‘सगळं उद्ध्वस्त केलं…’ , भारतविरोधी धोरणांवर अमेरिकेच्या माजी अधिकाऱ्याचे विधान; डोनाल्ड ट्रम्पवर केला संताप व्यक्त

John Bolton on Trump : अमेरिकेचे माजी राष्ट्रीय सुरक्षा सल्लागार जॉन बोल्टन यांनी खळबळजनक विधान केले आहे. त्यांनी अध्यक्ष डोनाल्ड ट्रम्प यांच्या भारतविरोधी भूमिकेवर टीका केली असून परिस्थितीत सुधारण्याचा सल्ला दिला आहे.

• अमेरिकेच्या माजी अधिकाऱ्याची डोनाल्ड ट्रम्पवर टीका
• भारतविरोधी धोरणांवर केली नाराजी व्यक्त
• भारतासोबत संबंध सुधारण्याचा दिल्ला सल्ला

America News in Marathi : वॉशिंग्टन : भारत आणि अमेरिका संबंधामध्ये संबंध तणावपूर्ण  झाले आहेत. अमेरिकेचे राष्ट्राध्यक्ष डोनाल्ड ट्रम्प यांनी भारतावर ५०% टॅरीफ लावले आहे. ट्रम्प यांच्या निर्णयाला भारताने विरोध केला असून अन्यायकारक म्हटले आहे. दरम्यान याच वेळी अमेरिकेच्या एका माजी अधिकाऱ्याने ट्रम्प यांच्या भारतविरोधी धोरणांवर टीका केली आहे. अमेरिकेचे माजी राष्ट्रीय सुरक्षा सल्लागार जॉन बोल्टन यांनी ट्रम्प प्रशासनावर नाराजी व्यक्त केली आहे.

स्काय न्यूजला दिलेल्या मुलाखतीदरम्यान बोल्टन यांनी अमेरिका आणि भारताचे संबंध मजबूत करण्यासाठी, याची विश्वासहार्यता वाढवण्यासाठी अनेक दशके गेली. तसेच यासाठी कठोर परिश्रम करण्यात आले. मात्र ट्रम्प प्रशासनाच्या टॅरिफ धोरणाने सगळं काही उद्धवस्त केले. त्यांनी डोनाल्ड ट्रम्प यांच्या टॅरिफ धोरणाला विनाशकारी संबोधले आहे.

म्यानमारमध्ये डिसेंबरमध्ये होणार सार्वत्रिक निवडणूका; भारताच्या सुरक्षा रक्षकांच्या देखरेखीखाली होणार मतदान

बोल्टन यांनी सांगितले की, भारत आणि रशियाचे संबंध सोव्हिएत काळापासून आहे. या संबंधांना तोडण्याचा प्रयत्न पाश्चात्य देशांनी केला आहे. तसेच त्यांनी चीनकडून निर्माण होणाऱ्या धोक्यावरही इशारा दिला आहे. बोल्टन यांनी सांगितले की, ट्रम्प प्रशासनाने रशियाचे तेल खरेदी केल्यामुळे भारतावर लावलेल्या दंडातून स्वत:चे नुकसान केले आहे. तर चीनला भारताशी संबंध दृढ करण्याची आणि प्रादेशिक संतुलन बदलण्याची संधी दिली आहे.

पण ही परिस्थिती अजूनही सुधारता येऊ शकते, यासाठी पुन्हा भारतासोब शांततेने चर्चा करुन तोडगा काढण्याची गरज आहे. मात्र यावर अद्याप काम सुरु केलेल नाही, असे बोल्टन यांनी म्हटले आहे.

See more

The West has spent decades trying to ween India away from its Cold War attachment to Soviet Union Russia, and cautioning India on the threat posed by China. Donald Trump has shredded decades of efforts with his disastrous tariff policy.https://t.co/A2skT581Fi — John Bolton (@AmbJohnBolton) September 1, 2025

जॉन बोल्टन हे डोनाल्ड ट्रम्प यांच्या पहिल्या कार्यकाळात २०२८ ते २०१९ मध्ये अमेरिकेच्या राष्ट्रीय सुरक्षा सल्लागार पदावर होते. पण परराष्ट्र धोरणातील ट्रम्प यांच्याशी असलेल्या मतभेदांमुळे त्यांनी आपल्या पदाचा राजीनामा दिला.जॉन बोल्टन यांनी म्हटले आहे की, ट्रम्प यांचे धोरणे संकुचित आहे. मात्र याचा परिणाम आर्थिक आणि भू-राजकीय दृष्टीकोनातून होणार आहे.

यामुळे त्यांनी ट्रम्प यांना टॅरिफ धोरणात बदल करण्याचा इशारा दिला आहे. तसेच भारतासोबतच आर्थिक आणि राजनैतिक संबंध पुन्हा मजबूत करण्याचे म्हटले आहे. बोल्टन यांचे हे विधान अशा वेळी आले आहे जेव्हा पंतप्रधान मोदींमनी चीनच्या SCO परिषदेमध्ये उपस्थित दर्शवली होती. हा अमेरिकेसाठी बदलत्या जागतिक धोरणाचा एक संदेश असल्याचे म्हटले जात आहे.

Weird News: ‘या’ देशात लघुशंकेने धुतात चेहरा आणि कपडे, काय आहे यामागचं कारण?