US Iran War : ‘होर्मुझवर इराणचा ताबा खपवून घेणार नाही’ ; अमेरिकेचा थेट युद्धाचा इशारा, मार्को रुबियो यांनी सांगितला ‘गेम प्लॅन’

US Iran War Update : मध्यपूर्वेतील युद्धाने आता गंभीर रुप धारण केले आहे. इराणने होर्मुझचा मार्ग खुला केला नसल्याने ट्रम्प संतापले असून त्यांनी थेट युद्धाचा इशारा दिला आहे. यामुळे मोठी खळबळ उडाली आहे.

• होर्मुझ सामुद्रधुनीवरुन इराणला अमेरिकेचा अंतिम इशारा
• मार्को रुबियो यांनी दिले संभाव्य युद्धाचे संकेत
• मध्यपूर्व पेटणार?

US Iran War News in Marathi : तेहरान/वॉशिंग्टन : गेल्या एक महिन्यापासून मध्यपूर्वेत प्रचंड तणावाचे वातावरण आहे. या तणावामुळे जागतिक स्तरावर चिंतेचे वातावरण निर्माण झाले आहे. इराणने होर्मुझ सामुद्रधुनीवर ताबा अद्याप सोडला नसल्याचे अमेरिका देखील संतप्त झाली आहे. याच पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला शेवटचा इशारा दिला आहे. तसेच परराष्ट्र मंत्री मार्को रुबियो यांनी देखील इराणला कडक शब्दात सुनावले आहे.

Donald Trump यांचा इराणला शेवटचा इशारा! ‘होर्मुज’ न उघडल्यास तेल विहिरी आणि पॉवर प्लांट उडवून देण्याची धमकी

काय म्हणाले रुबियो

मार्को रुबियो यांनी एका मुलाखतीदरम्यान इराणला कडक शब्दात इशारा दिला आहे. त्यांनी म्हटले की, राष्ट्राध्यक्ष ट्रम्प इराणला स्ट्रेट ऑफ होर्मुझ(Strait of Hormuz) वर कायस्वरुपी नियंत्रण मिळवून देणार नाहीत. तसेच त्यांना कोणत्याही प्रकारे टोलिंग सिस्टम सुरु करु देणार नाहीत असे त्यांनी म्हटले.

रुबियो यांनी स्पष्ट केले की, अमेरिकेच्या कारवाईमुळे इराणच्या नौदलाचे आणि संरक्षण तळांचे प्रचंड नुकसान झाले आहे. त्यांनी दावा केला की इराणच्या मिसाइल लॉन्चर्स आणि नौदलाची क्षमता नष्ट करण्याचे त्यांचे उद्दिष्ट पद्धतशीरपणे साध्य होत आहे. यामुळे इराण भविष्यात पुन्हा कधीही ड्रोन किंवा क्षेपणास्त्रे हल्ल्यांच्या स्थितीत राहणार नाही असे त्यांनी सांगितले.

होर्मुझवर इराणचा ताबा अस्वीकार्य

रुबियो यांनी होर्मुझवर इराणच्या ताबा मिळवण्याच्या धमक्यांना अस्वीकार्य संबोधले. त्यांनी स्पष्ट केले की, अध्यक्ष ट्रम्प इराणचे कोणतेही वाईट उद्दिष्टे साध्य होऊ देणार नाही, त्यांच्याकडे अनेक पर्याय उपलब्ध आहे. हे काम काही आठवड्यातंच पूर्ण होईल असे त्यांनी स्पष्ट केले.

इराणच्या नेतृत्त्वावर टीका

याशिवाय मार्को रुबियो यांनी इराणच्या नेतृत्त्वावरही टीका केली. त्यांनी म्हटले की, इराणचे नेतृत्व मोठी समस्या असल्याचे म्हटले. त्यांनी सांगितले की, भविष्यात इराणचे नेतृत्व तर्कसंगत विचाराचे असेल, तरच त्याचे अस्तित्व टिकून राहिल. त्यांनी हेही स्पष्ट केले की, इराणला येत्या दोन वर्षांत त्याची लष्करी क्षमता वाढवू दिल्यास जगासाठी आणि अमेरिकेसाठी मोठा धोका निर्माण होऊ शकतो.

ट्रम्प यांचा इशारा

याच वेळी ट्रम्प यांनी देखील आपल्या ट्रुथ सोशल मीडिया अकाऊंटवर इराणला अंतिम इशारा दिला आहे. इराणने होर्मुझ चा मार्ग उघडला नाही तर, सामंजस्याची भूमिका घेतली नाही तर, त्यांचे अस्तित्वच मिटवून टाकू असे म्हटले आहे.