कोणीच वाचणार नाही! इराणचा अमेरिका अन् इस्रायलला शेवटचा इशारा; अराघची यांनी दिला संपूर्ण जगाला उद्देशून धोकादायक संदेश, युद्धाच्या भीषण वणव्यात संपूर्ण जगाला ओढण्याची तयारी? वाचा ( फोटो सौजन्य : सोशल मीडिया )
Iran Foreign Minister Abbas Araghchi warning : मध्य-पूर्वेतील युद्धाची आग (US-Israel Iran War) आता केवळ दोन-तीन देशांपुरती मर्यादित राहिलेली नाही, तर ती संपूर्ण जगाला आपल्या विळख्यात घेण्यास सज्ज झाली आहे. इराणचे परराष्ट्र मंत्री अब्बास अराघची यांनी नुकताच एक असा इशारा दिला आहे, ज्यामुळे जागतिक शांततेचे स्वप्न पाहणाऱ्या देशांची झोप उडाली आहे. ग्रीसचे परराष्ट्र मंत्री जॉर्ज गेरापेट्रिस यांच्याशी फोनवर बोलताना अराघची यांनी स्पष्ट केले की, हे युद्ध आता ‘आर-पार’च्या लढाईत रूपांतरित झाले असून त्याचे परिणाम सर्वांनाच भोगावे लागणार आहेत.
अब्बास अराघची यांच्या मते, वॉशिंग्टन आणि तेल अवीव (इस्रायल) जाणीवपूर्वक इराणविरुद्ध आक्रमकता वाढवत आहेत. त्यांचा असा दावा आहे की, अमेरिका इतर देशांना या युद्धात सामील होण्यासाठी भाग पाडत आहे किंवा खोटा प्रचार करून इराणला एकाकी पाडण्याचा प्रयत्न करत आहे. अराघची यांनी धोक्याची घंटा वाजवताना सांगितले की, जर आंतरराष्ट्रीय समुदायाने अमेरिका आणि इस्रायलच्या या ‘दहशतवादी’ कारवायांकडे दुर्लक्ष केले, तर जागतिक नैतिक व्यवस्था कोलमडून पडेल. याचा अर्थ असा की, जर हे युद्ध भडकले, तर त्याची झळ केवळ आखाती देशांनाच नाही, तर युरोप आणि आशियातील देशांनाही बसणार आहे.
जागतिक घडामोडी संबंधित बातम्या वाचण्यासाठी येथे क्लिक करा : Holy Jihad : हुथी बंडखोरांचा इस्रायलवर क्षेपणास्त्र मारा, ‘पवित्र जिहाद युद्धा’ची मोठी घोषणा; इराणच्या जोडीने आता रणांगण पेटणार
इराणने यावेळी आंतरराष्ट्रीय कायद्यांचा आणि संयुक्त राष्ट्रांच्या (UN) नियमांचा दाखला दिला आहे. अराघची यांनी नमूद केले की, कोणत्याही देशाने आपल्या प्रदेशाचा किंवा संसाधनांचा वापर दुसऱ्या देशावर हल्ला करण्यासाठी करू देणे हे बेकायदेशीर आहे. त्यांनी आरोप केला की, गेल्या काही काळात अमेरिका आणि इस्रायलने इराणवर केलेले हल्ले हे संयुक्त राष्ट्रांच्या कलम ४ चे थेट उल्लंघन आहेत. इराणने स्पष्ट केले आहे की, ते शांत बसणार नाहीत आणि आपल्या बचावासाठी या प्रदेशातील अमेरिकन लष्करी तळांना लक्ष्य करत राहतील.
Iran’s FM Araghchi imagines an Israel-Iran role swap: ‘within hours, the world would ERUPT’ ‘When it comes to Israel, usual rules of the game do not seem to apply’ ‘Israel leads way in dragging US partner into ever deeper moral and political ABYSS’ pic.twitter.com/bqW6ZAcZX0 — RT (@RT_com) March 18, 2026
credit – social media and Twitter
शनिवारी सकाळी इराकी कुर्दिस्तान प्रदेशाचे अध्यक्ष नेचिरवान बरझानी यांच्या निवासस्थानावर एक भीषण ड्रोन हल्ला झाला. या घटनेने आगीत तेल ओतण्याचे काम केले आहे. अमेरिकेने तातडीने दावा केला की हा हल्ला इराण-समर्थित गटांनी केला आहे. मात्र, इराणने हा आरोप फेटाळून लावत हा अमेरिका आणि इस्रायलने रचलेला हत्येचा कट असल्याचे म्हटले आहे. या आरोप-प्रत्यारोपांमुळे शांततेच्या चर्चांना मोठा खिळ बसला असून युद्धाचा वणवा अधिकच गडद झाला आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3: ‘Welcome to Hell’ अमेरिकन सैन्यासाठी शवपेट्या तयार; दिला मृत्यूचा संदेश, US ला भू-कारवाईचा निर्णय अंगलट येणार
अराघची यांचे हे विधान केवळ राजनैतिक इशारा नसून तो एक ‘अल्टिमेटम’ मानला जात आहे. जर जगातील मोठ्या सत्तांनी या वादात मध्यस्थी केली नाही, तर इराण आपली संपूर्ण शक्तीनिशी मैदानात उतरण्याची शक्यता आहे. अशा परिस्थितीत कच्च्या तेलाचे संकट, जागतिक व्यापार मार्ग बंद होणे आणि आर्थिक मंदी यांसारख्या संकटांना संपूर्ण जगाला सामोरे जावे लागू शकते.
Ans: अराघची यांनी अमेरिका आणि इस्रायलसह संपूर्ण जगाला इशारा दिला आहे की, सुरू असलेल्या आक्रमकतेचे परिणाम सर्व देशांना भोगावे लागतील.
Ans: बरझानी यांच्या निवासस्थानावर ड्रोन हल्ला झाला असून अमेरिका याला इराणचा कट म्हणत आहे, तर इराण याला अमेरिकेचा हत्येचा प्रयत्न ठरवत आहे.
Ans: इराणनुसार, अमेरिका आणि इस्रायलने केलेले हल्ले संयुक्त राष्ट्रांच्या सनदेचे उल्लंघन असून इराणला स्वबचावाचा पूर्ण अधिकार आहे.
