Peace Talks: ‘आम्ही महासत्ता बनणार!’ मोजतबा खामेनींचे शस्त्रसंधीनंतरचे पहिलेच स्फोटक विधान; सूड घेणार म्हणत अमेरिकेला थेट चॅलेंज

Islamabad Peace Talks: इस्लामाबादमध्ये होणाऱ्या अमेरिका-इराण शांतता चर्चेच्या पार्श्वभूमीवर, मोजतबा खामेनी यांनी कठोर भूमिका घेतली असून, इराण आपल्या हुतात्म्यांच्या रक्ताचा बदला घेईल, असा इशारा अमेरिका- इस्रायलला दिला.

• खामेनींचा रुद्र अवतार
• इस्लामाबाद शांतता चर्चा
• लेबनॉन हल्ल्याने तणाव

Mojtaba Khamenei warning to USA Israel : जागतिक राजकारणात आजचा दिवस (१० एप्रिल २०२६) अत्यंत निर्णायक मानला जात आहे. एकीकडे पाकिस्तानची राजधानी इस्लामाबादमध्ये अमेरिका आणि इराणमधील तणाव निवळण्यासाठी ‘शांतता चर्चा’ (Peace Talks) सुरू होत आहे, तर दुसरीकडे इराणचे सर्वोच्च नेते मोजतबा खामेनी यांनी दिलेल्या धमकीने या चर्चेच्या फलश्रुतीवर शंका निर्माण केली आहे. डोनाल्ड ट्रम्प यांनी युद्धविरामाची घोषणा केल्यानंतर पहिल्यांदाच खामेनी (Mojtaba Khamenei) जाहीरपणे दिसले आणि त्यांनी थेट अमेरिकेच्या उरात धडकी भरेल असे विधान केले.

खामेनींचा इशारा: “आम्ही विजयाच्या उंबरठ्यावर आहोत!”

मोजतबा खामेनी यांनी आपल्या संबोधनात स्पष्ट केले की, इराणला युद्ध नको आहे, पण याचा अर्थ असा नाही की इराण आपले हक्क सोडेल. “इराण आता एक जागतिक महासत्ता बनण्याच्या मार्गावर आहे. आमच्या हुतात्म्यांचे रक्त वाया जाणार नाही; ज्यांनी इराणवर हल्ले केले, त्यांना त्याची मोठी किंमत मोजावी लागेल,” अशा शब्दांत त्यांनी अमेरिका आणि इस्रायलला सुनावले. विशेष म्हणजे, होर्मुझच्या सामुद्रधुनीच्या व्यवस्थापनात इराण आता एका नवीन आणि आक्रमक पर्वाची सुरुवात करणार असल्याचे संकेत त्यांनी दिले आहेत, ज्यामुळे जागतिक तेल पुरवठ्यावर परिणाम होण्याची शक्यता आहे.

जागतिक घडामोडी संबंधित बातम्या वाचण्यासाठी येथे क्लिक करा : Explainer: 56 वर्षे जुनी ‘मॅड मॅन थिअरी’ काय आहे? इराणला हरवण्यासाठी तिचा वापर करणारे ट्रम्प स्वतःच ‘असे’ झाले पराभूत

इस्लामाबादमध्ये हालचालींना वेग; जेडी व्हान्स येणार?

आज इस्लामाबादमध्ये होणाऱ्या या हाय-व्होल्टेज बैठकीसाठी पाकिस्तानने सुरक्षा व्यवस्था कडक केली आहे. पाकिस्तानचे लष्करप्रमुख जनरल आसिम मुनीर आणि पंतप्रधान शाहबाज शरीफ यांनी बैठकीच्या तयारीचा आढावा घेतला आहे. या चर्चेत अमेरिकेचे प्रतिनिधित्व उपराष्ट्राध्यक्ष जेडी व्हान्स करू शकतात, असे वृत्त आहे. दोन आठवड्यांच्या सशर्त शस्त्रसंधीनंतर ही पहिलीच समोरासमोर होणारी बैठक आहे. मात्र, बैठकीच्या काही तास आधीच इराणने घेतलेला हा आक्रमक पवित्रा मुत्सद्दी वर्तुळात चिंतेचा विषय ठरला आहे.

See more

Watch as thousands of Iranians avidly listen to the message of the new Leader of the Islamic Revolution, Ayatollah Seyyed Mojtaba Khamenei, while it is being read. Follow Press TV on Telegram: https://t.co/LWoNSpkc2J pic.twitter.com/KRlKgRr0OE — Press TV 🔻 (@PressTV) April 9, 2026

credit – social media and Twitter

इस्रायलवर शस्त्रसंधी उल्लंघनाचा आरोप

इराणचे अध्यक्ष मसूद पेझेश्कियन यांनी या चर्चेपूर्वीच इस्रायलवर गंभीर आरोप केले आहेत. त्यांच्या मते, इस्रायलने लेबनॉनवर केलेले ताजे हल्ले हे अमेरिकेने जाहीर केलेल्या शस्त्रसंधीचे उघड उल्लंघन आहे. “जर इस्रायल अशा प्रकारे हल्ले करत असेल, तर शांतता चर्चेला काय अर्थ उरतो?” असा सवाल त्यांनी उपस्थित केला आहे. इराण आपल्या मित्र राष्ट्रांना, विशेषतः लेबनीज जनतेला संकटात सोडून देणार नाही, असा इशाराही त्यांनी दिला आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3: ‘या’ अटीमूळे थांबेल युद्ध? लेबनॉनवरील इस्रायली हल्ल्यामुळे इराणचा संयम सुटला; अराघची व्हाईट हाऊसवर कडाडले

पाकिस्तानची भूमिका आणि जागतिक दबाव

पाकिस्तान या चर्चेत मध्यस्थाची भूमिका बजावत असून, अमेरिकन शिष्टमंडळाला संपूर्ण सुरक्षेचे आश्वासन देण्यात आले आहे. मात्र, जर खामेनी यांनी म्हटल्याप्रमाणे इराणने ‘बदल्याची कारवाई’ सुरू केली, तर आखाती देशांमधील हा संघर्ष संपूर्ण आशिया आणि युरोपला आपल्या विळख्यात घेऊ शकतो. ट्रम्प यांच्या ‘पीस प्लॅन’ला इराण स्वीकारतो की खामेनींच्या आदेशानुसार युद्धाचा नवा टप्पा सुरू होतो, याकडे संपूर्ण जगाचे डोळे लागले आहेत.