LNG Supply : कतारची गॅस जहाजे होर्मुझच्या वेढ्यातून बाहेर; इराणचा मोठा ‘यू-टर्न’, 6 अब्ज डॉलर्सचा गुप्त कराराबाबत सर्वत्र चर्चा

युद्धानंतर प्रथमच इराणने कतारी जहाजांना होर्मुझच्या सामुद्रधुनीतून जाण्याची परवानगी दिली आहे. जर कतारी जहाजे यापुढेही येथून जात राहिली, तर जगाला गॅसच्या तुटवड्याचा सामना करावा लागणार नाही.

• जगाला मोठा दिलासा
• गॅसचा तुटवडा संपणार
• ६ अब्ज डॉलर्सचा ‘गुप्त’ करार

Qatar LNG ships Hormuz Strait 2026 : मध्य-पूर्वेतील युद्धाच्या आगीत होरपळणाऱ्या जागतिक अर्थव्यवस्थेसाठी आज एक अत्यंत दिलासादायक बातमी समोर आली आहे. इराणने युद्ध सुरू झाल्यापासून पहिल्यांदाच कतारच्या (Qatar) नैसर्गिक वायू (LNG) वाहून नेणाऱ्या जहाजांना होर्मुझच्या सामुद्रधुनीतून (Strait of Hormuz) जाण्याची परवानगी दिली आहे. या एका निर्णयामुळे केवळ आखाती देशांतच नव्हे, तर भारत आणि युरोपसह संपूर्ण जगातील गॅसच्या किमती कमी होण्याची चिन्हे दिसू लागली आहेत. तेहरान आणि दोहा यांच्यात झालेल्या एका महत्त्वपूर्ण वाटाघाटीनंतर इस्लामिक रिव्होल्यूशनरी गार्ड कॉर्प्सने (IRGC) हा निर्णय घेतल्याचे समजते.

‘रसिदा’ आणि ‘अल दाईएन’ जहाजांचा ऐतिहासिक प्रवास

‘केप्लर’ या जहाज ट्रॅकिंग संस्थेच्या माहितीनुसार, एलएनजीने (LNG) काठोकाठ भरलेली ‘रसिदा’ (Rashida) आणि ‘अल दाईएन’ (Al Dhayen) ही दोन कतारी जहाजे होर्मुझच्या सामुद्रधुनीतून मार्गक्रमण करताना दिसली आहेत. ही जहाजे आता ओमानच्या आखाताकडे जात असून, तिथून ती भारत, चीन आणि युरोपीय देशांमधील आपल्या नियोजित स्थळी पोहोचतील. होर्मुझची नाकेबंदी झाल्यामुळे गेल्या अनेक दिवसांपासून गॅसचा पुरवठा खंडित झाला होता, मात्र आता ही जहाजे बाहेर पडल्याने ‘गॅस बॅकअप’ पुन्हा सुरू झाला आहे.

जागतिक घडामोडी संबंधित बातम्या वाचण्यासाठी येथे क्लिक करा : Trump Ultimatum: ‘याच्या’ बदल्यात ‘Hormuz’ नाहीच; इराणला अमेरिकेची अट अमान्य; पाकिस्तानच्या प्रस्तावावर विचार सुरू

कतार का आहे जगासाठी ‘किंगमेकर’?

कतार हा जगातील नैसर्गिक वायूचा सर्वात मोठा निर्यातदार देश आहे. जागतिक गॅस पुरवठ्यापैकी सुमारे १९ टक्के वाटा एकटा कतार उचलतो. २०२४ मध्ये कतारने ७७.२३ दशलक्ष मेट्रिक टन गॅसचा पुरवठा केला होता. भारत आपल्या ऊर्जेच्या गरजांसाठी कतारवर मोठ्या प्रमाणावर अवलंबून आहे. जर होर्मुझची ही नाकेबंदी कायम राहिली असती, तर भारतात सीएनजी (CNG) आणि एलपीजी (LPG) चे दर गगनाला भिडले असते. मात्र, कतारी जहाजांना मिळालेल्या या ‘हिरव्या कंदील’मुळे आता गॅसची टंचाई भासणार नाही, असा विश्वास तज्ज्ञांनी व्यक्त केला आहे.

See more

🗓️ April 6 | Day 37 — Iran–Israel–US War Timeline ➔ Iran claims shooting down aircraft in Isfahan ➔ Trump says Iran deal possible by Tuesday ➔ Russia evacuates personnel from Iranian nuclear power plant pic.twitter.com/EqqeTNa4Fh — Anadolu English (@anadoluagency) April 6, 2026

credit – social media and Twitter

इराण आणि कतारमधील ‘तो’ ६ अब्ज डॉलर्सचा गुप्त करार?

इराणने अचानक आपली भूमिका का बदलली? यामागे एका मोठ्या गुप्त कराराची चर्चा आंतरराष्ट्रीय वर्तुळात रंगली आहे. इस्रायली वेबसाइट ‘जेफीड’च्या रिपोर्टनुसार, इराणचे ६ अब्ज डॉलर्स कतारच्या बँकांमध्ये अडकले होते (जे अमेरिकेसोबतच्या एका करारानुसार तिथे ठेवण्यात आले होते). कतारने हे पैसे इराणला परत करण्याचा प्रस्ताव दिला असून, त्या बदल्यात इराणने कतारी जहाजांना आणि तेल सुविधेला लक्ष्य करणे थांबवले आहे. अधिकृतपणे कोणीही यावर बोलले नसले तरी, ६ अब्ज डॉलर्सचा हा आकडा या युद्धात इराणसाठी मोठी रसद ठरू शकतो.

See more

HORMUZ WATCH: QATARI LNG ON THE MOVE Kpler data shows LNG tankers Rasheeda and Al Daayen approaching the Strait of Hormuz. A crossing would mark the first Qatari LNG shipments through the Strait since the conflict began. — *Walter Bloomberg (@DeItaone) April 6, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Bahrain Vs Iran : कतार आणि सौदी अरेबिया गप्प, मग बहरीन का संतापला? इराणला धडा शिकवण्यासाठी संयुक्त राष्ट्रात टाकला मोठा डाव

भारतासह जगाला मोठा फायदा

कतारकडून गॅस खरेदी करणाऱ्या देशांच्या यादीत भारत अग्रस्थानी आहे. होर्मुझमधील ही हालचाल भारतीय उद्योग आणि घरगुती गॅस ग्राहकांसाठी सुखद धक्का आहे. मात्र, इराण ही परवानगी किती काळासाठी देईल, हा प्रश्न अजूनही अनुत्तरित आहे. जर हा पुरवठा असाच अखंड सुरू राहिला, तर युद्धाच्या काळातही जागतिक इंधन बाजार स्थिर राहण्यास मोठी मदत होईल.