Pope Francis Health Update: पोप फ्रान्सिस यांची प्रकृती पुन्हा बिघडली; दम्याच्या झटक्यानंतर…

• पोप फ्रान्सिस यांना फुफ्फुसाचा संसर्ग झाल्याचे निदान झाले आणि त्यांना रोमच्या रुग्णालयात दाखल करण्यात आले होते.
• त्यांना न्यूमोनिया आणि  ॲनिमियाचा त्रासही होत आहे. ॲनिमियाच्या उपचारासाठी त्यांना रक्तदान देण्यात आले.
• 17 फेब्रुवारीला वेटिकनने सांगितले की पोप यांच्या श्वसननलिकेमध्ये पॉलीमायक्रोबियल संसर्ग झाला आहे, यामुळे उपचार बदलण्यात आले.
• 18 फेब्रुवारीला वेटिकनने त्यांच्या स्थितीबाबत सांगितले की, दोन्ही फुफ्फुसांमध्ये न्यूमोनिया असूनही ते चांगल्या स्थितीत असल्याचे सांगितले.
• 19 फेब्रुवारी रोजी त्यांची स्थिती गंभीर असल्याचे सांगण्यात आले, मात्र ते रुग्णालयातूनच कार्य करत होते.
• 21 फेब्रुवारीला डॉक्टरांनी सांगितले की पोप यांना कोणताही धोका नाही मात्र, उपचार सुरूच राहतील.
• 22 फेब्रुवारीला अस्थमा अटॅकनंतर त्यांच्या प्रकृतीत अधिक बिघाड झाला असल्याची माहिती समोर आली आहे.

पंतप्रधान मेलोनी यांची भेट

19 फेब्रुवारी रोजी इटलीच्या पंतप्रधान जॉर्जिया मेलोनी यांनी यांनी पोप फ्रान्सिस यांची भेट घेतली. त्यांनी सांगितले की, पोप यांच्या चेहऱ्यावर हास्य होते आणि त्यांनी त्यांच्याशी विनोदही केले.

अंत्यसंस्काराची अफवा

काही दिवासांपूर्वी माध्यमांनी त्यांच्या अंत्यसंस्काराची तयारी सुरु असल्याचा दावा केला होता. मात्र, व्हेटिकन आणि स्विस गार्डच्या प्रवक्त्यांनी याला अफवा ठरवत परिस्थीती नियंत्रणात असल्याचे स्पष्ट केले होते.

पोप फ्रान्सिस यांचे कार्यक्रम रद्द

पोप फ्रान्सिस यांना 205 च्या कॅथोलि पवित्र वर्षासाठी अनेक कार्यक्रमांचे नेतृत्व करायचे होते, मात्र, सध्या त्यांची प्रकृती गंभीर असल्याने काही कार्यक्रम रद्द करण्यात आले आहेत. व्हॅटिकन पुढील अपडेट लकवरच कळवण्यात येतील असे म्हटले आहे.

कोण आहेत पोप?

पोप फ्रान्सिस हे 1000 वर्षांतील पहिले गैर-यूरोपीय पोप आहेत. त्यांचा जन्म 17 डिसेंबर 1936 रोजी अर्जेंटिनातील फ्लोरेस येथे झाला. त्यांचे पूर्ण नाव जॉर्ज मारियो बर्गोग्लियो आहे. 2013 मध्ये पोप बेनेडिक्ट सोळावे यांच्या निवृत्तीनंतर ते रोमन कॅथोलिक चर्चचे 266 वे पोप झाले.

त्यांनी दर्शनशास्त्र आणि धर्मशास्त्रात मास्टर डिग्री घेतली असून, 1998 मध्ये ब्यूनस आयर्सचे आर्चबिशप झाले. 2001 मध्ये पोप जॉन पॉल द्वितीय यांनी त्यांना कार्डिनल पद दिले. ते जेसुइट्स संघटनेचे सदस्य असलेले आणि दक्षिण अमेरिकेतून पोप पदावर पोहोचलेले पहिले धर्मगुरु आहेत.

जागतिक घडामोडी संबंधित बातम्या- पोप फ्रान्सिसला चिंतित करणाऱ्या ‘या’ आजारामुळे दरवर्षी होतात लाखो मृत्यू

संबंधित बातम्या