मध्यपूर्वेत रशिया-चीनची एन्ट्री: अमेरिकेविरुद्ध इराणला मिळालं 'बळ'; अराघची यांच्या खळबळजनक विधानाने जग सुन्न! ( फोटो सौजन्य : सोशल मीडिया )
Abbas Araghchi Iran Russia China News : मध्यपूर्वेतील युद्ध (US-Israel Iran War) आता केवळ दोन देशांमधील संघर्ष राहिला नसून, त्याला जागतिक महायुद्धाचे स्वरूप प्राप्त झाले आहे. इराणचे परराष्ट्र मंत्री अब्बास अराघची (Iranian Foreign Minister Abbas Araghchi) यांनी केलेल्या एका विधानाने संपूर्ण जगात खळबळ माजवून दिली आहे. अराघची यांनी स्पष्ट केले आहे की, अमेरिका आणि इस्रायलविरुद्ध सुरू असलेल्या या भीषण संघर्षात रशिया आणि चीन इराणच्या बाजूने खंबीरपणे उभे आहेत. “रशिया आणि चीन आमचे सामरिक भागीदार आहेत आणि त्यांच्याकडून आम्हाला राजकीय, आर्थिक तसेच लष्करी मदत मिळत आहे,” असे अराघची यांनी म्हटले आहे. या विधानामुळे नाटो (NATO) देशांच्या गोटात चिंतेचे वातावरण निर्माण झाले आहे.
काही दिवसांपूर्वीच अमेरिकेचे राष्ट्राध्यक्ष डोनाल्ड ट्रम्प यांनी एक खळबळजनक विधान केले होते. रशिया इराणला अमेरिकन लष्करी तळांशी संबंधित गुप्तचर माहिती (Intelligence) पुरवत असल्याचा दाट संशय ट्रम्प यांनी व्यक्त केला होता. ट्रम्प यांच्या मते, अमेरिका युक्रेनला मदत करत असल्याचा बदला रशिया मध्यपूर्वेत इराणला मदत करून घेत आहे. अराघची यांच्या दाव्याने आता ट्रम्प यांचा हा संशय खऱ्या अर्थाने सिद्ध झाला आहे. रशियाच्या या हस्तक्षेपामुळे अमेरिकेला आपल्या लष्करी रणनीतीमध्ये मोठे बदल करावे लागण्याची शक्यता आहे.
जागतिक घडामोडी संबंधित बातम्या वाचण्यासाठी येथे क्लिक करा : Bibi Alive: नेतान्याहू यांचा ‘तो’ VIDEO आणि अफवांचा बाजार; इस्रायली पंतप्रधानांनी शत्रूला आपल्याच स्टाईलमध्ये कसं झापलं?
अब्बास अराघची यांनी अमेरिकेसोबत कोणत्याही प्रकारच्या वाटाघाटी करण्यास सध्या स्पष्ट नकार दिला आहे. “जोपर्यंत अमेरिकेकडून इराणवर पुन्हा हल्ले होणार नाहीत याची लेखी आणि ठोस हमी मिळत नाही, तोपर्यंत युद्ध थांबणार नाही,” असे त्यांनी ठणकावून सांगितले आहे. इराणने केवळ हमीच नाही, तर युद्धादरम्यान झालेल्या नुकसानीची भरपाई (Compensations) देखील मागितली आहे. तसेच, या प्रदेशातील हल्ल्यांची निष्पक्ष चौकशी करण्यासाठी एक प्रादेशिक चौकशी समिती स्थापन करण्याचा प्रस्ताव इराणने मांडला आहे.
🇷🇺 RUSSIA & 🇨🇳 CHINA HAVE ANNOUNCED FULL SUPPORT FOR 🇮🇷 IRAN. – SOURCES. pic.twitter.com/69sHkaQt7L — Iran Press (@IranPressp0k) March 14, 2026
credit – social media and Twitter
इराणने अमेरिकेवर एक गंभीर आरोप केला आहे. अमेरिकेने इराणच्या ‘शाहिद’ ड्रोनची नक्कल करून ‘लुकास’ (Lucas) नावाचे नवीन ड्रोन विकसित केले असून, त्याचा वापर अरब देशांमधील लक्ष्यांवर हल्ले करण्यासाठी केला जात असल्याचा दावा अराघची यांनी केला. सर्वात महत्त्वाचे म्हणजे, त्यांनी अमेरिकेला उघड धमकी दिली आहे की, “जर आमच्या ऊर्जा केंद्रांना किंवा तेल रिफायनरींना धक्का लागला, तर इराण जगातील अमेरिकन कंपन्यांच्या सुविधांवर थेट हल्ले करेल.” यामुळे जागतिक ऊर्जा बाजारात आता रक्ताचा सडा पडण्याची भीती निर्माण झाली आहे.
जागतिक घडामोडी संबंधित बातम्या वाचण्यासाठी येथे क्लिक करा : Hormuz Strait: तुमचं तुम्ही बघा! ट्रम्प यांच्या होर्मुझ प्लॅनला जर्मनीचा कडवा प्रतिकार; US ची ‘घाण’ साफ करण्यास बर्लिनचा नकार
इराण, रशिया आणि चीन या तीन शक्ती एकत्र येणे हा अमेरिकेसाठी सर्वात मोठा लष्करी धोका आहे. हे समीकरण तिसऱ्या महायुद्धाच्या दिशेने जाणारे पाऊल मानले जात आहे. येत्या काही दिवसांत रशिया आणि चीन आपली लष्करी मदत किती उघडपणे करतात, यावर जगाचे भविष्य अवलंबून असेल.
Ans: इराणचे परराष्ट्र मंत्री अराघची यांनी दावा केला आहे की अमेरिका आणि इस्रायलविरुद्धच्या युद्धात रशिया आणि चीन इराणला लष्करी आणि सामरिक मदत पुरवत आहेत.
Ans: ट्रम्प यांच्या मते, रशिया इराणला अमेरिकन लष्करी तळांची गुपितं आणि गुप्तचर माहिती पुरवून युक्रेन युद्धाचा बदला घेत आहे.
Ans: जर इराणच्या तेल किंवा ऊर्जा सुविधांवर हल्ला झाला, तर इराण जगभरातील अमेरिकन कंपन्यांच्या मालमत्तेवर थेट लष्करी कारवाई करेल, असा इशारा इराणने दिला आहे.
