Nepal Elections वर जगाचे लक्ष! ‘कार्टर सेंटर’सह 4 आंतरराष्ट्रीय संस्था करणार देखरेख; 5 मार्चला लोकशाहीचा मोठा उत्सव

Carter Center Observe: नेपाळमध्ये येत्या 5 मार्च रोजी सार्वत्रिक निवडणुका होणार आहेत. नेपाळ निवडणूक आयोगाने सार्वत्रिक निवडणुकांचे निरीक्षण करण्यासाठी कार्टर सेंटरसह चार आंतरराष्ट्रीय आणि 26 देशांतर्गत संस्थांना मान्यता

•  नेपाळमध्ये ५ मार्च रोजी संघीय आणि प्रांतीय स्तरावर सार्वत्रिक निवडणुका पार पडणार आहेत.
• पारदर्शकता राखण्यासाठी कार्टर सेंटर (USA) आणि इंटरनॅशनल रिपब्लिकन इन्स्टिट्यूटसह ४ आंतरराष्ट्रीय संस्थांना मान्यता देण्यात आली आहे.
•  निवडणुकांचे निष्पक्ष आयोजन सुनिश्चित करण्यासाठी आयोगाने २६ देशांतर्गत संस्थांनाही निरीक्षणाची जबाबदारी दिली आहे.

Nepal General Election March 2025 : नेपाळमध्ये (Nepal )राजकीय घडामोडींना वेग आला असून येत्या ५ मार्च रोजी होणाऱ्या सार्वत्रिक निवडणुकांसाठी (General Elections) निवडणूक आयोगाने कंबर कसली आहे. या निवडणुका केवळ नेपाळसाठीच नव्हे, तर दक्षिण आशियाई राजकारणासाठी अत्यंत महत्त्वाच्या मानल्या जात आहेत. या निवडणुकांमध्ये पारदर्शकता, निष्पक्षता आणि विश्वासार्हता (Transparency and Accountability) जपण्यासाठी नेपाळ निवडणूक आयोगाने एक मोठा निर्णय घेतला आहे.

निवडणूक आयोगाने जाहीर केल्यानुसार, या ऐतिहासिक निवडणूक प्रक्रियेचे निरीक्षण करण्यासाठी चार आघाडीच्या आंतरराष्ट्रीय संस्थांना (International Organizations) अधिकृत परवानगी देण्यात आली आहे. या पावलामुळे निवडणूक प्रक्रियेत बाह्य हस्तक्षेप टाळून लोकशाही मूल्यांचे रक्षण होईल, अशी आशा व्यक्त केली जात आहे.

कार्टर सेंटरसह ‘या’ दिग्गज संस्थांवर जबाबदारी

नेपाळ निवडणूक आयोगाने सोमवारी एका विशेष निवेदनाद्वारे या निरीक्षकांच्या नावांची पुष्टी केली. मान्यताप्राप्त चार आंतरराष्ट्रीय संस्थांमध्ये प्रामुख्याने अमेरिकेतील सुप्रसिद्ध ‘कार्टर सेंटर’ (Carter Center) आणि ‘इंटरनॅशनल रिपब्लिकन इन्स्टिट्यूट’ (International Republican Institute) यांचा समावेश आहे. या संस्था जगभरातील निवडणुकांमध्ये आपल्या अचूक आणि निःपक्ष निरीक्षणासाठी ओळखल्या जातात.

जागतिक घडामोडी संबंधित बातम्या वाचण्यासाठी येथे क्लिक करा : Denis Alipov : ‘रशिया कधीही भारताशी मैत्री…’; व्लादिमीर पुतिन यांच्या भेटीनंतर रशियाच्या राजदूतांनी केली मोठी घोषणा

केवळ आंतरराष्ट्रीय स्तरावरच नव्हे, तर स्थानिक पातळीवरही या प्रक्रियेवर लक्ष ठेवण्यासाठी आयोगाने २६ देशांतर्गत संस्थांना (Domestic Organizations) मंजुरी दिली आहे. यामुळे दुर्गम भागातील मतदान केंद्रांवर होणाऱ्या घडामोडींवर बारकाईने लक्ष ठेवणे शक्य होणार आहे. आयोगाने या सर्व निरीक्षकांसाठी कठोर मानके (Strict Standards) निश्चित केली आहेत, जेणेकरून त्यांची विश्वासार्हता अबाधित राहील.

See more

VIDEO | Bhubaneswar, Odisha: Ambassador of Nepal to India, Shankar Prasad Sharma, says, “I think Nepal has already declared the next election on March 5. The government is preparing for the election, and we are confident that the election will take place and things will be normal… pic.twitter.com/bA308yn86U — Press Trust of India (@PTI_News) December 13, 2025

credit : social media and Twitter

निष्पक्ष निवडणुकांसाठी कठोर नियमावली

नेपाळमध्ये वारंवार बदलणारे राजकीय समीकरण पाहता, आगामी ५ मार्चची निवडणूक शांततेत पार पाडणे हे आयोगासमोर मोठे आव्हान आहे. निवडणूक प्रक्रियेवर कोणताही संशय राहू नये, यासाठी निरीक्षकांना मतदान केंद्रांवर जाण्याची, मतमोजणी प्रक्रियेत उपस्थित राहण्याची आणि निवडणूक प्रक्रियेतील त्रुटींवर अहवाल सादर करण्याची मुभा असेल.

जागतिक घडामोडी संबंधित बातम्या वाचण्यासाठी येथे क्लिक करा : Adil Raja: ‘म्हणून पुतीन यांनी केला शाहबाजचा अपमान…’ माजी अधिकाऱ्याच्या जबाबामुळे घरातूनच लागले पाकड्यांच्या खोटेपणाला ग्रहण

या निर्णयाचे राजकीय विश्लेषकांकडून स्वागत होत आहे. त्यांच्या मते, जेव्हा ‘कार्टर सेंटर’ सारख्या संस्था निवडणुकीचे निरीक्षण करतात, तेव्हा जागतिक स्तरावर त्या देशातील लोकशाहीची प्रतिमा सुधारते. नेपाळमधील संघीय (Federal) आणि प्रांतीय (Provincial) निवडणुकांमध्ये लोकांचा सहभाग वाढवण्यासाठी आणि मतदानाची सुरक्षितता जपण्यासाठी निवडणूक आयोगाचे हे नियोजन अत्यंत प्रभावी ठरू शकते.