शुक्रवार, 25 सप्टेंबर 2026
Benjamin Netanyahu UN Speech: "गाझामधील नरसंहाराचा आरोप म्हणजे शतकातील सर्वात मोठे खोटे"; संयुक्त राष्ट्रांत नेतान्याहूंचा रोखठोक हल्ला( फोटो सौजन्य : सोशल मीडिया )
अमेरिकेतील न्यूयॉर्क येथे सध्या संयुक्त राष्ट्र महासभेचे (Benjamin Netanyahu UN) ८१ वे अधिवेशन पार पडत आहे. या अधिवेशनात जगभरातील नेत्यांच्या उपस्थितीत इस्रायलचे पंतप्रधान बेंजामिन नेतान्याहू यांनी अत्यंत आक्रमक आणि रोखठोक भाषण केले. आपल्या भाषणादरम्यान त्यांनी गाझामधील युद्ध, इराणवरील लष्करी कारवाया आणि पाश्चिमात्य देशांतून होणाऱ्या टीकेवर इस्रायलची बाजू मांडली. गाझामध्ये इस्रायलकडून नरसंहार (Genocide) केला जात असल्याचा दावा फेटाळताना नेतान्याहू म्हणाले की, “हे आरोप म्हणजे या शतकातील सर्वात मोठे खोटे आहे.”
नेतान्याहू आपले भाषण सुरू करण्यासाठी व्यासपीठावर आले, तेव्हाच पॅलेस्टाईनच्या आवाहनानुसार अनेक इस्लामिक आणि इतर देशांच्या प्रतिनिधींनी सभागृहातून बाहेर पडून निषेध नोंदवला. सभागृहातील बहुतेक जागा रिकाम्या झाल्याचे पाहून नेतान्याहू यांनी अत्यंत कठोर शब्दांत टीका केली. ते म्हणाले, “जे प्रतिनिधी आत्ताच या सभागृहातून निघून गेले, ते नैतिकदृष्ट्या भित्रे आहेत. जर सभागृहात अजून कोणी असा नैतिकदृष्ट्या भित्रा व्यक्ती उपस्थित असेल, तर त्यांनीही कृपया बाहेर निघून जावे.” यावेळी सभागृहात विरोध आणि समर्थनाच्या घोषणाबाजीमुळे गदारोळ निर्माण झाला होता, ज्यावर महासभेचे अध्यक्ष खलील-उर-रहमान यांनी शांतता राखण्याचे वारंवार आवाहन केले.
जागतिक घडामोडी संबंधित बातम्या वाचण्यासाठी येथे क्लिक करा : PTI Protest : इस्लामाबादमध्ये होणार अंतर्गत महायुद्ध! आसिम मुनीर यांनी उभ्या केल्या कंटेनरच्या भिंती; इम्रान समर्थक बुलडोझरसह सज्ज
आपल्या भाषणात नेतान्याहू यांनी इराणवरील इस्रायली हल्ल्यांचे आणि अणू ठिकाणांवरील कारवायांचे ठामपणे समर्थन केले. इराणच्या अण्वस्त्र निर्मितीच्या धोक्याला वेळीच रोखणे हा आपल्या कार्यकाळातील सर्वात सोपा आणि महत्त्वाचा निर्णय होता, असे त्यांनी स्पष्ट केले. “इराणचा धोका फक्त इस्रायलपुरता मर्यादित नाही, तर तो संपूर्ण जगासाठी आहे. इस्रायल स्वतःचे संरक्षण करत असतानाच या सभागृहातून बाहेर पडलेल्या अनेक देशांनाही सुरक्षितता पुरवत आहे,” असा दावा त्यांनी केला. इतकेच नव्हे तर, “सभागृहातून सभात्याग करणाऱ्या अनेक देशांचे प्रमुख वैयक्तिक भेटीत इराणची अणू ठिकाणे नष्ट केल्याबद्दल इस्रायलचे मनापासून आभार मानतात,” असा खळबळजनक खुलासाही नेतान्याहू यांनी केला.
JUST IN: 🇮🇱🇺🇳 Benjamin Netanyahu called everyone who walked out of the UN hall COWARDS: “To all the cowards who want to leave, please do so now.” pic.twitter.com/ld4nUJvPj4 — Megatron (@Megatron_ron) September 24, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : Israel Elections 2026 : इस्रायलमध्ये मुस्लिमांना मतदार यादी आणि निवडणुकीतून वगळण्याची तयारी; नेतान्याहूंचा सत्तेसाठी मोठा डाव?
नेतान्याहू यांनी आपल्या भाषणाचा मोठा भाग न्यूयॉर्कचे महापौर झोहरान ममदानी यांच्यावरील टीकेवर केंद्रित केला. ममदानी यांनी यापूर्वी नेतान्याहू यांना युद्धातील गुन्हेगार (War Criminal) म्हणत अटकेची मागणी केली होती आणि त्यांना न्यूयॉर्कमध्ये येण्यापासून रोखण्याचा प्रयत्न केला होता. यावर प्रत्युत्तर देताना नेतान्याहू म्हणाले, “श्री. ममदानी, तुम्ही मला इथे येण्यापासून रोखण्याचा आणि माझा आवाज दाबण्याचा प्रयत्न केला, पण तुम्ही सत्याचा आवाज कधीही दाबू शकत नाही.”
ममदानी महापौर झाल्यापासून न्यू यॉर्क शहरातील ज्यू समुदायामध्ये भीतीचे वातावरण पसरले असून ते स्वतःला असुरक्षित अनुभवत आहेत, असा आरोपही नेतान्याहू यांनी केला. “अनेक ज्यू नागरिक मला सांगतात की हे ते शहर राहिले नाही जे आम्ही ओळखत होतो,” असे ते म्हणाले. याशिवाय, ममदानी यांनी हमासचे समर्थन करणाऱ्या आणि ९/११ च्या दहशतवादी हल्ल्याचे समर्थन करणाऱ्या व्यक्तींशी संबंध ठेवल्याचा आरोप करत, एका पॅलेस्टिनी पत्रकाराला घरी आमंत्रित केल्यावरूनही नेतान्याहू यांनी ममदानी यांच्यावर जोरदार निशाणा साधला. नेतान्याहू यांच्या या वादळी भाषणानंतर आंतरराष्ट्रीय स्तरावर आणि मुत्सद्दी वर्तुळात पुन्हा एकदा तीव्र प्रतिक्रिया उमटण्यास सुरुवात झाली आहे.
