Latvia Country Men Shortage: ‘कुणी, नवरा देता का नवरा? पुरूषांच्या कमतरतेमुळे ‘या’ देशातील महिलांना तासावर पुरुष घेण्याची आली वेळ

जगाच्या लोकसंख्येत पुरुषांची संख्या महिलांपेक्षा जास्त आहे. पण जगात असे अनेक देश आहेत, जिथे पुरुषांची संख्या महिलांपेक्षा अतिशय कमी आहे. असा एक देश आहे ,जिथे भाड्याने पुरुषांना विकत घ्यावे लागत आहे.

• भाड्याने पुरुषांना विकत घ्यावे लागत आहे
• पुरुषांची संख्या महिलांपेक्षा अतिशय कमी
• लातविया देशात विचित्र समस्या उद्भवली

जगातील बहुतेक देशांमध्ये पुरुष आणि महिलांची लोकसंख्या संतुलित आहे. असे काही देश आहेत, जिथे महिलांची लोकसंख्या कमी आणि पुरुषांची लोकसंख्या जास्त आहे. असाच एक देश उत्तर युरोपमधल बाल्टिक देशांपैकी एक असलेल्या लातविया देशात विचित्र समस्या उद्भवली आहे. इथे महिलांची संख्या पुरुषांपेक्षा लक्षणीय कमी आहे. परिणामी महिला दैनंदिन घरकामांसाठी मदत व्हावी, यासाठी नवरे काही तासांसाठी भाड्याने घ्यावे लागत आहे. युरोस्टॅटनुसार लाटवियामधील महिला पुरुषांपेक्षा काम करण्याची शक्यता १५.५% जास्त आहे. ही तफावत युरोपियन युनियनच्या सरासरीपेक्षा तिप्पट आहे.

 लंडनहून थेट कारवाई! दहशतवादी निधी पुरवठा नेटवर्क विस्कळीत; ब्रिटनचा ‘Babbar Khalsa’ विरुद्ध कठोर पवित्रा

६५ वर्षांपेक्षा जास्त वयाच्या महिलांमध्ये पुरुषांपेक्षा दुप्पट शक्यता

वर्ल्ड अॅटलसनुसार, लाटवियामध्ये ६५ आणि त्याहून अधिक वयाच्या लोकांमध्ये पुरुषांपेक्षा दुप्पट महिला आहेत. न्यू यॉर्क पोस्टनुसार, या वाढत्या लिंग तफावतीमुळे महिला घरकामात मदत करण्यासाठी पतींना कामावर ठेवत आहेत. अहवालानुसार लाटवियाच्या महिला म्हणतात की, त्यांना त्यांच्या कामाच्या ठिकाणी आणि दैनंदिन जीवनात पुरुषांची कमतरता जाणवते.

कामाच्या ठिकाणी लिंग संतुलन आवश्यक

डानिया नावाच्या महिलेने सांगितले की, तिच्या जवळजवळ सर्व सहकारी महिला आहेत. तिला महिलांसोबत काम करायला आवडते, पण कामाच्या ठिकाणी लिंग संतुलन अधिक असेल तर सामाजिकीकरण अधिक आनंददायी होईल असेही तिने म्हटले. दानियाची मैत्रीण झैन म्हणाली की पुरुषांच्या वाढत्या कमतरतेमुळे अनेक महिला जोडीदार शोधण्यासाठी परदेशात जातात.

“मॅन विथ गोल्डन हँड्स” नावाचा एक व्यासपीठ

न्यू यॉर्क पोस्टनुसार, पुरुष जोडीदार नसताना, या देशातील महिलांना दैनंदिन घरकाम करण्यासाठी भाड्याने घेतलेल्या कारागिरांचा आधार घ्यावा लागतो. यासाठी, “मॅन विथ गोल्डन हँड्स” नावाचा एक व्यासपीठ उपलब्ध आहे, जो दुरुस्ती आणि इतर घरकामांसाठी भाड्याने घेतलेल्या कारागिरांना पुरवतो. त्याचप्रमाणे, “हसबंड फॉर अ अवर” नावाचा एक व्यासपीठ आहे, जो रंगकाम, पडदे दुरुस्ती आणि इतर देखभालीची कामे जलद हाताळण्यासाठी तासाभराने कारागिरांना कामावर ठेवतो.

मिळालेल्या माहितीनुसार, लातवियामध्ये पुरूषांचे कमी आयुर्मान हे लिंग असमतोलाचे मोठे कारण असू शकते. अनेक पुरुष वर्ग हा धूम्रपानाचे असलेले अधिक प्रमाण आणि जीवनशैलीशी संबंधित आरोग्यच्या समस्यांमुळे पुरूषांचे आयुर्मान याठिकाणी कमी आहे. वर्ल्ड ॲटलसच्या मते, लातवियामधील ३१ टक्के पुरूष धूम्रपान करतात. तर महिलांमध्ये हे प्रमाण केवळ १० टक्के आहे. तसेच अनेक पुरूषांना लठ्ठपणाची समस्या कारणीभूत ठरत आहे.

KAAN : बायकर ड्रोन आता पाकिस्तानमध्ये? तुर्कीयेची संरक्षण निर्यात 30 टक्क्यांनी वाढली; नवा बाजार पाकिस्तान