Global Economy : बॉन्ड बाजारात खळबळ; अमेरिकेचा यिल्ड 5%च्या दिशेने

Global Economy : जागतिक बॉन्ड बाजारात मोठी अस्थिरता निर्माण झाली असून अमेरिकेच्या 10 वर्षांच्या ट्रेझरी यिल्डने जवळपास 4.8 टक्क्यांची पातळी गाठली आहे. मध्यपूर्वेतील संघर्षामुळे वाढलेल्या तेलाच्या किमती, महागाईची चिंता आणि सरकारी कर्जाचा वाढता बोजा यामुळे यिल्डवर दबाव आहे. जपान आणि युरोपमधील बॉन्ड यिल्डमध्येही मोठी वाढ झाली आहे.

• अमेरिकेच्या बॉण्ड यिल्ड मध्ये मोठी वाढ
• इराण युद्धामुळे तेल महाग
• जपान ब्रिटन आणि युरोप वरही दबाव

Global Economy : जागतिक अर्थव्यवस्थेसमोर पुन्हा एक मोठे आर्थिक आव्हान उभे राहिले आहे . जगभरातील बॉन्ड बाजारात मोठी विक्री सुरु असून , सरकारी कर्ज उभारणीचा खर्च अनेक देशांमध्ये अनेक दशकांच्या उच्चांकावर पोहोचला आहे . अमेरिकेच्या १० वर्षाचा ट्रेझरी यिल्डने जवळपास ४.८ टक्क्यांची पातळी गाठली असून , आता बाजाराचे लक्ष ५ टक्क्यांच्या महत्वपूर्ण टप्प्याकडे लागले आहे . वाढत्या तेलाच्या किमती , महागाईची चिंता आणि सरकारी कर्जाचा वाढता बोजा यामुळे गुंतवणूकदारांमध्ये अस्वस्थता वाढली आहे .

अमेरिकेच्या बॉण्ड यिल्ड मध्ये मोठी वाढ

अमेरिकेचा १० वर्षाचा ट्रेझरी यिल्ड हा जगातील अनेक कर्जदारांसाठी महत्वाचा बेंचमार्क मानला जातो . सध्या तो सुमारे ४.८ टाक्यांवर पोहोचला असून २०२३ नंतरची ही उच्च पातळी आहे . यिल्ड वाढण्याचा अर्थ बॉन्डच्या किमती कमी होणे आणि सरकारला नवीन कर्जासाठी अधिक व्याज द्यावे लागणे असा होतो .

याचा परिणाम कंपन्यांच्या कर्जापासून गृहकर्ज आणि इतर कर्जदारांपर्यंत होऊ शकतो . या परिस्थितीमुळे अमेरिकेतील गुंतवणूकदारांचेच न्हवे तर जगभरातील वित्तीय बाजारांचे लक्ष ट्रेझरी यिल्डकडे लागले आहे . ५ टक्क्यांच्या दिशेने होणारी आणखी वाढ बाजारातील अस्थिरता वाढवू शकते .

Iran News : आखातात इंधन तस्करीचा पर्दाफाश; ३.८२ लाख लिटर इंधन जप्त, ११ जण अटकेत

इराण युद्धामुळे तेल महाग

सध्याच्या बॉन्ड बाजारातील अस्थिरतेमागे मध्यपूर्वेतील संघर्षाचाही मोठा वाटा आहे . अमेरिका इराण संघर्षामुळे कच्च्या तेलाच्या पुरवठ्या बाबत चिंता वाढली असून , ब्रेंट क्रूडची किंमत बुधवारी काही वेळेस जवळपास ९७ डॉलरपर्यंत पोहोचली .

तेल महाग झाल्यास वाहतूक , उत्पादन आणि इतर वस्तूंच्या किमती वाढण्याची शक्यता असते . त्यामुळे महागाईवर नियंत्रण ठेवण्यासाठी केंद्रीय बँकांना व्याजदर वाढवण्याचा दबाव येऊ शकतो . व्याजदर वाढण्याची शक्यता वाढली कि बॉन्ड यिल्डमधे आणखी वाढ होऊ शकते . त्यामुळे बाजारात सध्या महागाई आणि व्याजदरांचे गणित अत्यंत्य महत्वाचे ठरले आहे .

Pakistan–Iran : अमेरिकेच्या निर्बंधांना पाकिस्तानचा ठेंगा; व्यापार सुरूच

जपान ब्रिटन आणि युरोप वरही दबाव

ही समस्या केवळ अमेरिकेपुरती मर्यादित राहिलेली नाही . जपानच्या १० वर्षाच्या सरकारी बॉन्डचा यिल्ड ३ टक्क्यांवर पोहोचला असून १९९६ नंतर प्रथमच एवढी पातळी गाठली आहे . ब्रिटन , जर्मनी आणि फ्रान्समध्ये दीर्घकालीन कर्जाचे दर अनेक वर्षांच्या उच्चाकांजवळ आहेत .

सरकारी कर्ज वाढत असताना त्यावरील व्याजाचा खर्चही वाढतो . त्याचवेळी AI क्षेत्रातील मोठ्या कंपन्यांकडून डेटा सेंटर आणि तंत्रज्ञानासाठी मोठ्या प्रमाणावर कर्ज उभारले जात आहे . त्यामुळे उपलब्ध भांडवलासाठी स्पर्धा वाढत असल्याचे बाजार विश्लेषकांचे म्हणणे आहे .