Social Change: अजब देश! प्रेयसीला डेट करण्यासाठी सरकार देतंय 31 हजार रुपये; लग्न केल्यास मिळतात 25 लाख, जाणून घ्या नेमकं कारण

South Korea dating : तरुणांमध्ये डेटिंग करणे सामान्य आहे. पण तुम्हाला माहित आहे का की असा एक देश आहे जिथे सरकार स्वतः तरुणांना डेटवर जाण्यासाठी पैसे देते. लग्न झाल्यावर ते मोठ्या प्रमाणात पैसे देखील देते?

•  दक्षिण कोरियामध्ये तरुणांना डेटवर जाण्यासाठी सरकार ३१ हजार रुपये देते, तर लग्न केल्यास २५ लाख रुपयांपर्यंत आर्थिक मदत दिली जात आहे.
•  कामाचा ताण आणि महागाईमुळे तरुण लग्नापासून दूर जात असल्याने दक्षिण कोरिया आणि चीनमध्ये लोकसंख्या वेगाने घटत आहे, ज्याला रोखण्यासाठी सरकार अजब योजना राबवत आहे.
• चीनने ३२ वर्षांनंतर प्रथमच कंडोम आणि गर्भनिरोधक गोळ्यांवर १३% कर लादला आहे, जेणेकरून लोकसंख्या वाढीला प्रोत्साहन मिळेल.

South Korea dating allowance for youth : आजच्या धावपळीच्या युगात तरुणांना आपल्या करिअर आणि कामातून प्रेमासाठी वेळ काढणे कठीण झाले आहे. पण तुम्हाला विश्वास बसणार नाही, जगात असा एक देश आहे जिथे सरकार तरुणांना चक्क ‘डेटिंग’ करण्यासाठी पैसे देत आहे. इतकेच नाही, तर जर त्या डेटिंगचे रूपांतर लग्नात झाले, तर जोडप्याला चक्क २५ लाख रुपयांपर्यंतची बक्षीस रक्कम दिली जात आहे. दक्षिण कोरिया (South Korea) आणि चीन (China) यांसारख्या आशियाई देशांमध्ये सध्या लोकसंख्येचे भीषण संकट ओढवले असून, ते रोखण्यासाठी या अजब योजना राबवल्या जात आहेत.

दक्षिण कोरिया: डेटिंग आणि लग्नासाठी पैशांचा पाऊस

दक्षिण कोरिया हा प्रगत देश असला तरी सध्या एका गंभीर सामाजिक संकटाचा सामना करत आहे. येथील तरुण कामात इतके व्यग्र आहेत की त्यांना वैयक्तिक आयुष्यासाठी वेळच उरत नाही. वाढती महागाई आणि घरांच्या किंमतींमुळे तरुण लग्नापासून आणि मुले जन्माला घालण्यापासून दूर पळत आहेत. याचा परिणाम म्हणून देशाचा जन्मदर ऐतिहासिक निचांकी पातळीवर पोहोचला आहे. हे संकट दूर करण्यासाठी दक्षिण कोरिया सरकारने तरुणांना प्रोत्साहित करण्यास सुरुवात केली आहे. जेव्हा एखादे जोडपे डेटवर जाते, तेव्हा सरकार खर्चासाठी $350 (अंदाजे ३१,००० रुपये) देते. जोडप्यांनी एकमेकांसोबत दर्जेदार वेळ घालवावा आणि त्यांचे नाते लग्नापर्यंत पोहोचावे, हा यामागील उद्देश आहे. जर हे जोडपे लग्न करण्याचा निर्णय घेते, तर त्यांना २५ लाख रुपयांपर्यंत आर्थिक मदत दिली जाते, जेणेकरून ते आपल्या नवीन आयुष्याची सुरुवात कोणत्याही आर्थिक अडचणीशिवाय करू शकतील.

जागतिक घडामोडी संबंधित बातम्या वाचण्यासाठी येथे क्लिक करा : DOJ Release: Trump-Epsteinचे ‘डार्क’ कनेक्शन; ट्रम्पविरुद्ध महिलांवर अत्याचार अन् ‘Lolita Express’मध्ये प्रवासाचे धक्कादायक पुरावे

चीनमध्ये कंडोमवर ३२ वर्षांनंतर कर!

दुसरीकडे, जगातील सर्वाधिक लोकसंख्येचा देश राहिलेला चीन आता लोकसंख्या घटण्याच्या भीतीने हादरला आहे. चीनमध्ये एकेकाळी ‘एक अपत्य’ धोरण होते, जे आता पूर्णपणे बदलून ‘तीन अपत्य’ धोरण करण्यात आले आहे. मात्र, तरीही जन्मदर वाढत नसल्याने चीन सरकारने एक कठोर पाऊल उचलले आहे. चीनने तब्बल ३२ वर्षांनंतर प्रथमच कंडोम आणि गर्भनिरोधक गोळ्यांवर १३% मूल्यवर्धित कर (व्हॅट) लादला आहे. १९९३ पर्यंत ही उत्पादने करमुक्त होती, कारण तेव्हा सरकारला लोकसंख्या नियंत्रणात ठेवायची होती. मात्र आता परिस्थिती उलटी झाली आहे. गर्भनिरोधक साधने महाग करून लोकांना अधिक मुले जन्माला घालण्यासाठी प्रवृत्त करणे, हा चीन सरकारचा यामागचा मुख्य उद्देश आहे.

See more

BREAKING – South Korea’s birth rate has finally increased after the Government started paying $29000 in cash to couples who date and marry pic.twitter.com/xyxHV66T30 — Global UPDATES (@GlobalUpdates24) December 22, 2025

credit : social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Vijay Mallya : विजय मल्ल्या म्हणाले, ‘फरार हा शब्द काढून टाका’; मुंबई उच्च न्यायालयाने म्हटले, ‘आधी भारतात परत या’

करिअरचा दबाव आणि सामाजिक बदल

या दोन्ही देशांमधील परिस्थिती पाहता एक गोष्ट स्पष्ट होते की, केवळ आर्थिक मदतीने लोकसंख्या वाढत नाही. दक्षिण कोरिया आणि चीनमधील तरुणांवर कामाचा इतका प्रचंड दबाव आहे की, त्यांना कुटुंब वाढवणे ही एक जबाबदारी किंवा ओझे वाटू लागले आहे. दक्षिण कोरियामध्ये मुलाच्या जन्मानंतरही सरकार मोठा आर्थिक भत्ता देते, तरीही लोकसंख्या वाढीचा वेग मंदावला आहे. भविष्यात हे संकट केवळ या दोन देशांपुरते मर्यादित न राहता संपूर्ण जगासाठी चिंतेचा विषय ठरू शकते.