WorldWar3: इराणच्या भविष्यात काळोख! इस्रायल करत आहे इराणच्या पुढच्या पिढ्याही नष्ट करणारे हल्ले; माती आणि पाणी बनवले विषारी

इस्रायल आणि अमेरिका इराणी लष्करी प्रतिष्ठाने, नागरी इमारती आणि तेल डेपोंना लक्ष्य करून गंभीर "पर्यावरणीय" हल्ले करतात. किंवा या हल्ल्यांचे वर्णन आंतरराष्ट्रीय कायद्याचे उल्लंघन आणि गंभीर युद्ध गुन्हे म्हणून केले जाते.

• पर्यावरणीय नरसंहार
• ट्रम्प यांचा खळबळजनक दावा
• खार्ग बेटाचे अस्तित्व धोक्यात

Israel Iran Environmental War 2026 : मध्यपूर्वेतील युद्ध (US-Israel Iran War) आता अशा वळणावर पोहोचले आहे जिथे केवळ मानवी जीवच नाही, तर संपूर्ण निसर्गच विनाशाच्या खाईत लोटला गेला आहे. इस्रायल आणि अमेरिकेने इराणवर केलेल्या भीषण बॉम्बस्फोटांनी आता ‘पर्यावरणीय युद्धाचे’ (Environmental Warfare) रूप धारण केले आहे. मिळालेल्या माहितीनुसार, हे हल्ले केवळ लष्करी तळांपुरते मर्यादित नसून, निवासी इमारती, तेल डेपो आणि रिफायनरीजना लक्ष्य केले जात आहे. यामुळे इराणची माती आणि भूजल इतके प्रदूषित झाले आहे की, त्याचे घातक परिणाम पुढच्या अनेक पिढ्यांना भोगावे लागतील.

माती आणि पाणी बनले विषारी: पिढ्यान्पिढ्यांचा विनाश

तज्ज्ञांच्या मते, तेल डेपो आणि रासायनिक प्रकल्पांवर झालेल्या हल्ल्यांमुळे विषारी रसायने जमिनीत मुरली आहेत. यामुळे इराणमधील पिण्याचे पाणी आणि शेतीची जमीन पूर्णपणे नापीक होण्याची भीती निर्माण झाली आहे. मानवी हक्क कार्यकर्त्यांनी याला ‘आंतरराष्ट्रीय कायद्याचे उल्लंघन’ आणि ‘युद्ध गुन्हे’ म्हटले आहे. इराणच्या विविध शहरांमधून येणाऱ्या फोटोंमध्ये आकाशात काळ्या धुराचे लोट आणि विषारी ज्वाळा दिसत आहेत, ज्याचा थेट परिणाम लोकांच्या श्वसनसंस्थेवर आणि आरोग्यावर होत आहे.

जागतिक घडामोडी संबंधित बातम्या वाचण्यासाठी येथे क्लिक करा : USCIRF: ‘RAW’ वर बंदी आणि ‘RSS’ चा व्हिसा रद्द! अमेरिकेच्या ‘या’ वादग्रस्त मागणीमागे नेमकं कुणाचं डोकं? भारत शत्रूंच्या यादीत

ट्रम्प यांचा ‘व्हिक्टरी’ मेसेज: “इराणला उभे राहायला १० वर्षे लागतील”

रविवारी जॉइंट बेस अँड्र्यूजला जाताना एअर फोर्स वनमध्ये माध्यमांशी बोलताना राष्ट्राध्यक्ष डोनाल्ड ट्रम्प यांनी इराणच्या दयनीय अवस्थेवर भाष्य केले. ट्रम्प म्हणाले, “इराण आता पूर्णपणे उद्ध्वस्त झाला आहे. आम्ही त्यांच्या लष्करी आणि आर्थिक शक्तीचे इतके नुकसान केले आहे की, त्यांना पुन्हा उभे राहण्यासाठी १० वर्षे किंवा त्याहून अधिक काळ लागेल.” ट्रम्प यांनी अधिकृतपणे युद्धविराम जाहीर केला नसला तरी, इराण आता प्रत्युत्तर देण्याच्या स्थितीत नसल्याचे त्यांनी संकेत दिले आहेत.

See more

The World Health Organization warns that the black rain resulting from attacks on oil facilities in Tehran is a “danger for the population.” It’s only one of the ways the Iran war is creating a public health and environmental crisishttps://t.co/ItQnStcf9S — Rolling Stone (@RollingStone) March 14, 2026

credit – social media and Twitter

खार्ग बेटाची राख: पाइपलाइनवर अमेरिकेची नजर

इराणच्या तेल निर्यातीचे मुख्य केंद्र असलेल्या खार्ग बेटावर अमेरिकेने केलेल्या हल्ल्याचे वर्णन करताना ट्रम्प यांनी सांगितले की, या बेटाचा आता केवळ एक छोटासा भाग शिल्लक आहे. “आम्ही त्यांच्या तेलाच्या पाइपलाइन पाच मिनिटांच्या सूचनेसह उडवू शकतो. आमची सर्व तयारी पूर्ण आहे, पण सध्या मी ते न करण्याचा निर्णय घेतला आहे,” असे सांगत ट्रम्प यांनी इराणच्या गळ्यावर आपली पकड अधिक घट्ट केली आहे. या धोरणामुळे इराणची अर्थव्यवस्था कोलमडली असून सामान्य जनतेसमोर अन्नाचे आणि आरोग्याचे मोठे संकट उभे राहिले आहे.

जागतिक घडामोडी संबंधित बातम्या वाचण्यासाठी येथे क्लिक करा : WorldWar3: ‘आम्ही एकटे नाही, ‘ते’ आमच्या पाठीशी!’ इराणला ‘या’ महासत्तांनी पुरवली US लष्करी तळांची गुपितं; अब्बास अराघचींचा दावा

 भविष्यातील काळोख

युद्धात घरे पुन्हा बांधता येतात, पण निसर्गाचा झालेला नाश भरून काढणे अशक्य असते. इस्रायल आणि अमेरिकेच्या या आक्रमक भूमिकेमुळे मध्यपूर्वेतील पर्यावरणाचे कधीही भरून न निघणारे नुकसान झाले आहे. जर इराणची माती आणि पाणी खरोखरच विषारी बनले असेल, तर इराणला या संकटातून बाहेर पडण्यासाठी दशके लागतील, हे निश्चित.