चीनला पुन्हा पसरवायचा आहे विषारी जिवाणू? कोरोना वाढत असताना दोन तस्करांना अमेरिकेतून घेतले ताब्यात

अमेरिकेत दोन चिनी नागरिकांना अटक करण्यात आली आहे. या घटनेने मोठी खळबळ उडाली आहे. या चिनी नागरिकांवर धोकादायक कृषी जीवाणूंची तस्करी केल्याचा आरोप केली आहे.

वॉशिंग्टन: अमेरिकेत दोन चिनी नागरिकांना अटक करण्यात आली आहे. या घटनेने मोठी खळबळ उडाली आहे. या चिनी नागरिकांवर धोकादायक कृषी जीवाणूंची तस्करी केल्याचा आरोप केली आहे. युंकिंग जियान आणि झुन्योंग लिऊ अशी या चीनी नागरिकांची नावे आहेत. यांच्यावर कट रचणे, तसेच अमेरिकेत वस्तूंची तस्करी करणे आणि व्हिसा फसवणूकीचाही आरोप करण्यात आला आहे. मिशिगनच्या पूर्व जिह्ल्याचे अमेरिकन ॲटर्नी ऑफिसने याची माहिती दिली.

एफबीआयचे संचालक काश पटेल यांनी सोशल मीडियावर पोस्ट करत या प्रकरणाची माहिती दिली. त्यांनी सांगतिले की, अमेरिकेत दोन चिनी नागरिकांना अटक करण्यात आली आहे. त्यांच्यावर अमेरिकेत धोकादायक कृषी जीवाणूंची तस्करी केल्याचा आरोप आहे.

काश पटेल यांनी सांगतिले की, युंकिंग जियान या चिनी नागरिकाला अमेरिकेत ‘फ्युसेरियम ग्रॅमिनेरम’ नावाच्या धोकादायक बुरशीची तस्कीरी केली. याच्या आरोपाखाली त्यांना अटक करण्यात आली आहे. तसेच झुन्योंग लिऊ याला खोटे बोलण्याचा आणि अमेरिकेत ‘फ्युसेरियम ग्रॅमिनेरमची तस्कीर करण्याचा आरोप आहे. लिऊ एका चिनी विद्यापीठात रोगजनकांवर संशोधनाचे काम करतो.

जागतिक घडामोडी संबंधित बातम्या- पाकिस्तानची जुळवा जूळवी; भारताविरोधात मुस्लीम देशांना एकवटण्याचा सुरु आहे नापाक ‘प्लॅन’

धोकादायक बुरशी बद्दल माहिती देताना काश पटेल यांनी सांगतिले की, “फ्यूसेरियम ग्रॅमिनेरियम ही अत्यंत धोकादायक बुरशी आहे. युनकिंग जियान हा कृषी दहशतवादी एजंट आहे. त्याने अमेरिकेत या धोकादायक बुरशीची तस्करी करण्याचा प्रयत्न केला. या बुरशीमुळे ‘हेड ब्लाइट’ नावाचा आजार पसरतो. गहू, बार्ली, मका आणि तांदूळ यांपिकांद्वारे हा आजार पसरवला जातो. यामुळे मानव आणि प्राण्यांच्या आरोग्याला गंभीर धोका निर्माण होतो.

See more

New… I can confirm that the FBI arrested a Chinese national within the United States who allegedly smuggled a dangerous biological pathogen into the country.

The individual, Yunqing Jian, is alleged to have smuggled a dangerous fungus called “Fusarium graminearum,” which is an…

— FBI Director Kash Patel (@FBIDirectorKash) June 3, 2025

काश पटेल यांनी सांगितले की, जियान आणि लिऊ या दोघांवर कट रचणे, अमेरिकेत वस्तूंची तस्करी करणे, खोटी विधाने करणे आणि व्हिसा फसवणूकी यांसारखे आरोप आहेत. त्यांनी म्हटले की, हा चीनसाठी एक इशार आहे, अमेरिकन संस्थांमध्ये घुसखोरी करण्याचा प्रयत्न आणि अन्न पुरवठ्याला धोका निर्माण करण्याचा चीन प्रयत्न करत आहे. यामुळे गंभीर नुकसान होण्याची शक्यता आहे.

सध्या जियान आणि लिऊ एफबीआयच्या ताब्यात आहेत. त्यांच्यावरील आरोप सिद्ध झाल्यास त्यांना तुरुंगवासाची शिक्षा होऊ शकते. तसेच अमेरिकेतून त्यांना हद्दापारही करण्यात येऊ शकते. सध्या या घटनेचा अतिरिक्त तपास सुरु आहे.

जागतिक घडामोडी संबंधित बातम्या- मदत की हिंसाचार? मानवतेला काळीमा फासतीये इस्रायली सेना; भुकेल्या पॅलेस्टिनींनवर पुन्हा हल्ला