New Zealand News : वेतन प्रस्तावावरून सरकारी कर्मचारी रस्त्यावर; न्यूझीलंडमध्ये कामबंद आंदोलन

New Zealand News : न्यूझीलंडमध्ये प्रस्तावित वेतनवाढीवर नाराज असलेल्या जवळपास १० हजार सरकारी कर्मचाऱ्यांनी देशभरात कामबंद आंदोलन केले. महागाईच्या तुलनेत वेतन प्रस्ताव अपुरा असल्याचा कर्मचाऱ्यांचा आरोप आहे. सरकारने चर्चेतून तोडगा काढण्याचे आवाहन केले असून, मागण्या मान्य न झाल्यास पुढील आंदोलनाचा इशारा कर्मचारी संघटनेने दिला आहे.

• वेतन प्रस्तावावरून नाराजी
• १० हजार कर्मचारी आंदोलनात
• सरकारची भूमिका काय

New Zealand News : न्यूझीलंडमध्ये सरकारी कर्मचाऱ्यांनी वेतनाच्या मुद्द्यवरून सरकारविरोधात मोठे कामबंद आंदोलन केले आहे . देशभरातील जवळपास १० हजार सरकारी कर्मचाऱ्यांनी बुधवारी काही तास काम बंद ठेवत आंदोलनात सहभाग घेतला . महागाईच्या तुलनेत प्रस्तावित वेतनवाढ अपुरी असल्याचा कर्मचाऱ्यांचा आरोप आहे . या आंदोलनामुळे रोजगार , सामाजिक गृहनिर्माण आणि इतर महत्वाचा सरकारी सेवांवर परिणाम झाला .

वेतन प्रस्तावावरून नाराजी

न्यूझीलंडमधील सरकारी कर्मचाऱ्यांच्या विविध सामूहिक कराराबाबत अनेक महिन्यापासून चर्चा सुरु होती . मात्र सरकार आणि संबंधित विभागांकडून देण्यात आलेल्या वेतन प्रस्तावांवर कर्मचारी संघटनांनी नाराजी व्यक्त केली . वाढत्या जीवनावश्यक खर्चाच्या तुलनेत ही वेतनवाढ पुरेशी नसल्याने संघटनेचे म्हणणे आहे .

त्यामुळे कर्मचाऱ्यांनी आपल्या वेतनात योग्य वाढ आणि सरकारी सेवांसाठी पुरेसा निधी देण्याची मागणी केली आहे . पब्लिक सर्व्हिस असोसिएशनच्या म्हणण्यानुसार प्रस्तावित वेतनवाढीमुळे अनेक कर्मचाऱ्यांची वास्तविक क्रयशक्ती कमी होण्याची शक्यता आहे . त्यामुळे सरकारने खर्चकपातीची भूमिका बदलून कर्मचाऱ्यांच्या मागण्यांकडे गांभीर्याने पाहावे . अशी मागणी करण्यात आली आहे .

UK Israel Sanctions: वेस्ट बँक वादात इस्रायल आक्रमक! ब्रिटनविरोधात घेतले 4 मोठे कठोर निर्णय; राजनैतिक वर्तुळात खळबळ

१० हजार कर्मचारी आंदोलनात

या कामबंद आंदोलनात मिनिस्ट्री ऑफ सोशल डेव्हलपमेंट , मिनिस्ट्री ऑफ बिझनेस अँड एम्प्लॉयमेंट , डिपार्टमेंट ऑफ इंटर्नल अफेर्स , नॅशनल इमर्जन्सी मॅनेजमेंट आणि मिनिस्ट्री फॉर एथनिक कम्युनिटीज यांसारख्या विभागातील कर्मचारी सहभागी झाले . देशातील विविध शहरांमध्ये निदर्शने , रॅली आणि पिकेटिंग करण्यात आले . वेलिंग्टनमध्ये संसद परिसरात शेकडो कर्मचारी एकत्र आले .

कर्मचारी संघटनेने हे आंदोलन केवळ पगारवाढीसाठी नसून सरकारी सेवांवरील वाढता ताण आणि अपुऱ्या मनुष्यबळाच्या प्रश्नावरही असल्याचे स्पष्ट केले आहे . कर्मचाऱ्यांवर कामाचा वाढता भार असून सरकारी विभागांमध्ये मनुष्यबळ कमी होत असल्याची तक्रारही करण्यात आली आहे .

UK vs Israel : इस्रायलला ब्रिटनचा झटका; वसाहतींच्या मालावर बंदी, कंपन्यांवर कारवाई !

सरकारची भूमिका काय

न्यूझीलंडचे पंतप्रधान क्रिस्टोफर लक्सन यांनी आंदोलक कर्मचाऱ्यांनी रस्त्यावर उतारण्याऐवजी कामावर राहून चर्चेच्या माध्यमातून तोडगा काढावा , अशी भूमिका घेतली आहे . सरकाने यापूर्वी सार्वजनिक क्षेत्रातील कर्मचारी संख्या कमी करण्यावर भर दिला आहे . बजेटमध्ये समतोल राखण्यासाठी खर्चकपात आवश्यक आहे .

असे सरकारने सांगितले आहे . दरम्यान कर्मचारी संघटनेने मागण्या मान्य न झाल्यास भविष्यात आणखी आंदोलन करण्याचा इशारा दिला आहे . त्यामुळे न्यूझीलंडमध्ये सरकारी कर्मचाऱ्यांचा वेतनवाढीचा मुद्दा आगामी निवडणुकीच्या पार्श्वभूमीवरही महत्वाचा ठरण्याची शक्यता आहे .