Gaza War : इस्रायल गाझातील संघर्ष थांबवण्यास तयार? येत्या २४ तासांत ट्रम्प-नेतन्याहू करु शकतात युद्धबंदीची घोषणा

Trump Netanyahu Meet : इस्रायलचे पंतप्रधान बेंजामिन नेतन्याहू यांनी अमेरिकेचे राष्ट्राध्यक्ष डोनाल्ड ट्रम्प यांची भेट घेतली. भेटीदरम्यान गाझातील युद्धबंदीवर चर्चा झाली. यासाठी एका मोठ्या योजनेचे आयोजनही करण्यात आले आहे.

• व्हाइट हाउसमध्ये नेतन्याहू आणि ट्रम्प यांची भेट
• इस्रायलने गाझा युद्धबंदीवर दर्शवली सहमती
• ट्रम्प यांनी युद्धबंदी आणि ओलिसांच्या सुटकेसाठी मांडला प्रस्ताव

Israel Hamas War : तेल अवीव : इस्रायलचे पंतप्रधान बेंजामिन नेतन्याहू (Benjamin Netnyahu) यांनी गाझातील युद्धबंदीला सहमती दर्शवली आहे. नुकतेच त्यांनी अमेरिकेच्या व्हाइट हाऊसमध्ये राष्ट्राध्यक्ष डोनाल्ड ट्रम्प (Donald Trump) यांची भेट घेतली.या वेळी ट्रम्प यांनी गाझातील युद्धबंदीसाठी आणि ओलिसांच्या सुटकेसाठी नेतन्याहूंसमोर एक प्रस्ताव मांडला. या प्रस्तावाला नेतन्याहूंनी मंजुरी दिली आहे.

काय म्हणाले नेतन्याहू आणि ट्रम्प?

डोनाल्ड ट्रम्प यांनी युद्धबंदीसाठी २१ कलमी योजना सादर केली आहे. नेतन्याहूंच्या मंजुरीनंतर पत्रकार परिषदेत याची घोषणा करण्यात आली. ट्रम्प यांनी म्हटले की, हमासने (Hamas) ही योजना मान्य केल्यास युद्ध लवकरच संपेल. पण ते या योजनेशी सहमत नसतील तर इस्रायलला ही योजना पूर्णपणे रद्द करण्याचा अधिकारा आहे आणि अमेरिकेचा याला पाठिंबा असेल.

याच वेळी नेतन्याहूंनी देखील इशारा दिली की, गाझामध्ये पूर्णत: शांतता निर्माण होईल. यासाठी हमासला आपली शस्त्र सोडावी लागतील यानंतर लगेचच इस्रायल गाझातून हळूहळू माघार घेण्यास सुरुवात करेल. त्यांनी पुढे म्हटले की, आम्ही युद्धबंदीसाठी तयार आहोत, पण हमासने या प्रस्तावाला नकार दिला तर इस्रायल त्यांना नष्ट करण्याचे कार्य पूर्ण करेल.

गाझातील कारवाया इस्रायलला पडल्या महागात; ‘या’ देशाने शस्त्रास्त्र करार रद्द केल्याने झाले अब्जावधींचे नुकसान

हमासने काय प्रतिक्रिया दिली?

हमासने यावर प्रतिक्रिया देताना म्हटले की, सध्या गाझातील युद्धबंदीसाठी त्यांना कोणताही औपचारिक प्रस्ताव मिळालेला नाही. तसेच हमासने शस्त्र सोडण्यासही नकार दिला आहे. तर दुसरीकडे पॅलेस्टिनी सरकारने ट्रम्प यांच्या योजनेचे स्वागत केले आहे.

काय आहे डोनाल्ड ट्रम्प यांची २० कलमी योजना?

