील सर्वाधिक फॉलोअर्स असलेले नेते आहेत. पंतप्रधान नरेंद्र मोदींच्या ‘X’ अकाउंटला 10 कोटींहून अधिक फॉलोअर्स मिळाले आहेत. टेस्लाचे मुख्य कार्यकारी अधिकारी (CEO) इलॉन मस्क यांनी शुक्रवारी पंतप्रधान नरेंद्र मोदी यांचे सोशल मीडिया प्लॅटफॉर्म ‘X’ वर जगातील सर्वाधिक फॉलोअर्स असलेले नेते बनल्याबद्दल अभिनंदन केले.
इलॉन मस्क काय म्हणाले
टेस्लाचे सीईओ इलॉन मस्क यांनी शुक्रवारी पंतप्रधान नरेंद्र मोदी यांना सोशल मीडिया प्लॅटफॉर्म ‘X’ वर जगातील सर्वाधिक फॉलोअर्स नेता बनल्याबद्दल टॅग केले आणि त्यांचे अभिनंदन केले. मस्क यांनी ‘X’ वरील पोस्टमध्ये म्हटले आहे की, ‘पंतप्रधान नरेंद्र मोदी यांना जगातील सर्वाधिक फॉलोअर्स नेता बनल्याबद्दल अभिनंदन.’
Congratulations PM @NarendraModi on being the most followed world leader!
— Elon Musk (@elonmusk) July 19, 2024
पीएम मोदींनी आनंद व्यक्त केला होता
‘X’ या सोशल मीडिया प्लॅटफॉर्मवर 10 कोटी फॉलोअर्स मिळाल्यावर पंतप्रधान नरेंद्र मोदी यांनी एका पोस्टमध्ये ‘X वर 10 कोटी फॉलोअर्स’ असे म्हटले होते की, ‘या सोशल मीडिया प्लॅटफॉर्म वर असण्याचा आणि चर्चा, वादविवाद, अंतर्दृष्टी, लोकांचे आशीर्वाद, रचनात्मक टीका आणि बरेच काही यांचा भाग बनून आनंद झाला. भविष्यातही अशाच पद्धतीने लोकांशी जोडले जाण्यास मी उत्सुक आहे.’
पीएम मोदी बिडेन यांच्या पुढे आहेत
पंतप्रधान मोदींप्रमाणेच, मोठ्या संख्येने फॉलोअर्स असलेल्या इतर जागतिक नेत्यांमध्ये अमेरिकेचे अध्यक्ष जो बिडेन (3.81 कोटी) आणि तुर्कीचे अध्यक्ष रेसेप तय्यिप एर्दोगन (2.15 कोटी) यांचा समावेश आहे. पंतप्रधान मोदी यांची YouTube आणि Instagram वर देखील प्रभावी उपस्थिती आहे ज्यात अनुक्रमे 2.5 कोटी सदस्य आणि 9.1 कोटी फॉलोअर्स आहेत.
.png "Videos"){kind=small}
