पाकिस्तानकडून भारतीय विमानांना हवाई क्षेत्रात बंदी कायम; जाणून घ्या काय होत आहे परिणाम?

जागतिक घडामोडी संबंधित बातम्या- ‘जपान करतंय युद्धाची तयारी…’, डिफेन्स व्हाईट पेपरवर का भडकले North Korea

पहलगाम हल्ल्यानंतर घेण्यात आला निर्णय

२२ एप्रिल २०२५ रोजी भारताच्या जम्मू आणि काश्मीरमधील पहलगाम येथे दहशतवादी हल्ला झाला होता. या हल्ल्यात २६ निरापराध नागरिकांचा बळी गेला होता. यानंतर बारताने ३० एप्रिल पासून पाकिस्तानच्या विमानांसाठी भारतीय हवाई क्षेत्र बंद केले होते. २४ मे पर्यंत ही बंदी लागू करण्यात आली होती, त्यानंतर ही २४ जूनपर्यंत वाढवण्यात आली आणि आता पुन्हा २४ जुलै पर्यंत वाढवण्यात आली आहे.

याला प्रत्युत्तर म्हणून पाकिस्तानने देखील भारतासाठी हवाई क्षेत्रावर बंदी घातली होती. ही बंदी आता २४ ऑगस्टपर्यंत वाढवण्यात आली आहे.

भारत आणि पाकिस्तान संबंध

सध्या भारत आणि पाकिस्तानमधील संबंधांमध्ये तणाव कायम आहे. पहलगाम हल्ल्याच्या प्रत्युत्तरात भारताने ‘ऑपरेशन सिंदूर’ मोहीम राबवली. या मोहीमेअंतर्गत भारताने ६ ते ७ मेच्या दरम्यान पाकिस्तान आणि पाक व्याप्त काश्मीरमधील (PoK) नऊ दहशतवादी ठिकाणांवर कारवाई केली.

तसेच भारताच्या कारवाईनंतर पाकिस्तानने अनेक वेळा ड्रोन आणि क्षेपणास्त्रांचा हल्ला भारतावर केला. परंतु भारताच्या हवाई संरक्षण यंत्रणेने सर्व हल्ले यशस्वीपण हाणून पाडली. सध्या दोन्ही देशांमध्ये परस्पर सहमतीने युद्धविराम लागू आहे. परंतु दोन्ही देशांमधील संबंध अद्यापही सुधारलेले नाहीत.

काय होत आहे परिणाम?

पाकिस्तान हवाई क्षेत्र बंद केल्यामुळे भारतीय विमान कंपन्यांवर मोठा परिणाम होत आहे. मध्य पूर्व, युरोप आणि उत्तर अमेरिकेत जाणारी अनेक उड्डाणे पाकिस्तानच्या हवाई हद्दीतून जातात. परंतु पाकिस्तानच्या या निर्णयामुळे भारताला मार्ग बदलावा लागला आहे. यामुळे भारताचा वेळ आणि इंधन दोन्हीचा खर्च वाढला आहे. भारतीय विमान कंपन्यांना सुमारे ७०० कोटींचे नुकसान झाले आहे. तसेच पाकिस्तानला देखील ५ हजारो कोटींचे नुकसान सहन करावे लागत आहे.

जागतिक घडामोडी संबंधित बातम्या- बांगलादेशमध्ये घुसला पाकिस्तानचा शत्रू TTP, आता भारताची चिंता वाढणार; ढाका होणार नवा आतंकी अड्डा?

संबंधित बातम्या