सोमवार, 9 नोव्हेंबर 2026
योनेक्स सनराईज एसबीए कप (फोटो- सोशल मिडिया )
पी. ई. सोसायटी मॉडर्न पीडीएमबीए स्पोर्ट्स कॉम्प्लेक्सच्या बॅडमिंटन कोर्टवर झालेल्या या स्पर्धेत १५ वर्षांखालील मुलांच्या एकेरीच्या अंतिम सामन्यात दहाव्या मानांकित नागपूरच्या आदित्य यउलने रायगडच्या दुसऱ्या मानांकित प्रग्नय शिंदेचा १५-१२, ९-१५, १५-११ असा पराभव करत विजेतेपद पटकावले. आदित्य भवन विद्या मंदिर शाळेत नववीत शिकत असून सीबीई बॅडमिंटन अकादमीत प्रशिक्षक सागर चोपडा यांच्या मार्गदर्शनाखाली सराव करतो.
१५ वर्षांखालील मुलींच्या एकेरीत सातव्या मानांकित पुण्याच्या ख्याती कत्रेने अठराव्या मानांकित पुण्याच्या कायरा रैनाचा १५-१०, ९-१५, १५-१२ असा पराभव करून विजेतेपद मिळवले. ख्याती वॉलनट स्कूलमध्ये नववीत शिकत असून अजित कुंभार बॅडमिंटन अकादमीत प्रशिक्षक अजित कुंभार यांच्या मार्गदर्शनाखाली सराव करते.१७ वर्षांखालील मुलांच्या एकेरीत चौथ्या मानांकित पुण्याच्या अभिग्यान सिंघाने नागपूरच्या पाचव्या मानांकित आदित्य यउलचा १५-८, १५-१३ असा पराभव करून विजेतेपद पटकावले. अभिग्यान बिशप्स स्कूलमध्ये दहावीत शिकत असून ए.वाय. बॅडमिंटन अकादमीत प्रशिक्षक आकाश यादव यांच्या मार्गदर्शनाखाली सराव करतो.
१७ वर्षांखालील मुलींच्या एकेरीत रायगडच्या अव्वल मानांकित अनुष्का इप्तेने पुण्याच्या दुसऱ्या मानांकित शरयू रांजणेचा १५-६, १४-१६, १५-११ असा पराभव करून विजेतेपद मिळवले. अनुष्का कार्तिका कॉलेजमध्ये अकरावीत शिकत असून नितेश कुमार बॅडमिंटन अकादमीत प्रशिक्षक नितेश कुमार यांच्या मार्गदर्शनाखाली सराव करते. दुहेरीच्या सामन्यांतही रंगतदार लढती पाहायला मिळाल्या. १५ वर्षांखालील मिश्र दुहेरीत पुण्याच्या अव्वल मानांकित अर्जुन श्रीगडीवार आणि स्वरा मोरये यांनी पुण्याच्या दुसऱ्या मानांकित स्मीत ठोकळ आणि रावी म्हेत्रे यांचा १५-९, १५-१२ असा पराभव करून विजेतेपद पटकावले.
१७ वर्षांखालील मिश्र दुहेरीत पुण्याच्या अव्वल मानांकित सयाजी शेलार आणि सोयरा शेलार यांनी पुण्याच्या दुसऱ्या मानांकित राघवेंद्र यादव आणि शर्वरी सुरवसे यांचा १५-८, १५-१० असा पराभव केला. या विजेतेपदामुळे सयाजी आणि सोयरा यांनी स्पर्धेत दुहेरी मुकुटावर आपले नाव कोरले.१५ वर्षांखालील मुलींच्या दुहेरीत मुंबई शहरच्या दुसऱ्या मानांकित इमान मोटरवाला आणि रुद्र गावडे या जोडीने पुण्याच्या रुद्रनिराजे निंबाळकर आणि नागपूरच्या सान्वी घाटे यांचा १५-८, १५-१० असा पराभव करून विजेतेपद पटकावले.
१५ वर्षांखालील मुलांच्या दुहेरीत पुण्याच्या दुसऱ्या मानांकित हृदान पाडवे आणि विहान कोल्हाडे यांनी ठाण्याच्या मयंक राजपूत आणि रायगडच्या प्रग्नय शिंदे यांचा १३-१५, १५-१०, १५-९ असा संघर्षपूर्ण पराभव करून विजेतेपदावर शिक्कामोर्तब केले.१७ वर्षांखालील मुलींच्या दुहेरीत शरयू रांजणे आणि सोयरा शेलार यांनी मनस्वी चौहान आणि थेआ शेठ यांचा १५-१३, १५-११ असा पराभव करून विजेतेपद पटकावले.१७ वर्षांखालील मुलांच्या दुहेरीत पुण्याच्या सयाजी शेलार आणि छत्रपती संभाजीनगरच्या उदयन देशमुख या अव्वल मानांकित जोडीने रायगडच्या मयुरेश भुटकी आणि पुण्याच्या विश्वजीत थविल या दुसऱ्या मानांकित जोडीचा १५-१०, १५-५ असा पराभव करून विजेतेपद मिळवले.
Ans: योनेक्स सनराईज एसबीए कप बॅडमिंटन स्पर्धा पी. ई. सोसायटी मॉडर्न पीडीएमबीए स्पोर्ट्स कॉम्प्लेक्सच्या बॅडमिंटन कोर्टवर पार पडली.
Ans: आदित्य यउलने रायगडच्या दुसऱ्या मानांकित प्रग्नय शिंदेचा १५-१२, ९-१५, १५-११ असा पराभव केला.
