ब्राझीलच्या भेटीनंतर पंतप्रधान नरेंद्र मोदींची गयाना भेट; मिळाला गयानाचा सर्वोच्च सन्मान 'द ऑर्डर ऑफ एक्सलन्स'
जॉर्जटाऊन: पंतप्रधान नरेंद्र मोदी ब्राझीलच्या रिओ दि जानेरोत झालेल्या G-20 परिषदेत सहभागी झाल्यानंतर गयाना येथे पोहोचले आहेत. गयानाला पोहोचल्यावर अध्यक्ष मोहम्मद इरफान अली यांनी त्यांची गळाभेट घेतली. इराफान अली यांनी स्वत: पंतप्रधान मोदींचे गयानाच्या भूमीवर पाऊल ठेवताच जोरदार स्वागत केले. पंतप्रधान मोदी सध्या 5 दिवसांच्या विदेश दौऱ्यावर आहेत. पंतप्रधान मोदी या दौऱ्यात गयानाच्या संसदेच्या विशेष बैठकीत सहभागी होणार आहेत.
पंतप्रधान नेरंद्र मोदींना मानले गयानाच्या अध्यक्षांचे आभार
याशिवाय, दुसऱ्या भारत-CARICOM शिखर परिषदेत कॅरिबियन भागीदार देशांच्या नेत्यांसोबतही गयानात सहभागी होणार आहेत. तसेच गयानाल पोहोचल्यानंतर गयानाचे अध्यक्ष इरपान अली यांनी त्यांना सर्वोच्च पुरस्काराने सन्मानित केले. गयानाचा सर्वोच्च पुरस्कार ‘द ऑर्डर ऑफ एक्सलन्स’ पंतप्रधान मोदींना प्रदान करण्यात आला. यासबंधात एका पोस्टद्वारे त्यांना मिळालेल्या सन्मानाची माहिती देताना, पीएम मोदींनी हा सन्मान 140 कोटी भारतीयांना समर्पित केला.
Sincerely thank President Dr. Irfaan Ali, for conferring upon me Guyana’s highest honour, ‘The Order of Excellence.’ This is a recognition of the 140 crore people of India. https://t.co/SVzw5zqk1r — Narendra Modi (@narendramodi) November 21, 2024
पंतप्रधान मोदींनी त्यांच्या सोशल मीडिया प्लॅटफॉर्म एक्सवर याबाबत एक पोस्ट शेअर केली आहे. या पोस्टमध्ये त्यांनी म्हटले आहे की, गयानाचा सर्वोच्च सन्मान ‘द ऑर्डर ऑफ एक्सलन्स’ प्रदान केल्याबद्दल मी गयानाचे अध्यक्ष डॉ. इरफान अली यांचे मनापासून आभार मानतो. तसेच नेरंद्र मोदींनी हा पुरस्कार 140 कोटी भारतीयांची ओळख असल्याचे त्यांनी म्हटले आहे.
परराष्ट्र मंत्री एस. जयशंकर यांनी मोदींचे अभिनंदन केले
याशिवाय भारताचे परराष्ट्र मंत्री एस. जयशंकर यांनी आपल्या सोशल मीडिया पोस्टद्वारे नरेंद्र मोदींना मिळालेल्या पुरस्कारबद्दल त्यांचे अभिनंदन केले. त्यांच्या पोस्टमध्ये त्यांनी म्हटले आहे की, “गयानाचा सर्वोच्च पुरस्कार “द ऑर्डर ऑफ एक्सलन्स” ने पतंप्रधान मोदींना सन्मानित करण्यात आले. ग्लोबल साउथच्या हक्कांसाठी त्यांनी लढा दिल्याबद्दल हा पुरस्कार त्यांना प्रदान करण्यात आला. तसेच हा पुरस्कार मोदींच्या भारताच्या विकासासाठी असणारी दूरदर्शी नेतृत्वाची ओळख आहे.”
Another great moment for 🇮🇳 as PM @narendramodi is awarded the highest national award of Guyana, “The Order of Excellence”. Noting PM’s championing of the rights of the Global South and sharing India’s development journey with the world, the award is a true recognition of his… pic.twitter.com/hFXFBKZFv3 — Dr. S. Jaishankar (@DrSJaishankar) November 21, 2024
.png "Videos"){kind=small}
