Global Politics: इटलीत काळोखाचं सावट! इटलीच्या पंतप्रधान मेलोनी आणि सौदी प्रिन्स MBS यांची 'सिक्रेट' भेट; नेमकं कारण काय? ( फोटो सौजन्य : सोशल मीडिया )
Giorgia Meloni Saudi Arabia visit 2026 : मध्य-पूर्वेतील युद्धाचा वणवा आता थेट युरोपच्या उंबरठ्यावर पोहोचला आहे. इराण आणि अमेरिका यांच्यातील वाढत्या तणावाचा सर्वात मोठा फटका इटलीला बसला असून देशात गॅस आणि तेलाचा तुटवडा निर्माण झाला आहे. ही परिस्थिती हाताळण्यासाठी इटलीच्या पंतप्रधान जॉर्जिया मेलोनी (Giorgia Meloni ) यांनी आपला पूर्वनियोजित कार्यक्रम बाजूला सारून आखाती देशांचा अनपेक्षित दौरा सुरू केला आहे. शुक्रवारी त्या सौदी अरेबियातील जेद्दाह येथे दाखल झाल्या, जिथे त्यांचे जंगी स्वागत करण्यात आले.
इटली आपल्या एकूण गॅस वापरापैकी १० टक्के गरज कतारकडून येणाऱ्या एलएनजी (LNG) द्वारे पूर्ण करतो. तसेच इटलीच्या तेल आयातीमध्ये मध्य-पूर्वेचा वाटा १२ टक्के आहे. मात्र, इराणच्या बॅलिस्टिक क्षेपणास्त्र आणि ड्रोन हल्ल्यांमुळे होर्मुझची सामुद्रधुनी (Strait of Hormuz) हा जगातील सर्वात महत्त्वाचा व्यापारी मार्ग आता युद्धभूमी बनला आहे. यामुळे एप्रिलपासून जूनच्या मध्यापर्यंत इटलीला गॅस घेऊन येणारी १० मालवाहू जहाजे समुद्रामध्ये अडकून पडली आहेत. कतार एनर्जीच्या मते, इराणच्या या आक्रमक पवित्र्यामुळे त्यांच्या निर्यात क्षमतेवर १७ टक्क्यांहून अधिक परिणाम झाला आहे.
जागतिक घडामोडी संबंधित बातम्या वाचण्यासाठी येथे क्लिक करा : A-10 Warthog : एका क्षेपणास्त्रात खेळ खल्लास! अमेरिकेच्या गर्विष्ठ ‘वॉरहॉग’ला इराणने क्षणात संपवले; VIDEO मीडियामध्ये लीक
पंतप्रधान मेलोनी यांनी आपल्या दौऱ्याची सुरुवात जेद्दाह येथून केली. किंग अब्दुलअझीझ आंतरराष्ट्रीय विमानतळावर मक्का प्रदेशाचे गव्हर्नर आणि वरिष्ठ सौदी अधिकाऱ्यांनी त्यांचे स्वागत केले. त्यानंतर मेलोनी यांनी सौदी युवराज मोहम्मद बिन सलमान (MBS) यांची भेट घेऊन तातडीच्या ऊर्जा पुरवठ्यावर चर्चा केली. इटलीला भीती आहे की जर हे युद्ध अधिक लांबले, तर देशातील उद्योगधंदे आणि वीज पुरवठा पूर्णपणे ठप्प होऊ शकतो. आखाती देशांचा हा दौरा केवळ इटलीची गरज पूर्ण करण्यासाठी नसून, इराणविरुद्धच्या संघर्षात आखाती भागीदारांना पाठिंबा दर्शवण्यासाठीही आहे.
Italy’s Meloni visits Gulf to discuss energy security with Saudi Arabia, UAE and Qatar https://t.co/mCGNvHD38Q — The National (@TheNationalNews) April 3, 2026
credit – social media and Twitter
रोममधील सूत्रांनी दिलेल्या माहितीनुसार, कतारकडून होणारा पुरवठा खंडित झाल्यामुळे इटली आता अमेरिकेकडे आशेने पाहत आहे. जून महिन्यापासून इटलीला अमेरिकेतील ‘गोल्डन पास’ (Golden Pass) एलएनजी सुविधेमधून गॅस मिळण्यास सुरुवात होण्याची शक्यता आहे. मात्र, तोपर्यंतचा काळ इटलीसाठी अत्यंत आव्हानात्मक असणार आहे. मेलोनी यांचा हा दोन दिवसीय दौरा सौदी अरेबियानंतर कतार आणि संयुक्त अरब अमिरातीपर्यंत जाणार आहे, जिथे त्या स्वतः हजर राहून ऊर्जा करारांवर शिक्कामोर्तब करणार आहेत.
जागतिक घडामोडी संबंधित बातम्या वाचण्यासाठी येथे क्लिक करा : War Update: ट्रम्प यांची साप्ताहिक सुट्टी रद्द, व्हाईट हाऊसमध्ये ‘बंद दाराआड’ बैठकांचे सत्र; 125 लाख कोटींच्या बजेटमुळे धाकधूक
फेब्रुवारीपासून सुरू असलेल्या अमेरिका-इस्रायल संघर्षात आतापर्यंत अनेक युरोपियन देशांनी सावध भूमिका घेतली होती. मात्र, मेलोनी यांच्या सौदी दौऱ्याने हे स्पष्ट केले आहे की युरोप आता केवळ मानवाधिकारांच्या गप्पा न मारता आपल्या ऊर्जा सुरक्षेसाठी आखाती देशांशी संबंध मजबूत करण्यास प्राधान्य देत आहे. इराणच्या हल्ल्यांमुळे होणारे नुकसान भरून काढण्यासाठी आता युरोपला सौदी आणि अमेरिकेवर अधिक अवलंबून राहावे लागणार आहे.
Ans: इराणच्या हल्ल्यांमुळे कतारकडून येणारा गॅस पुरवठा विस्कळीत झाला असून, इटलीची ऊर्जा सुरक्षा सुनिश्चित करण्यासाठी त्यांनी सौदी युवराजांची भेट घेतली.
Ans: यामुळे इटलीला गॅस घेऊन येणारी १० मालवाहू जहाजे अडकून पडली असून देशात १०-१२ टक्के ऊर्जा तुटवडा निर्माण झाला आहे.
Ans: कतारमधील तूट भरून काढण्यासाठी इटली आता सौदी अरेबिया आणि अमेरिकेच्या 'गोल्डन पास' एलएनजी सुविधेवर अवलंबून आहे.
