Kilauea erupted as molten rock spewed from its summit says Hawaiian Observatory
होनोलूलू : हवाईच्या बिग आयलंडवरील किलौआ ज्वालामुखीने पुन्हा एकदा सक्रिय स्वरूप धारण केले असून, त्याच्या शिखर कॅल्डेरातील एका छिद्रातून लावा बाहेर पडू लागला आहे. हवाईयन ज्वालामुखी वेधशाळेच्या (Hawaiian Volcano Observatory) माहितीनुसार, मंगळवारी दुपारी हा उद्रेक सुरू झाला. लाव्हाचा प्रवाह कॅल्डेराच्या आतच मर्यादित असल्याने कोणत्याही निवासी भागाला धोका नाही, असे अधिकाऱ्यांनी स्पष्ट केले आहे.
२३ डिसेंबर २०२३ पासून सुरू असलेला हा किलौआ ज्वालामुखीचा १५ वा उद्रेक आहे. प्रत्येक वेळेस ज्वालामुखी पुन्हा सक्रिय झाल्यावर शिखराच्या तळात वितळलेल्या खडकांचा प्रवाह वाढतो आणि आकाशात उंच लाव्हाचे फवारे उडताना दिसतात. हे दृश्य पर्यटकांसाठी अत्यंत आकर्षक ठरत असून, अनेक जिज्ञासू प्रवासी या विस्मयकारक निसर्गघटनेचा साक्षीदार होण्यासाठी हवाई ज्वालामुखी राष्ट्रीय उद्यानात गर्दी करत आहेत.
जागतिक घडामोडी संबंधित बातम्या वाचण्यासाठी येथे क्लिक करा : अमेरिकेच्या धमक्यांना इराणचे कडवे उत्तर! भूमिगत मिसाईल शहराचा धक्कादायक VIDEO झाला व्हायरल
किलौआ हा हवाईतील सर्वात सक्रिय ज्वालामुखींपैकी एक आहे. मागील काही वर्षांपासून तो सातत्याने अधूनमधून उद्रेक करत आहे. याआधीही किलौआने २०१८ मध्ये मोठा उद्रेक केला होता, ज्यामुळे अनेक घरे उद्ध्वस्त झाली होती. मात्र, सद्यस्थितीत हा ज्वालामुखी फक्त शिखर कॅल्डेरामध्ये लावा साठवतो आहे आणि त्याचा कोणत्याही निवासी भागावर थेट परिणाम नाही, असे शास्त्रज्ञांचे मत आहे. किलौआच्या या १५व्या उद्रेकाचे वैशिष्ट्य म्हणजे तो विविध टप्प्यांमध्ये होत आहे. मागील १४ उद्रेकांमध्ये काही भाग केवळ १३ तासांसाठी सक्रिय राहिले तर काही आठ दिवसांपर्यंत टिकले. प्रत्येक उद्रेकांमध्ये २४ तास ते १२ दिवसांपर्यंतचा अंतर असतो, यावरून किलौआची अस्थिरता स्पष्ट होते.
This morning, around 2:20 AM, a new #Kilauea eruption began within Kaluapele (the summit caldera). It was caught on camera by #HVO‘s B2cam. Images taken by the webcam were compiled into this timelapse video that shows lava fountains feeding lava flows across the caldera floor. pic.twitter.com/w52KpHOtau — USGS Volcanoes🌋 (@USGSVolcanoes) December 23, 2024
credit : social media
किलौआचा सध्याचा उद्रेक हा पर्यटकांसाठी विशेष आकर्षण ठरत आहे. हवाई ज्वालामुखी राष्ट्रीय उद्यानात (Hawai’i Volcanoes National Park) आलेले पर्यटक रात्रीच्या वेळी ज्वालामुखीच्या तळातून निघणारा लालसर लाव्हा आणि त्यातून उठणारे उष्ण वाफांचे लोट पाहण्यासाठी मोठ्या प्रमाणावर गर्दी करत आहेत. हे दृश्य विस्मयकारक असून, हवाईच्या निसर्गवैभवाचे ते एक अनोखे रूप आहे.
वेधशाळेच्या शास्त्रज्ञांनी मात्र नागरिकांना आणि पर्यटकांना सावधानतेचा इशारा दिला आहे. जरी लाव्हाचा प्रवाह कॅल्डेराच्या आत मर्यादित असला, तरी उद्रेकाच्या ठिकाणी निर्माण होणाऱ्या विषारी वायूंमुळे आरोग्यावर परिणाम होऊ शकतो. त्यामुळे अत्यंत जास्त प्रमाणात सल्फर डायऑक्साइड आणि इतर वायू असलेल्या भागात जाणे टाळण्याचा सल्ला देण्यात आला आहे.
हवाई बेटांवर एकूण सहा सक्रिय ज्वालामुखी आहेत, ज्यामध्ये पाण्याखाली असलेला एक ज्वालामुखी देखील समाविष्ट आहे. हवाईवरील सर्वात मोठा ज्वालामुखी मौना लोआ हा आहे, जो २०२२ मध्ये उद्रेक पावला होता. मात्र, किलौआ हा हवाईमधील सर्वात जास्त प्रमाणात सक्रिय राहणारा ज्वालामुखी आहे. किलौआच्या भूमिगत मॅग्मा प्रणालीतील बदलांमुळे येत्या काही महिन्यांत आणखी काही उद्रेक होण्याची शक्यता वेधशाळेच्या शास्त्रज्ञांनी व्यक्त केली आहे. त्यामुळे स्थानिक प्रशासन आणि हवामान विभाग या परिस्थितीवर सतत लक्ष ठेवून आहेत.
जागतिक घडामोडी संबंधित बातम्या वाचण्यासाठी येथे क्लिक करा : ‘माझे पीरियड्स नसते तर काय झालं असतं… ?’ हमासच्या कैदेतून सुटलेल्या इलानाची थरारक कहाणी
किलौआ ज्वालामुखीचा हा १५ वा उद्रेक असून, तो अजून किती काळ सुरू राहील याची निश्चितता नाही. मात्र, हा ज्वालामुखी हवाईतील निसर्गशक्तीचे अनोखे उदाहरण आहे आणि पर्यटकांसाठी मोठे आकर्षण केंद्र बनला आहे. पर्यावरणतज्ज्ञ आणि वैज्ञानिक या उद्रेकावर बारकाईने निरीक्षण ठेवून असून, याचा भविष्यातील परिणाम, संभाव्य धोके आणि ज्वालामुखीच्या हालचालींचा अभ्यास केला जात आहे. हवाईतील या अद्वितीय ज्वालामुखीच्या क्रियाशीलतेमुळे संपूर्ण जगाचे लक्ष या भागाकडे लागले आहे.
.png "Videos"){kind=small}
