इराणचे राष्ट्राध्यक्ष इब्राहिम रईसी यांच्या हेलिकॉप्टरला अपघात; रईसी यांच्यासह हेलिकॉप्टरमधील सर्वांचा मृत्यू

इब्राहिम रईसी हे अझरबैजान येथे एका धरणाचे उद्घाटन केल्यानंतर हेलिकॉप्टरमधून परत निघाले होते. त्यांच्या ताफ्यात तीन हेलिकॉप्टर होते. त्यातील दोन हेलिकॉप्टर आपल्या निश्चितस्थळी पोहोचले. पण, तिसरे विमान पोहचले नाही.

अझरबैजान : इराणचे राष्ट्राध्यक्ष इब्राहिम रईसी (Ebrahim Raisi) हे पूर्व अझरबैजानला भेट देत होते. या दरम्यान, इराणची राजधानी तेहरानपासून 600 किलोमीटर अंतरावर असलेल्या अझरबैजानच्या सीमावर्ती शहर जोल्फाजवळ त्यांच्या हेलिकॉप्टरला अपघात झाला. या अपघातात इब्राहिम रईसी यांचा मृत्यू झाला आहे.

इब्राहिम रईसी हे अझरबैजान येथे एका धरणाचे उद्घाटन केल्यानंतर हेलिकॉप्टरमधून परत निघाले होते. त्यांच्या ताफ्यात तीन हेलिकॉप्टर होते. त्यातील दोन हेलिकॉप्टर आपल्या निश्चितस्थळी पोहोचले. पण, तिसरे विमान पोहचले नाही. हेलिकॉप्टर उड्डाण केल्यानंतर अवघ्या 30 मिनिटातच त्याचा संपर्क तुटला होता. खूप प्रयत्न केल्यानंतरही हेलिकॉप्टरशी संपर्क होऊ शकला नाही. त्यानंतर बचावपथक रवाना करण्यात आले होते.

दरम्यान, गेल्या काही तासांपासून रईसी यांचे हेलिकॉप्टर बेपत्ता होते. त्याचा शोध सुरु होता. त्यांच्यासोबत हेलिकॉप्टरमध्ये असलेले परराष्ट्रमंत्री यांचा देखील मृत्यू झाला आहे. इराणसाठी हा मोठा धक्का मानला जात आहे. बचावपथकाला अपघातग्रस्त हेलिकॉप्टर आढळून आले होते. त्यानंतर इब्राहिम रईसी आणि त्यांच्यासोबत हेलिकॉप्टरमध्ये असणाऱ्या इतरांचा मृत्यू झाल्याची पुष्टी करण्यात आली आहे.