Trump Protest: अमेरिकेत ट्रम्पविरोधात ‘दुसरं स्वातंत्र्ययुद्ध’? 50 राज्यांत ‘नो किंग’चा एल्गार; ‘या’ VIRAL VIDEO मुळे समजलं सत्य

US-Iran War: ट्रम्प यांच्या धोरणांविरुद्ध आणि इराण युद्धाविरोधात अमेरिकेच्या सर्व 50 राज्यांमध्ये आणि युरोपमध्ये 'नो किंग्स' (राज नको) रॅली सुरू झाल्या आहेत. ट्रम्पविरुद्ध लाखो लोक रस्त्यावर उतरले आहेत.

• ‘नो किंग्स’ एल्गार
• हॉलिवूडची एन्ट्री
• युद्धाचा संताप

No Kings Rallies US Iran War : डोनाल्ड ट्रम्प (Donald Trump) यांच्या सत्तेच्या कार्यकाळातील सर्वात मोठे आव्हान आता रणांगणातून थेट रस्त्यावर आले आहे. इराणसोबत सुरू असलेले युद्ध, गगनाला भिडलेली महागाई आणि ‘राजेशाही’ थाटातील प्रशासकीय निर्णयांविरुद्ध संपूर्ण अमेरिका आणि युरोपमध्ये आंदोलनाचा वणवा पेटला आहे. ‘नो किंग्स’ (No Kings) या नावाने सुरू झालेल्या या रॅलीने आता जागतिक लोकचळवळीचे रूप धारण केले असून, ट्रम्प यांच्या राजीनाम्याची मागणी जोर धरू लागली आहे.

मिनेसोटा ते मॅनहॅटन: जनसागराचा महापूर

या आंदोलनाचे केंद्रस्थान ठरले ते मिनेसोटातील ‘सेंट पॉल’. येथे हजारो लोक कॅपिटल लॉनवर जमा झाले आणि त्यांनी ट्रम्प यांच्या धोरणांचा तीव्र निषेध केला. न्यूयॉर्कच्या मॅनहॅटनपासून ते ड्रिग्ससारख्या लहान शहरांपर्यंत तब्बल ३,१०० हून अधिक छोटे-मोठे निषेध मोर्चे काढण्यात आले. वॉशिंग्टन डी.सी. मध्ये लिंकन मेमोरियलपासून नॅशनल मॉलपर्यंत निघालेल्या मोर्चामध्ये आंदोलकांनी “डाऊन विथ द क्राउन, क्लाउन” (विदूषका, तुझा मुकुट खाली उतरव) अशा घोषणा देत ट्रम्प यांच्या कार्यपद्धतीवर सडकून टीका केली.

जागतिक घडामोडी संबंधित बातम्या वाचण्यासाठी येथे क्लिक करा : War Update: ‘आता संपूर्ण जगाला परिणाम भोगावे लागतील’, इराण माघार घेईना; अराघचींचं मोठं विधान, आंतरराष्ट्रीय पातळीवर चर्चा

सेलिब्रिटींची साथ आणि भावनिक साद

यावेळी केवळ सामान्य जनताच नाही, तर हॉलिवूडमधील दिग्गज आणि जागतिक ख्यातीचे कलाकारही रस्त्यावर उतरले आहेत. रॉक स्टार ब्रूस स्प्रिंगस्टीन यांनी ‘स्ट्रीट्स ऑफ मिनियापोलिस’ हे गाणे गाऊन आंदोलनात प्राण फुंकले. हे गाणे फेडरल एजंट्सच्या हिंसाचारात मारल्या गेलेल्या नागरिकांच्या स्मृतीप्रित्यर्थ होते. रॉबर्ट डी नीरो आणि सिनेटर बर्नी सँडर्स यांनी ट्रम्प यांच्या धोरणांना लोकशाहीसाठी घातक ठरवले आहे. सेलिब्रिटींच्या या सहभागामुळे आंदोलनाची व्याप्ती अधिकच वाढली आहे.

See more

OMG! These are No Kings protesters in downtown St. Paul, on their way to the Minnesota State Capitol. 🙌💪👏✊👇 pic.twitter.com/zLK1vU8V8H — Bill Madden (@maddenifico) March 28, 2026

credit – social media and Twitter

जनतेचा उद्रेक नेमका कशासाठी?

तज्ञांच्या मते, या संतापामागे तीन प्रमुख कारणे आहेत: १. इराण युद्धाची किंमत: इराण-अमेरिका युद्धात १३ अमेरिकन जवान शहीद झाल्याने जनतेमध्ये संताप आहे. हे युद्ध त्वरित थांबवण्याची मागणी केली जात आहे. २. महागाईचा विळखा: युद्धामुळे कच्च्या तेलाचे दर वाढले असून अमेरिकेत इंधनाच्या किमतींनी उच्चांक गाठला आहे, ज्यामुळे सर्वसामान्यांचे बजेट कोलमडले आहे. ३. कठोर ‘इमिग्रेशन’ धोरण: ट्रम्प प्रशासनाने स्थलांतरितांविरुद्ध सुरू केलेल्या हिंसक कारवायांमुळे मानवाधिकार कार्यकर्त्यांमध्ये मोठी नाराजी आहे.

See more

Demonstrators denouncing US President Donald Trump’s policies took over streets across the US on Saturday, for the third ‘No Kings’ rally. More than 3,200 events were planned in all 50 states against what protesters see as an authoritarian form of governance. pic.twitter.com/b8zg9vZJFf — Al Jazeera English (@AJEnglish) March 28, 2026

credit – social media and Twitter

युरोपमध्येही ट्रम्पविरोधी लाट

हे आंदोलन केवळ अमेरिकेपुरते मर्यादित राहिलेले नाही. लंडनमध्ये “अति-उजव्यांना थांबवा” अशा घोषणा देत प्रचंड मोर्चा काढण्यात आला. पॅरिसमध्ये ‘बॅस्टिल’ येथे शेकडो अमेरिकन नागरिक आणि स्थानिक लोक जमले होते. रोममध्ये पंतप्रधान जॉर्जियो मेलोनी यांच्या इराण धोरणाविरुद्ध घोषणाबाजी करण्यात आली. ट्रम्प यांचे युरोपीय मित्र देशही आता या जनक्षोभाच्या छायेत आले आहेत.

See more

HAPPENING NOW: Thousands of people gather on the Boston Common ahead of the ‘No Kings’ rally. https://t.co/pOQXpwZ4PC pic.twitter.com/w2Z9ve5QEv — Boston 25 News (@boston25) March 28, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : North Korea : इराणनंतर उत्तर कोरियाचा ‘स्फोट’! किम जोंग-उनची अमेरिकेवर हल्ला करण्याची तयारी? ‘या’ चाचणीने व्हाइट हाऊस हादरलं

व्हाईट हाऊसचे प्रत्युत्तर: ‘डाव्यांचा कट’

दुसरीकडे, ट्रम्प प्रशासन आणि रिपब्लिकन नेत्यांनी हे आंदोलन गांभीर्याने घेण्यास नकार दिला आहे. व्हाईट हाऊसच्या प्रवक्त्या अबीगेल जॅक्सन यांनी याला “डाव्या विचारसरणीच्या नेटवर्कचा कट” म्हटले आहे. त्यांच्या मते, या रॅलींना खरा जनसमर्थन नसून हे केवळ प्रशासनाला बदनाम करण्याचे प्रयत्न आहेत. मात्र, रस्त्यावर उतरलेली लाखो लोकांची गर्दी काही वेगळीच कथा सांगत आहे.