PM Modi Brazil Visit: जी-20 शिखर परिषदेत सामील होण्यासाठी नरेंद्र मोदी ब्राझीलमध्ये दाखल

चीनचे राष्ट्राध्यक्ष शी जिनपिंग हे देखील G20 शिखर परिषदेत सहभागी होण्यासाठी ब्राझीलला पोहोचले आहेत. ब्राझीलचे राष्ट्राध्यक्ष लुला दा सिल्वा यांच्या निमंत्रणावरून ते रिओ दि जानेरोला पोहोचले आहेत.

PM Modi Brazil Visit: पंतप्रधान नरेंद्र मोदी G20 परिषदेत सहभागी होण्यासाठी ब्राझीलला पोहोचले आहेत. 18 आणि 19 नोव्हेंबरला होणाऱ्या रिओ दि जेनेरिओ याठिकाणी 19 वी G20 शिखर परिषद आयोजित करण्यात आली आहे. यानिमित्त पंतप्रधान मोदी पाच दिवसांत तीन देशांचा दौरा करणार आहे.

ब्राझीलला पोहोचल्यावर, पीएम मोदींनी सोशल मीडिया प्लॅटफॉर्मवर पोस्ट केले की त्यांना G20 शिखर परिषदेत अनेक जागतिक नेत्यांच्या भेटीगाठी घेणार असल्याचा विश्वास त्यांनी व्यक्त केला आहे. ब्राझीलला पोहोचल्यावर भारतीय राजदूत सुरेश रेड्डी यांच्या नेतृत्वाखालील भारतीय प्रतिनिधींनी त्यांचे स्वागत केले. नायजेरियाचा दौरा संपवून पंतप्रधान मोदी दक्षिण अमेरिकन देश ब्राझीलला पोहोचले. नायजेरियात त्यांनी राष्ट्राध्यक्ष बोला अहमद टिनुबू यांच्याशी द्विपक्षीय चर्चा केली आणि भारतीय समुदायाशी संवाद साधला.

पीएम मोदी त्यांच्या ब्राझील दौऱ्यात ट्रोइका सदस्य म्हणून 19 व्या G20 शिखर परिषदेला उपस्थित राहणार आहेत. ब्राझील आणि दक्षिण आफ्रिकेसह भारत G20 ट्रोइकाचा भाग आहे. पंतप्रधान मोदी यांच्यासह, चीनचे राष्ट्राध्यक्ष शी जिनपिंग आणि त्यांचे अमेरिकेचे माजी राष्ट्राध्यक्ष जो बायडेन हे 18-19 नोव्हेंबर रोजी रिओ दी जेनेरिओ शिखर परिषदेत सहभागी होणाऱ्या नेत्यांमध्ये असतील. PM मोदींनी शनिवारी आपल्या प्रस्थानाच्या निवेदनात म्हटले आहे की, “या वर्षी, ब्राझीलने भारताचा वारसा तयार केला आहे. मी ‘एक पृथ्वी, एक कुटुंब, एक भविष्य’ या आमच्या दृष्टीकोनात फलदायी चर्चेची वाट पाहत आहे.”  अशा भावना त्यांनी व्यक्त केल्या आहेत.

पंतप्रधान मोदींना नायजेरियाचा सर्वोच्च पुरस्कार बहाल; पीएम मोदींनी मानले आभार म्हणाले…

नायजेरिया आणि गयाना टूर

तत्पूर्वी त्यांच्या नायजेरिया दौऱ्यात पंतप्रधान मोदी यांना देशाचा राष्ट्रीय पुरस्कार, ग्रँड कमांडर ऑफ द ऑर्डर ऑफ द नायजर (GCON) ने सन्मानित करण्यात आले होते.  कोणत्या देशाने पंतप्रधान मोदींना  दिलेला हा 17वा आंतरराष्ट्रीय पुरस्कार होता. पंतप्रधान मोदींव्यतिरिक्त, राणी एलिझाबेथ II या GCON ने सन्मानित करण्यात आलेल्या एकमेव परदेशी मान्यवर आहेत. ब्राझीलनंतर, त्यांच्या दौऱ्याच्या तिसऱ्या आणि शेवटच्या टप्प्यात, पंतप्रधान मोदी राष्ट्रपती मोहम्मद इरफान अली यांच्या निमंत्रणावरून 19 ते 21 नोव्हेंबर या कालावधीत गयानाला भेट देतील. गेल्या 50 वर्षांहून अधिक काळातील भारतीय पंतप्रधानांची गयानाची ही पहिलीच भेट असेल.

पंतप्रधान मोदींचा नायजेरिया दौरा

पंतप्रधान नरेंद्र मोदी यांनी यापूर्वी नायजेरियाला भेट दिली होती. नायजेरियाचे राष्ट्रपती बोला अहमद टिनुबू यांच्याशी त्यांनी येथे द्विपक्षीय चर्चा केली आणि भारतीय समुदायाशी संवाद साधला. 17 वर्षानंतर पंतप्रधान मोदी पश्चिम आफ्रिकेच्या पहिल्या दौऱ्यावर रविवारी सकाळी नायजेरियाच्या राजधानीत पोहोचले. त्यांच्या या भेटीनंतर, पीएम मोदींनी X वर पोस्ट करत, उत्पादक भेटीसाठी नायजेरियाचे आभार. यामुळे भारत-नायजेरिया मैत्रीला बळ आणि उत्साह मिळेल,’ अशी पोस्टही केली होती.

‘पुष्पा- द रुल’च्या ट्रेलर लाँचदरम्यान उडाला गोंधळ, अल्लू अर्जुनच्या चाहत्यांवर झाला लाठीचार्ज!

चीनचे राष्ट्राध्यक्ष शी जिनपिंगही ब्राझीलला पोहोचले

चीनचे राष्ट्राध्यक्ष शी जिनपिंग हे देखील G20 शिखर परिषदेत सहभागी होण्यासाठी ब्राझीलला पोहोचले आहेत. ब्राझीलचे राष्ट्राध्यक्ष लुला दा सिल्वा यांच्या निमंत्रणावरून ते रिओ दि जानेरोला पोहोचले आहेत. येथील विमानतळावर पोहोचल्यानंतर जिनपिंग यांचे जोरदार स्वागत करण्यात आले. पेरूहून शी जिनपिंग ब्राझीलमध्ये पोहोचले आहेत. पेरूची राजधानी लिमा येथे 31 व्या APEC आर्थिक नेत्यांच्या शिखर परिषदेत त्यांनी भाग घेतला.