PM Modi in G20 Summit: जोहान्सबर्गमध्ये भारताचा जलवा; पंतप्रधान मोदींनी शेअर केला हायलाइट्सचा एक्सक्लुझिव VIDEO

PM Modi In Africa: दक्षिण आफ्रिकेतील जोहान्सबर्ग येथे सुरू असलेल्या G20 शिखर परिषदेदरम्यान, पंतप्रधान मोदींनी रविवारी त्यांच्या अधिकृत ट्विटर अकाउंटवर दुसऱ्या दिवसाचे ठळक मुद्दे व्हिडिओ पोस्ट केले.

• पंतप्रधान नरेंद्र मोदींनी G20 शिखर परिषदेत जागतिक सहकार्यासाठी चार महत्त्वपूर्ण प्रस्ताव मांडले.
• G20-आफ्रिका स्किल्स मल्टीप्लायर उपक्रम, जागतिक आरोग्य प्रतिसाद पथक आणि पारंपारिक ज्ञान भांडारासाठी आवाहन.
• मोदींची जागतिक नेत्यांसोबत धोरणात्मक चर्चा; हवामान बदल, आर्थिक आव्हाने आणि डिजिटल सहकार्यावर मोठा भर.

PM Modi G20 Johannesburg Day 2 : दक्षिण आफ्रिकेतील जोहान्सबर्ग येथे सुरू असलेल्या G20 शिखर परिषदेत (G20 Johannesburg) भारताने आणखी एकदा आपला जागतिक प्रभाव सिद्ध केला आहे. या महत्त्वपूर्ण परिषदेत पंतप्रधान नरेंद्र मोदी (PM Narendra Modi) यांनी दुसऱ्या दिवसाचे हायलाइट्स व्हिडिओद्वारे सोशल प्लॅटफॉर्मवर शेअर केले आणि भारताच्या भूमिका, चर्चासत्रे आणि प्रस्तावांची जगभर पुन्हा एकदा ठळक ओळख करून दिली. पंतप्रधानांनी लिहिले की, जी-२० चा दुसरा दिवस अत्यंत यशस्वी ठरला आणि भारताने जागतिक मुद्द्यांवर सकारात्मक आणि ठोस भूमिका मांडली.

या परिषदेत पंतप्रधानांनी चार मोठे प्रस्ताव मांडले ज्यात ड्रग्स-टेरर नेटवर्कचा नाश, सार्वजनिक आरोग्य संरक्षित करणे, दहशतवादाला वित्तपुरवठा रोखणे आणि जागतिक सुरक्षा सहकार्य मजबूत करणे यांचा समावेश होता. अशा व्यापक मुद्द्यांवर भारताने पुन्हा एकदा नेतृत्व दाखवल्याचे आंतरराष्ट्रीय विश्लेषकही मानत आहेत.

आफ्रिकेच्या विकासासाठी ऐतिहासिक प्रस्ताव

पंतप्रधानांनी विशेषतः आफ्रिका खंडासाठी “G20-आफ्रिका स्किल्स मल्टीप्लायर इनिशिएटिव्ह” प्रस्तावित केला. या उपक्रमांतर्गत पुढील दहा वर्षांत किमान दहा लाख प्रमाणित प्रशिक्षक तयार करण्याचे उद्दिष्ट निश्चित करण्यात आले आहे. “Train the Trainer” मॉडेलद्वारे आफ्रिकेतील तरुणांना रोजगार, नवोपक्रम आणि कौशल्य शिक्षणात वाव मिळेल. हे दीर्घकालीन आर्थिक विकासासाठी एक ऐतिहासिक पाऊल असल्याचे तज्ज्ञ मानतात.

जागतिक घडामोडी संबंधित बातम्या वाचण्यासाठी येथे क्लिक करा : India Defense : पाकिस्तानने आता युद्धासाठी तयार राहावे, भारताचा धोरणात्मक संयम संपला; ‘Two-Front war’ साठी इंडियन आर्मी सज्ज

जागतिक आरोग्य सुरक्षेसाठी नवी संकल्पना

कोविड महामारीनंतर जागतिक आरोग्य संरचना मजबूत करण्याची गरज वाढली आहे. या पार्श्वभूमीवर पंतप्रधानांनी ग्लोबल हेल्थ रिस्पॉन्स टीम तयार करण्याचा प्रस्ताव मांडला. या टीममुळे महामारी, आपत्ती किंवा सार्वजनिक आरोग्य संकटात देशांना त्वरित मदत मिळेल.

See more

Yesterday’s proceedings at the G20 Summit in Johannesburg were fruitful. I took part in two sessions and shared my views on key issues. Also had productive meetings with many world leaders. Watch the highlights… pic.twitter.com/l8EsjxsyRO — Narendra Modi (@narendramodi) November 23, 2025

credit : social media

संस्कृती व ज्ञान संरक्षणासाठी अनोखी पुढाकार

भारतीय संस्कृतीचे अंतरंग म्हणजे ज्ञानपरंपरा. याच भावनेने पंतप्रधान मोदींनी भविष्यातील पिढ्यांसाठी “ग्लोबल ट्रेडिशनल नॉलेज रिपॉझिटरी” तयार करण्याची सूचना दिली. या जागतिक डिजिटल भांडारामुळे विविध देशांतील पारंपारिक उपचारशैली, कृषी तंत्रज्ञान, संस्कृती आणि ग्रामीण नवोपक्रमांचे संवर्धन होईल.

जागतिक घडामोडी संबंधित बातम्या वाचण्यासाठी येथे क्लिक करा : Power Shift : पाकिस्तानात लोकशाहीचा ‘अंत’; असीम मुनीरचे देशावर राहणार आजीवन वर्चस्व; पण सैन्यात मात्र बंडखोरीची चिन्हे

महत्त्वपूर्ण द्विपक्षीय बैठकांनी वाढवली कूटनीतिक धार

शिखर परिषदेच्या दुसऱ्या दिवशी पंतप्रधानांनी इटलीच्या पंतप्रधान जॉर्जिया मेलोनी, फ्रान्सचे अध्यक्ष इमॅन्युएल मॅक्रॉन, ब्राझीलचे राष्ट्राध्यक्ष लुला दा सिल्वा आणि मलेशियाचे पंतप्रधान अन्वर इब्राहिम यांची भेट घेतली. या चर्चांमध्ये हवामान बदल, आर्थिक सहकार्य, संरक्षण भागीदारी आणि डिजिटल तंत्रज्ञान यावर चर्चा झाली. या भेटींमुळे भारताच्या परराष्ट्र धोरणाला नवी गती मिळेल अशी अपेक्षा आहे.