Israel Iran War : इराणने मध्यरात्री केला इस्रायलवर हल्ला; जेरुसलेम आणि वेस्ट बँकवर डागली ‘क्लस्टर’ क्षेपणास्त्रे, परिसरात घबराट

Israel-Iran War: इराण आणि इस्रायल यांच्यातील संघर्ष तीव्र होत आहे, क्लस्टर क्षेपणास्त्रांच्या हल्ल्यांनी जेरुसलेम आणि वेस्ट बँक हादरले आहेत, नागरिक बंकरमध्ये आश्रय घेत आहेत, सायरन वाजत आहेत.

• मध्यरात्रीचे तांडव
• नागरी वस्त्या टार्गेट
• जागतिक ऊर्जेवर संकट

Iran Cluster Missile Attack on Israel : मध्य-पूर्वेतील संघर्ष (US-Israel Iran War) आता अशा वळणावर पोहोचला आहे जिथून मागे फिरणे अशक्य दिसत आहे. सोमवारी मध्यरात्रीनंतर जेव्हा संपूर्ण जग झोपेत होते, तेव्हा इस्रायल, जेरुसलेम आणि वेस्ट बँकच्या आकाशात अचानक प्रखर प्रकाश दिसू लागला. हे चांदणे नव्हते, तर इराणने डागलेली मृत्यूदूत क्षेपणास्त्रे होती. इराणने यावेळी साध्या क्षेपणास्त्रांचा नाही, तर अत्यंत घातक मानल्या जाणाऱ्या ‘क्लस्टर वॉरहेड्स’चा वापर केला आहे. या हल्ल्याने संपूर्ण मध्य-पूर्व प्रदेशात घबराट पसरली असून जागतिक शांतता धोक्यात आली आहे.

काय आहे ‘क्लस्टर’ क्षेपणास्त्रांचा धोका?

क्लस्टर क्षेपणास्त्रे ही सामान्य क्षेपणास्त्रांपेक्षा कित्येक पटीने जास्त विनाशकारी असतात. ही क्षेपणास्त्रे हवेतच फुटतात आणि त्यातून शेकडो लहान बॉम्ब (Sub-munitions) बाहेर पडतात. हे लहान बॉम्ब एका मोठ्या परिसरात पसरतात आणि एकाच वेळी विस्तीर्ण भूभागावर विध्वंस घडवून आणतात. जेरुसलेम आणि वेस्ट बँकसारख्या दाट लोकवस्तीच्या भागात अशा शस्त्रांचा वापर करणे म्हणजे थेट नरसंहाराला निमंत्रण देणे होय. या हल्ल्यामुळे अनेक निवासी इमारतींचे नुकसान झाले असून नागरिकांमध्ये भीतीचे वातावरण आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘इंधनाला हात लावला तर…’ इराणचा अमेरिकेला अल्टिमेटम; US ऊर्जा प्रकल्पांवर इराणी ‘सायबर बॉम्बची’ टांगती तलवार

बंकरमध्ये कैद झालंय ‘नागरी जीवन’

हल्ल्याचा इशारा देणारे सायरन रविवार सकाळपासूनच इस्रायलभर वाजत होते, पण मध्यरात्री झालेल्या हल्ल्याने परिस्थिती हाताबाहेर गेली. जेरुसलेममधील लाखो नागरिकांना आपले घर सोडून तात्काळ बंकरमध्ये धाव घ्यावी लागली. लहान मुले, वृद्ध आणि महिलांना रात्रभर मृत्यूच्या छायेखाली राहावे लागले. अराद आणि दिमोना या भागांतही मोठे स्फोट झाले असून, इस्रायलच्या ‘आयर्न डोम’ (Iron Dome) यंत्रणेने अनेक क्षेपणास्त्रे हवेतच नष्ट केली असली तरी, क्लस्टर बॉम्बच्या काही तुकड्यांनी जमिनीवर पडताच विनाश घडवला आहे.

See more

Sirens sounded in central Israel amid a missile attack from Iran with a cluster warhead missile. There are 6 impact sites in Tel Aviv and Petah Tikva, with 7 injured, including one moderately. pic.twitter.com/AueOh06DGj — War Victor (@WarVictor_2630) March 22, 2026

credit – social media and Twitter

इराणची अमेरिकेला ‘ब्लॅकमेल’ करणारी धमकी

हा हल्ला केवळ इस्रायलपुरता मर्यादित नाही. इराणने नवनिर्वाचित अमेरिकन राष्ट्राध्यक्ष डोनाल्ड ट्रम्प यांनाही थेट इशारा दिला आहे. जर अमेरिकेने इराणच्या वीज प्रकल्पांना किंवा पायाभूत सुविधांना हात लावला, तर इराण संपूर्ण आखाती देशांमधील ऊर्जा आणि पाणी प्रकल्पांना उद्ध्वस्त करेल. इराणची ही धमकी जागतिक अर्थव्यवस्थेसाठी अत्यंत घातक आहे. जर आखाती देशांमधील तेल विहिरींना लक्ष्य केले गेले, तर कच्च्या तेलाचे दर गगनाला भिडतील आणि जगात महागाईचा भडका उडेल.

See more

2 strikes reported in Israel’s south. pic.twitter.com/o7ZdEaM1xR — Mossad Commentary (@MOSSADil) March 22, 2026

credit – social media and Twitter

जागतिक शेअर बाजारात भूकंप येण्याची शक्यता

तज्ज्ञांच्या मते, इराण आणि इस्रायलमधील हा संघर्ष जर असाच सुरू राहिला, तर त्याचे पडसाद जागतिक बाजारपेठेवर उमटतील. रशिया-युक्रेन युद्धानंतर आता मध्य-पूर्वेतील हे संकट जगाला आर्थिक मंदीकडे ढकलू शकते. केवळ लष्करी तळांवरच नाही, तर आता नागरी पायाभूत सुविधा (Civilian Infrastructure) टार्गेट केल्या जात असल्याने हा संघर्ष अधिक क्रूर होत चालला आहे.

जागतिक घडामोडी संबंधित बातम्या वाचण्यासाठी येथे क्लिक करा : World War III: युद्ध आर्क्टिकमध्ये! इराण USच्या शत्रूसोबत करणार हातमिळवणी; ‘या’ एका प्रस्तावाने ट्रम्पच्या स्वप्नांना लागणार ग्रहण

शांततेची आशा धूसर?

इराणचा हा हल्ला तेहरानवर झालेल्या इस्रायली हल्ल्याचा बदला असल्याचे म्हटले जात आहे. मात्र, या ‘बदल्याच्या राजकारणात’ सामान्य नागरिक भरडले जात आहेत. आंतरराष्ट्रीय समुदायाने जर तात्काळ हस्तक्षेप केला नाही, तर हे युद्ध केवळ दोन देशांपुरते मर्यादित न राहता ‘तिसऱ्या महायुद्धा’त रूपांतरित होण्याची भीती वर्तवली जात आहे.