• डोनाल्ड ट्रम्प यांनी पत्रकारांशी संवाद साधताना सांगितले की, गाझातीलस युद्धबंदी थांबवण्यासाठी सर्व बंधकांना सोडणे आवश्यक आहे. तसेच गाझामध्ये एक तात्पुरते प्रशासनही स्थापन करणे गरजेचे आहे.
• त्यांनी म्हटले की, या सरकारने अध्यक्ष ट्रम्प स्वत: असतील. तसेच यामध्ये माजी ब्रिटीश पंतप्रधान टोनी ब्लेअरही असतील.
• ट्रम्प यांनी सांगितले की, तात्काळ युद्धबंदीसाठी इस्रायल आणि हमास यांच्यात एका कागदी कराराची आवश्यकता आहे.
• या करारानंतर इस्रायल हळूहळू गाझातून आपले सैन्य माघारा बोलावेल, तर या बदल्यात ७२ तासांच्या आत हमास सर्व इस्रायली ओलिसांची सुटका करेल. मग ते मृत असोत किंवा जिवंत.
• युद्ध संपल्यानंतर इस्रायल गाझातील १७०० कैद्यांना आणि जन्मठेपेची शिक्षा भोगत असलेल्या २५० लोकांना मुक्त करेल.
• याशिवाय इस्रायली प्रत्येक एका मृत इस्रायली कैद्यामागे १५ मृत पॅलेस्टिनी कैंद्याचे मृतदेह परत करेल.
• ट्रम्प यांना गाझाला दहशतवादापासून पूर्णपणे मुक्त करायचे आहे, यामुळे हमासला आपली सर्व ठिकाणे आणि शस्त्रे सोडावी लागतील.
• तसेच पॅलेस्टिनींचे सरकार स्थापन करताना यामध्ये हमासचा तसेच इतर मिलिशियाचा समावेश नसेल.
• गाझासाठी एका तात्पुरत्या अंतरिम प्रशासनाची स्थापना केली जाईल.
• यानंतर गाझाच्या पुनर्निर्माणाची प्रक्रिया सुरु होई. गाझातील अंतरिम सरकार देशात विकार आणि सुधारणांचे नियोजन करेल यासाठी निधी उभारेल.
• तसेच गाझातील लोकांसाठी सर्व मानतावदी मतदही तातडीने पुरवली जाईल.
• गाझामध्ये व्यापार क्षेत्रे स्थापन केली जातील, यामुळे तेथील लोकांसाठी रोजगाराची संधी उपल्बध होईल.
• याशिवाय गाझामध्ये एक आंतरराष्ट्रीय सुरक्षा दलही तैनात केले जाईल.हे सुरक्षा दल गाझात पोलिसांना प्रशिक्षण देतील. त्यांना मदत करतील.याशिवाय सीमा सुरक्षाही मजबूत केली जाईल. युद्ध संपेपर्यंत सर्व हल्ले आणि गोळीबार थांबवला जाईल.
• याशिवाय गाझात मदत आणि सुरक्षेचे निरीक्षणही केले जाईल. तसेच इस्रायल आणि पॅलेस्टाईनमध्ये ही शांतता वाटाघाटी सुरु होतील.
• भविष्यात गाझात शांतता, विकास आणि चांगल्या जीवन रहावे यासाठी प्रयत्न केला जाईल.

FAQs(संबंधित प्रश्न)

प्रश्न १. ट्रम्प आणि नेतन्याहूंनी कुठे भेट घेतली? 

अमेरिकेचे राष्ट्राध्यक्ष डोनाल्ड ट्रम्प आणि इस्रायलचे पंतप्रधान बेंजामिन नेतन्याहू यांनी २९ सप्टेंबर रोजी अमेरिकेच्या व्हाइट हाउसमध्ये भेट घेतली.

प्रश्न २. ट्रम्प आणि नेतन्याहूमध्ये काय चर्चा झाली? 

ट्रम्प आणि नेतन्याहू यांच्यात गाझातील इस्रायल-हमास युद्ध थांबवण्यावर चर्चा झाली.

प्रश्न ३. डोनाल्ड ट्रम्प यांनी नेतन्याहूंसमोर युद्धबंदीसाठी किती कलमी प्रस्तावर मांडला? 

ट्रम्प यांनी नेतन्याहूंन समोर गाझात युद्धबंदीसाठी २० कलमी प्रस्ताव मांडला.

भारत-कॅनडा संबंध पुन्हा होताहेत दृढ; जयशंकर यांनी घेतली अनिता आनंद यांची भेट घेतली