Brandon Gill: ‘डॅलस नाही, पाकिस्तान वाटतं!’ अमेरिकन खासदाराचा ‘इस्लामीकरणा’चा आरोप करत ट्रम्पच्या सहकाऱ्याचा मोठा दावा

जागतिक घडामोडी संबंधित बातम्या वाचण्यासाठी येथे क्लिक करा : Shenzhen-Zhongshan: चीन अभियांत्रिकीचा बाप! 2 तासांचा प्रवास 20 मिनिटांत; समुद्राखालून धावणाऱ्या गाड्या पाहून जगाचे डोळे विस्फारले

सोशल मीडियावरील टीकेचा भडिमार

ब्रँडन गिल यांनी त्यांच्या विधानाचा व्हिडिओ सोशल मीडियावर शेअर करताना लिहिले की, “टेक्सन्सनी मॉलमध्ये गेल्यावर त्यांना पाकिस्तानमध्ये असल्यासारखे वाटू नये. मोठ्या प्रमाणावरील इस्लामिक स्थलांतर अमेरिकेला संपवत आहे.” त्यांच्या या पोस्टवर जगभरातून संमिश्र प्रतिक्रिया उमटल्या आहेत. अनेक मुस्लीम संघटनांनी या विधानाचा निषेध केला असून, हे विधान विद्वेष पसरवणारे असल्याचे म्हटले आहे.

credit – social media and Twitter

भारतीय कनेक्शन आणि ‘पत्नीला खुश करण्यासाठी’ पाकिस्तानचा उल्लेख?

ब्रँडन गिल यांची पत्नी डॅनिएल डिसोझा गिल या भारतीय वंशाच्या आहेत. त्या प्रसिद्ध भारतीय-अमेरिकन भाष्यकार आणि डोनाल्ड ट्रम्प यांचे कट्टर समर्थक दिनेश डिसोझा यांच्या कन्या आहेत. गिल यांच्या विधानावर टीका करताना काही नेटीझन्सनी म्हटले आहे की, “आपल्या भारतीय पत्नीला खुश करण्यासाठी गिल यांनी विशेषतः पाकिस्तानचे नाव घेतले आहे.” सोशल मीडियावर अशी चर्चा आहे की, गिल यांना नवी दिल्लीत राहण्याची इतकी सवय झाली आहे की पाकिस्तानचा द्वेष करणे त्यांच्यासाठी नैसर्गिक बनले आहे.

जुना वाद: ‘तिसऱ्या जगात परत जा’

हे काही पहिल्यांदाच घडलेले नाही की गिल दाम्पत्य वादात सापडले आहे. काही महिन्यांपूर्वी, न्यूयॉर्कचे महापौर जोहरान ममदानी (भारतीय वंशाचे) यांचा हातभराने भात खातानाचा व्हिडिओ गिल यांनी शेअर केला होता. त्यावर त्यांनी लिहिले होते की, “अमेरिकेतील सुसंस्कृत लोक असे खात नाहीत. जर तुम्ही पाश्चात्य रितीरिवाज पाळणार नसाल, तर तिसऱ्या जगात परत जा.” या वर्णद्वेषी टीकेमुळे गिल यांच्यावर अमेरिकेतून मोठी टीका झाली होती.

जागतिक घडामोडी संबंधित बातम्या वाचण्यासाठी येथे क्लिक करा : पत्रकारितेच्या इतिहासातील ‘ब्लॅक वेनस्डे’! 300 पत्रकारांना घरचा रस्ता दाखवल्यानंतर CEOचा राजीनामा; Washington Postमध्ये धुमाकूळ

कोण आहेत ब्रँडन गिल?

ब्रँडन गिल हे २०२४ मध्ये अमेरिकन काँग्रेसमध्ये निवडून आले आहेत. ते सध्या ‘DOGE’ उपसमितीसह हाऊस ज्युडिशियरी आणि बजेट समितीवर काम करत आहेत. सीमा सुरक्षा मजबूत करणे आणि अमेरिकेची आर्थिक ताकद पुनर्संचयित करणे हे त्यांचे मुख्य अजेंडे आहेत. मात्र, त्यांच्या अशा विधानांमुळे अमेरिकेतील स्थलांतरित समुदायांमध्ये भीती आणि संतापाचे वातावरण निर्माण झाले आहे.

संबंधित बातम्या