India's IACCS discovers England's F-35B stealth aircraft US claims are in shock
UK F‑35B emergency landing India : अमेरिकेने ज्याला अदृश्य, ‘स्टेल्थ’ तंत्रज्ञानाचा शिखर मानले, त्या इंग्लंडच्या F-35B लाइटनिंग-II लढाऊ विमानाला भारताच्या IACCS प्रणालीने सहजपणे शोधून काढले, ओळखले आणि त्यावर त्वरित कारवाई केली. ही घटना त्रिवेंद्रम (केरळ) येथे इमर्जन्सी लँडिंगच्या वेळी घडली असून, जगभरात संरक्षण क्षेत्रात एकच खळबळ माजली आहे.
या घटनेनंतर अमेरिकेच्या आणि इंग्लंडच्या ‘स्टेल्थ’ तंत्रज्ञानावरील दाव्यांवर प्रश्नचिन्ह उपस्थित झाले आहे. कारण हे विमान पाचव्या पिढीतील, रडारला टाळणारे आणि शत्रूच्या नजरेपासून लपणारे म्हणून जगभरात प्रसिद्ध आहे. मात्र भारताने दाखवून दिले की आपली हवाई संरक्षण प्रणाली आता त्या पातळीवर पोहोचली आहे जिथे अशा अदृश्य लढाऊ विमानांनाही टिपता येते.
शनिवारी रात्री उशिरा, इंग्लंडच्या रॉयल नेव्हीच्या HMS वेल्स विमानवाहू जहाजावरून उड्डाण केलेले F-35B लढाऊ विमान एकाएकी अरबी समुद्रातून वळले आणि भारतीय हवाई क्षेत्राच्या दिशेने आले. हे घडताच भारतीय वायुदलाच्या IACCS प्रणालीने विमानाला टिपले आणि त्याची ओळख पटवली.
IACCS म्हणजेच इंटिग्रेटेड एअर कमांड अँड कंट्रोल सिस्टम ही प्रणाली भारतीय हवाई क्षेत्रात येणाऱ्या कोणत्याही वस्तूचे निरीक्षण करते, त्याची ओळख पटवते आणि आवश्यक ते संरक्षणात्मक उपाय करते. या प्रणालीच्या मदतीने सुखोई-30MKI लढाऊ विमान तात्काळ उड्डाणासाठी रवाना करण्यात आले. F-35B च्या पायलटनं इमर्जन्सी लँडिंगचे कारण स्पष्ट केल्यावर त्याला त्रिवेंद्रम विमानतळावर उतरू दिलं गेलं. सध्या त्याच्या तांत्रिक मदतीसाठी भारतीय पथक कार्यरत आहे.
जागतिक घडामोडी संबंधित बातम्या वाचण्यासाठी येथे क्लिक करा : Israel Iran War : इस्रायलवर हल्ला करण्यापूर्वी फातिमा झहराने काय घोषणा दिल्या? इराणी सैनिकांचा VIDEO VIRAL
F-35B हे अमेरिका आणि इंग्लंडकडून विकसित करण्यात आलेलं स्टेल्थ फाईटर आहे. याचं रडार क्रॉस सेक्शन इतकं कमी आहे की, रडारवर हे विमान सापडतच नाही असा दावा केला जातो. यासाठी याचं इंजिन, टर्बाइन मास्क केलं जातं आणि क्षेपणास्त्रं व शस्त्रसाठा आतल्या भागात ठेवले जातात. पण भारताच्या IACCS प्रणालीने या तंत्रज्ञानाचा भेद केला, जे जगासाठी मोठं आश्चर्य ठरलं आहे. यापूर्वी ऑपरेशन सिंदूर दरम्यानही IACCS ने पाकिस्तानच्या हवाई हल्ल्यांचा यशस्वी मुकाबला केला होता.
केवळ दोन दिवसांपूर्वी डसॉल्ट कंपनीचे सीईओ एरिक ट्रॅपियर यांनी फ्रेंच राफेल लढाऊ विमान F-35 पेक्षा अधिक सक्षम आणि प्रभावी असल्याचे सांगितले होते. यावर भारतातील तज्ज्ञांनी भाष्य करताना म्हटलं आहे की, भारतीय तंत्रज्ञानाने आता F-35 सारख्या स्टेल्थ विमानाला सुद्धा ओळखून दाखवलं आहे, ही गोष्ट भारताच्या हवाई संरक्षण प्रणालीसाठी ऐतिहासिक आहे.
F-35B ही घटना फक्त तांत्रिक बाब नसून जिओपॉलिटिकल दृष्टिकोनातूनही अत्यंत महत्त्वाची आहे. यामुळे भारताची जागतिक संरक्षण क्षमतेतील भूमिका अधिक ठळक झाली आहे. अमेरिका आणि इंग्लंड जे तंत्रज्ञान गुप्त ठेवण्याचा प्रयत्न करतात, ते भारताच्या तंत्रज्ञानाने उघड करून दाखवलं आहे.
जागतिक घडामोडी संबंधित बातम्या वाचण्यासाठी येथे क्लिक करा : Israel Iran War : महायुद्ध अटळ! ‘इराणने इस्रायलसाठी नरकाचे दरवाजे उघडले’; प्रचंड क्षेपणास्त्र हल्ल्याने तणाव शिगेला
भारतीय वायुदलाची IACCS प्रणाली आता केवळ स्टँडर्ड रडार ट्रॅकिंगपुरती मर्यादित राहिलेली नाही. ती स्टेल्थ लढाऊ विमानांना शोधून काढू शकते, त्यांची ओळख पटवू शकते, आणि आवश्यक त्या क्षणी मजबूत प्रतिसाद देऊ शकते. ही घटना केवळ तांत्रिक कौशल्याचा पुरावा नाही, तर भारताच्या संरक्षण स्वावलंबनाची आणि जागतिक पातळीवरील प्रगतीची स्पष्ट साक्ष आहे. F-35B चा भारतात लँडिंग ही बाब जगाच्या संरक्षण व्यूहनीतीला नव्या दृष्टिकोनातून पाहण्यास भाग पाडणार आहे.
.png "Videos"){kind=small}
