India-US trade tariffs : सर्जियो भारतातील राजदूत होण्यास अयोग्य, नवारो मूर्ख…ट्रम्पच्या निर्णयांवर बोल्टन कडाडले

John Bolton : ट्रम्प प्रशासनाच्या भारतविरोधी भूमिकेवर जॉन बोल्टन आक्रमक आहेत. ट्रम्पच्या टॅरिफ धोरणावर टीका केल्यानंतर त्यांनी भारतातील अमेरिकेचे राजदूत म्हणून सर्जियो गोर यांच्या नियुक्तीवर तीव्र आक्षेप घेतला आहे.

• सर्जियो गोर यांची भारतातील अमेरिकन राजदूतपदी झालेली नियुक्ती अयोग्य ठरवली.
• बोल्टन यांनी डोनाल्ड ट्रम्प प्रशासनाच्या भारतविरोधी भूमिकेवर आणि त्यांच्या सल्लागार पीटर नवारो यांच्या वक्तव्यांवर तीव्र टीका केली.
• बोल्टन यांच्या मते, नवारो यांची अज्ञानपूर्ण भाषा आणि गोर यांचा अनुभवाचा अभाव भारत-अमेरिका संबंधांमध्ये तणाव वाढवू शकतो.

Sergio Gor US envoy controversy : अमेरिकेचे माजी राष्ट्रीय सुरक्षा सल्लागार जॉन बोल्टन यांनी पुन्हा एकदा राष्ट्राध्यक्ष डोनाल्ड ट्रम्प यांच्यावर कठोर टीका केली आहे. भारतातील पुढील अमेरिकन राजदूत म्हणून सर्जियो गोर यांची नियुक्ती करण्याच्या निर्णयावर बोल्टन यांनी थेट आक्षेप नोंदवला आहे. त्यांचे म्हणणे आहे की, गोर या पदासाठी लायक नाहीत आणि अनुभवहीन आहेत. बोल्टन यांनी एएनआयशी संवाद साधताना म्हटले की, भारतासारख्या महत्त्वाच्या देशाशी संबंध सांभाळण्यासाठी योग्य राजनैतिक अनुभव आवश्यक असतो. मात्र ट्रम्प यांनी केलेली निवड ही केवळ राजकीय जवळिकीवर आधारित आहे.

गोर यांची पार्श्वभूमी आणि नियुक्ती

सर्जियो गोर हे केवळ ३८ वर्षांचे आहेत. ते ट्रम्प यांचे अत्यंत विश्वासू मानले जातात. त्यांना थेट राष्ट्राध्यक्षांपर्यंत पोहोच मिळते, हे त्यांच्या जवळिकीचे उदाहरण आहे. काही दिवसांपूर्वीच व्हाईट हाऊसच्या कार्मिक संचालकांनी त्यांची दक्षिण आणि मध्य आशियाई व्यवहारांसाठी विशेष दूत व राजदूत पदासाठी निवड केली. जर सेनेटने ही नियुक्ती मंजूर केली, तर गोर हे भारतातील सर्वात तरुण अमेरिकन राजदूत ठरतील. पण बोल्टन यांच्या मते, ही तरुणाई आणि राजकीय जवळीक पुरेशी नाही. आंतरराष्ट्रीय धोरणे, व्यापार, सुरक्षा आणि ऊर्जा विषयांवरील त्यांच्या मर्यादित समजुतीमुळे भारत-अमेरिका संबंध धोक्यात येऊ शकतात.

जागतिक घडामोडी संबंधित बातम्या वाचण्यासाठी येथे क्लिक करा : Nepal Kumari Devi : नेपाळची शक्तिदायिनी कुमारी देवी; आजही एक आलौकिक रहस्य, जिने आधीच वर्तवले होते देशाचे भविष्य

नवारोवरही जोरदार प्रहार

बोल्टन यांनी केवळ गोर नव्हे, तर ट्रम्प यांचे व्यापार सल्लागार पीटर नवारो यांच्यावरही जोरदार टीका केली आहे. त्यांनी म्हटले
“पीटरला जागतिक घडामोडींचे ज्ञान नाही. मित्रदेश कोण असतात, त्यांच्याशी कसे वागावे हे त्यांना समजत नाही. त्यांच्या वक्तृत्वाचा अमेरिकेच्या परराष्ट्र धोरणावर नकारात्मक परिणाम होत आहे.” नवारो यांनी अलीकडेच भारतावर आरोप केला होता की, भारताने रशियाकडून स्वस्त दरात कच्चे तेल विकत घेऊन नफा कमावला आहे. इतकेच नव्हे तर त्यांनी वादग्रस्त वक्तव्य करताना म्हटले की, “भारतामध्ये ब्राह्मण समाज रशियन तेल व्यापारातून नफा मिळवत आहे, तर सामान्य लोकांना त्याचा तोटा सहन करावा लागत आहे.”ही भाषा केवळ भारतासाठीच नव्हे तर अमेरिकेसाठीही लज्जास्पद असल्याचे बोल्टन यांनी स्पष्ट केले. त्यांच्या मते, हा अमेरिकेच्या धोरणाचा अधिकृत दृष्टिकोन नसून, ट्रम्प प्रशासनातील एक अपारंपरिक विचारसरणीचे प्रतिबिंब आहे.

See more

#WATCH | Washington, DC: On Sergio Gor, nominee as the next US Ambassador to India, former National Security Advisor of the United States, John Bolton says, “I don’t think he’s qualified to be U.S. Ambassador to India. I think this issue, when we look at the purchases of Russian… https://t.co/CqaDivHVxJ pic.twitter.com/RDeXwoKlQq — ANI (@ANI) September 13, 2025

credit : social media

रशियन तेल निर्बंधांचा मुद्दा

बोल्टन यांनी रशियावरील तेल निर्बंधांचाही संदर्भ दिला. त्यांनी सांगितले की, गोर यांना या विषयाचे पुरेसे ज्ञान नाही. भारतासह अनेक देशांनी या निर्बंधांतील त्रुटींचा फायदा घेतला आहे. गोर यांसारख्या अनुभवहीन व्यक्तीला राजदूत बनवले, तर अशा जटिल आंतरराष्ट्रीय प्रश्नांवर चुकीचे निर्णय होऊ शकतात.

जागतिक घडामोडी संबंधित बातम्या वाचण्यासाठी येथे क्लिक करा : Diella : भ्रष्टाचाराविरुद्ध डिजिटल शस्त्र! ‘या’ देशाच्या सरकारने नियुक्त केली जगातील पहिली AI मंत्री, पहा VIDEO

भारत-अमेरिका संबंधांवर काय परिणाम?

भारत आणि अमेरिका हे सध्या व्यापार, संरक्षण, तंत्रज्ञान व ऊर्जा या क्षेत्रात एकमेकांचे महत्त्वाचे धोरणात्मक भागीदार आहेत. अशा वेळी राजदूताची भूमिका निर्णायक ठरते. बोल्टन यांनी सूचित केले की, चुकीच्या नियुक्त्या आणि अज्ञानपूर्ण विधानांमुळे दोन देशांतील विश्वास कमी होऊ शकतो. बोल्टन यांचा हा स्पष्ट संदेश असा आहे की, भारताशी संबंध सुधारायचे असतील तर अनुभवी, जाणकार आणि राजनैतिक कौशल्य असलेला व्यक्तीच राजदूत म्हणून पाठवायला हवा.