Lebanon Strike: इस्रायलचा लेबनॉनवर ‘सर्जिकल स्ट्राईक’! रॉकेट लाँचरसह 5 जण ठार; वेस्ट बँकमध्ये बॉम्ब बनवण्याचा कारखाना उद्ध्वस्त

Lebanon Rocket Strike: इस्रायलने लेबनॉनमध्ये एक तयार रॉकेट लाँचर नष्ट केले असून, त्यात पाच जण ठार झाले आहेत. तसेच, त्यांनी तुलकारेममध्ये एक मोठा बॉम्ब कारखानाही उघडकीस आणला आहे.

• लेबनॉनमध्ये हवाई हल्ला
• मोठा बॉम्ब कारखाना उद्ध्वस्त
• भीषण घातपाताचा कट उधळला

Israel Lebanon rocket strike 2026 : मध्य पूर्वेतील तणाव आता एका धोकादायक वळणावर पोहोचला आहे. इस्रायली संरक्षण दलाने (IDF) लेबनॉन आणि वेस्ट बँकच्या तुलकारेम भागात एकाच वेळी मोठी लष्करी कारवाई करून दहशतवाद्यांचे कंबरडे मोडले आहे. या अचूक आणि धडक कारवाईमुळे इस्रायलवर होणारा एक मोठा संभाव्य हल्ला टळला असून, या कारवाईत ५ दहशतवाद्यांचा खात्मा करण्यात सैन्याला यश आले आहे.

लेबनॉनमध्ये रॉकेट लाँचरवर अचूक निशाणा

इस्रायली गुप्तचर यंत्रणांना माहिती मिळाली होती की, दक्षिण लेबनॉनच्या झ्वेया (Zwaya) भागात इस्रायली शहरांवर मारा करण्यासाठी एक मोठे रॉकेट लाँचर सज्ज करण्यात आले आहे. वेळ न दवडता इस्रायली हवाई दलाने या ठिकाणावर झडप घातली. रॉकेट डागण्यापूर्वीच इस्रायलने ते लाँचर पूर्णपणे उद्ध्वस्त केले. या भीषण स्फोटात लाँचर हाताळणारे ५ जण जागीच ठार झाले. या कारवाईमुळे दक्षिण लेबनॉनमध्ये सध्या प्रचंड दहशतीचे वातावरण असून इस्रायलने आपली सीमा सुरक्षा अधिक कडक केली आहे.

जागतिक घडामोडी संबंधित बातम्या वाचण्यासाठी येथे क्लिक करा : India Nepal Ties : ‘ती’ मोदींची रणनीती! दिल्ली निमंत्रणानंतर PM बालेंद्र शाहांचा ‘Delhi Plan’ तयार; नेपाळची भारतासोबत खलबतं

तुलकारेममध्ये ‘मृत्यूचा कारखाना’ उघडकीस

लेबनॉनमधील कारवाईनंतर इस्रायली सैन्याने आपला मोर्चा वेस्ट बँककडे वळवला. तुलकारेम येथील एका दाट लोकवस्तीच्या भागात गुप्तरीतीने चालवला जाणारा एक विशाल बॉम्ब कारखाना सैन्याने शोधून काढला. या गुप्त प्रयोगशाळेत शिरल्यावर लष्करी अधिकाऱ्यांनाही धक्का बसला. तेथे केवळ बॉम्बच बनवले जात नव्हते, तर मानवी वस्तीत मोठा नरसंहार घडवून आणण्यासाठी स्फोटकांचे नवीन प्रकार तयार केले जात होते.

See more

⭕️DISMANTLED: A rocket launcher positioned and ready to launch toward Israel in the area of Jouaiyya in southern Lebanon. The launcher was struck before the launch could be carried out. pic.twitter.com/U0QKCQXTqC — Israel Defense Forces (@IDF) April 12, 2026

credit – social media and Twitter

स्फोटकांचा प्रचंड साठा जप्त

या कारखान्यातून सैन्याने २०० पाईप बॉम्ब (IEDs) जप्त केले आहेत. याव्यतिरिक्त ५० किलोग्रॅमपेक्षा जास्त उच्च क्षमतेची स्फोटक पावडर, वाहने उडवण्यासाठी वापरले जाणारे गॅस सिलिंडर आणि अग्निशमन यंत्रांमध्ये लपवलेली स्फोटके हस्तगत करण्यात आली आहेत. हा सर्व साठा इतका मोठा होता की, जर तो वापरला गेला असता, तर इस्रायलच्या अनेक शहरांमध्ये भीषण रक्तपात झाला असता. दहशतवादी हे बॉम्ब इस्रायली सैनिकांच्या ताफ्यावर आणि गर्दीच्या ठिकाणी वापरण्याची योजना आखत होते.

जागतिक घडामोडी संबंधित बातम्या वाचण्यासाठी येथे क्लिक करा : War Update : इस्लामाबाद चर्चेचा डाव फसला अन् समुद्रात रणधुमाळी; इराणने पाकिस्ताची केली ‘अशी’ फजिती, सुपरटँकर्सनी…

दहशतवाद्यांचा ‘खतरनाक’ प्लॅन फसला

लष्करी तज्ञांच्या मते, हा कारखाना केवळ शस्त्रागार नव्हता, तर तो जुडिया आणि सामरिया प्रांतात तैनात असलेल्या सैनिकांना लक्ष्य करण्याचा मुख्य केंद्रबिंदू होता. इस्रायली नागरिकांवर सामूहिक हल्ला करण्याची एक भयानक योजना या कारखान्यात शिजत होती. मात्र, इस्रायली सैन्याच्या सतर्कतेमुळे हा कट सुरुवातीलाच उधळला गेला. सध्या या संपूर्ण परिसराची नाकेबंदी करण्यात आली असून, या प्रकरणाशी संबंधित असलेल्या इतर संशयितांचा शोध घेतला जात आहे.