US Iran War : इराण झुकला की नडला? युद्धबंदीसाठी आता ६ अटींची गुगली, आता काय करणार ट्रम्प?

Iran US Israel conflict : मध्यपूर्वेतील युद्धाला २३ दिवस उलटून गेले आहे. मात्र हे युद्ध काही थांबण्याचे नाव घेईना. या युद्धामुळे जागतिक स्तरावर गंभीर चिंता निर्माण झाली आहे.

• इराण युद्धबंदीसाठी तयार
• मात्र ३ नव्हे, मांडल्या ६ जाचक अटी
• आता काय करणार ट्रम्प

Iran ceasefire conditions : तेहरान : मध्यपूर्वेतील तणाव आता नव्या निर्णयाक टप्प्यावर येऊन पोहोचला आहे. अमेरिका-इस्रायलसोबत सुरु असलेल्या युद्धात इराणने आक्रमक पवित्र ठेवला आहे. होर्मुझची खाडी अमेरिका(America)-इस्रायलसाठी बंद केली आहे. तसेच त्यांना साथ देणाऱ्या देशांसाठीही हा मार्ग बंद करण्यात आला आहे. यामुळे जागतिक तेल बाजारात तुटवडा निर्माण होऊन इंधन दर गगनाला भिडले आहे. दरम्यान हा संघर्ष थांबवण्यासाठी जागतिक स्तरावर तुर्कीसारख्या देशांच्या मध्यस्थीने प्रयत्न सुरु आहे. याच पार्श्वभूमीवर इराणने युद्धबंदीसाठी तयारी दर्शवली आहे. परंतु आता यासाठी ३ नव्हे, तर ६ अटींचा प्रस्ताव ठेवला आहे. या अटी मान्य न झाल्यास हल्ले सुरुच राहतील असा इशारा दिला आहे.

Middle East War : ‘आम्ही धमक्यांना घाबरत नाही’ ; ट्रम्प यांच्या ४८ तासांच्या अल्टीमेटमवर इराणचा पलटवार

ट्रम्प यांची धमकी अन् इराणचे चोख उत्तर

डोनाल्ड ट्रम्प (Donald Trump) यांनी इराणला होर्मुझचा मार्ग खुला करण्यासाठी ४८ तासांची मुदत दिली होती. असे न केल्यास इराणच्या उर्जा प्रकल्पांवर हल्ल्याची आणि इराणला अंधारात ढकलण्याची धमकी दिली होती. मात्र या धमकीपुढे न झुकता इराणने सडेतोड उत्तर दिले आहे.

इराणचे अध्यक्ष पेझेश्कियान यांनी, आम्ही कोणत्याही वेड्या धमक्यांना घाबरत नाही, आमचे सार्वभौमत्व जपण्यासाठी आम्ही सज्ज आहोत असे म्हटले. तसेच त्यांनी हेही स्पष्ट केले की, होर्मझमध्ये शत्रू राष्ट्रांना कोणतीही थारा नाही. याशिवाय इराण युद्धाचा खर्च वसूलण्यासाठी या मार्गावर कर लादण्याचे संकेतही मिळाले आहे.

दरम्यान युद्धबंदीसाठी इराणने तयारी दर्शवली आहे. परंतु यासाठी ६ अटी ठेवण्यात आल्या आहेत.

• इराण(Iran) वर पुन्हा हल्ला होणार नाही याची लेखी आणि कायदेशीर खात्री मागितली आहे.
• याशिवाय मध्यपूर्वेतील सर्व अमेरिकन लष्करी तळ हटवण्याचीही मागणी केली आहे.
• तसेच मध्यपूर्वेतील इराण-इस्रायल(Israel) च नव्हे, तर इतर भागातील संघर्षही बंद करण्याची मागणी इराणने केली आहे.
• होर्मुझच्या सामुद्रधुनीवर इराणचे पूर्ण कायदेशीर वर्चस्व मान्य करावे लागेल असेही सांग्ण्यात आले आहे.
• इराणची प्रतिमा खराब करणाऱ्या आणि शत्रू राष्ट्रांच्या अजेंडा चालवणाऱ्या प्रसारमाध्यामांवर कठरो कारवाई आणि प्रत्यार्पणाची मागणी करण्यात आली आहे.

आता काय करणार ट्रम्प?

सध्या लष्करी परिस्थिती पाहता तात्काळ युद्धविरामाची शक्यता अत्यंत कमी आहे. ट्रम्प या जाचक अटी मान्य करणार लष्करी तळाचा वापर करुन इराणला प्रत्युत्तर देणार हे अद्याप निश्चित नाही. परंतु हा संघर्ष असाच सुरु राहिल्यास
जागतिक बाजारपेठेत इंधनाचे भाव गगनाला भिडण्याची शक्यता आहे. ज्याचा जागतिक अर्थव्यवस्थेवर गंभीर परिणाम होईल.

Strait of Hormuz Crisis : ‘१८ कोटी द्या, तरच…’ , इराणने रोखला होर्मुझचा मार्ग; जगभरात इंधनाचा हाहा:कार माजणार?