दुबईत विमानतळ मुसळधार पाऊस, अख्ख आंतरराष्ट्रीय विमानतळ पाण्याखाली; शॉपिंग मॉलमध्ये गुडघाभर पाणी!

मुसळधार पावसामुळे दुबईतील रस्ते कोलमडले, विविध घरांच्या छत, दरवाजे, खिडक्यांमधून पाणी गळू लागले. वादळाचा प्रभाव दुबईच्या पलीकडे पसरला आहे. संपूर्ण संयुक्त अरब अमिरातीबरोबरच शेजारचा देश बहारीनही पुरात बुडाला आहे.

कोरड्या आणि उष्ण तापमानासाठी ओळखल्या जाणाऱ्या संयुक्त अरब अमिरातीतील दुबईत मंगळवारी मुसळधार पाऊस (Heavy Rain In Dubai) पडला आणि त्यामुळे संपूर्ण शहर जलमय झाले. मुसळधार पावसाने हे गजबजलेले शहर पूर्णपणे ठप्प झाले.  मंगळवारी झालेल्या मुसळधार पावसामुळे दुबई आंतरराष्ट्रीय विमानतळावरही पाणी साचले होते.

[read_also content=”भाजप खासदार आणि अभिनेता रवी किशन अडचणीत, एका महिलेनं स्वत:ला त्यांची पत्नी असल्याचं सांगितल्यानं खळबळ https://www.navarashtra.com/movies/a-women-claimed-that-she-is-wife-of-mp-ravi-kishan-and-they-have-a-doughtier-nrps-524346.html”]

दुबई आंतरराष्ट्रीय विमानतळावर साचले पाणी

मुसळधार पावसामुळे दुबई विमानतळ पूर्ण पाण्याखाली आले. विमानतळावर साचलेल पाणी पाहता येणारी अनेक विमाने वळवण्यात आली. दुबई विमानतळावर सामान्यतः साधारण संध्याकाळी सुमारे 100 उड्डाणे दिसतात, परंतु हवामान बदलामुळे उड्डाणे तेथे वळवण्यात आली. मात्र, 25 मिनिटांनंतर हळूहळू पुन्हा विमानांची ये-जा सुरू झाली.

सध्या सोशल मीडियावर व्हायरल झालेल्या व्हिडिओमध्ये धावपट्टी पूर्णपणे पाण्याखाली गेल्याचे दिसून येत आहे. विमानतळाचे पार्किंगही अर्धवट पाण्यात बुडाले आहे. विमानतळाकडे जाणाऱ्या रस्त्यांवरही पाणी साचल्याचे दिसून आले. इतकचं नव्हे तर शॉपिंग मॉलमध्येही गुडघाभर पाणी भरले आहे.

ओमान आणि बहारीनही पुराचा फटका

मुसळधार पावसामुळे दुबईतील रस्ते जलमय झाले आहेत. घरांच्या छत, दरवाजे, खिडक्यांमधून पाणी गळू लागले. वादळाचा प्रभाव दुबईच्या पलीकडे पसरला आहे. संपूर्ण संयुक्त अरब अमिरातीबरोबरच शेजारचा देश बहारीनही पुरात बुडाला आहे. सध्याची परिस्थिती पाहता UAE मध्ये शाळा बंद करण्यात आल्या आहेत. ओमानमध्ये वादळामुळे आतापर्यंत 18 जणांचा मृत्यू झाला आहे. वादळामुळे बहरीनमधील परिस्थितीही बिकट झाली आहे.