पाकिस्तानकडून पुन्हा भारताला धमकी (फोटो सौजन्य-X)
Hafiz Saeed in threat to India in Marathi: ऑपरेशन सिंधूर नंतरही पाकिस्तान सुधारण्याचं नाव घेत नाही. शेपूट वाकडं ते वाकडंच असं एका व्हिडीओमध्ये दिसून येत आहे. या व्हिडिओमध्ये पाकिस्तानी लष्करी अधिकारी थेट भारताला धमकी देत आहेत. पंतप्रधान नरेंद्र मोदी यांनी बिकानेरमध्ये संपूर्ण जगाला संदेश दिल्यानंतर पाकिस्तानी सैन्यातील अधिकाऱ्याचा व्हिडीओ सोशल मीडियावर तुफान व्हायरल झाला आहे. हा अधिकारी दहशतवादी हाफिज सईदची भाषा बोलत असल्याचे दिसत आहे.
पहलगाम हल्ल्यानंतर भारताने पाकिस्तानला धडा शिकवण्यासाठी भारताने ऑपरेश सिंदूर लॉन्च केलं. २२ मिनिटांत दहशतवाद्यांचे तळ उद्ध्वस्त केलं. पहलगाम हल्ल्याची किंमत पाकिस्तानला मोजावी लागली. भारताने पाकिस्तानचे पाणी बंद केले आहे, मात्र दहशतवादाला आपल्या देशातून घालवण्याचं नाव अद्यापही ते काढत नसून चीनची मागच्या दराने मदत घेण्याचे काम सुरू झाले आहे. पाकिस्तान सेनेचे लेफ्टनंट जनरल अहमद शरीफ चौधरी यांनी भारताला थेट धमकी दिली.
🔴#BREAKING Pakistani military spokesperson @OfficialDGISPR is at a university in Pakistan delivering hate and violence-encouraging speeches against India echoing what terrorist Hafiz Saeed said some years ago ! Shameful! pic.twitter.com/W7ckNPePOH — Taha Siddiqui (@TahaSSiddiqui) May 22, 2025
याचदरम्यान, पाकिस्तानी लष्कराचे प्रवक्ते लेफ्टनंट जनरल अहमद शरीफ चौधरी यांनी अलीकडेच भारताविरुद्ध द्वेषपूर्ण विधाने केली आहेत, जी कुठेतरी दहशतवादी हाफिज सईदच्या जुन्या वक्तृत्वाची आठवण करून देतात. हाफिज सईद हा २००८ च्या मुंबई दहशतवादी हल्ल्याचा सूत्रधार आहे. हाफिज सईदचा भारत आणि अमेरिकेविरुद्ध भडकाऊ भाषणे देण्याचा इतिहास आहे.
पाकिस्तानी लष्कराचे प्रवक्ते अहमद चौधरी पाकिस्तानातील एका विद्यापीठात भाषण देत होते. यावेळी, पहलगाम दहशतवादी हल्ल्यानंतर भारताने सिंधू जल करार स्थगित केल्याचा उल्लेख करत ते म्हणाले, “जर तुम्ही आमचे पाणी थांबवले तर आम्ही तुमचा श्वास रोखू.” हा व्हिडिओ सोशल मीडियावर व्हायरल होत आहे.
जागतिक बँकेच्या मध्यस्थीने केलेल्या सिंधू जल करारात भारत आणि पाकिस्तान यांच्यातील सिंधू नदी आणि तिच्या पाच उपनद्या, सतलज, बियास, रावी, झेलम आणि चिनाब यांच्या पाण्याच्या वाटप आणि व्यवस्थापनासाठी अटी निश्चित केल्या आहेत. पहलगाम दहशतवादी हल्ल्यानंतर भारताने सिंधू पाणी करार रद्द केला आहे.
दरम्यान, भारताने अनेक वेळा स्पष्टपणे म्हटले आहे की “रक्त आणि पाणी एकत्र वाहू शकत नाही”. २२ एप्रिल रोजी पहलगाम येथे झालेल्या दहशतवादी हल्ल्यानंतर भारताने २३ एप्रिल रोजी पाकिस्तानविरुद्ध कडक कारवाई केली. यातील सर्वात महत्त्वाचा निर्णय म्हणजे सिंधू पाणी करार स्थगित करण्याचा निर्णय, जोपर्यंत पाकिस्तान सीमापार दहशतवादाला पाठिंबा देणे पूर्णपणे थांबवत नाही तोपर्यंत भारताने तो पुढे ढकलला आहे.
यासोबतच, अटारी सीमेवरील एकात्मिक तपासणी नाका (ICP) देखील तात्काळ बंद करण्यात आला. हे पाऊल भारताच्या दृढ आणि स्पष्ट धोरणाचे प्रतिबिंब आहे की दहशतवाद आणि संवाद एकत्र चालू शकत नाहीत.
.png "Videos"){kind=small}
