Israel Military : नेतान्याहू घेणार सूड! भूमध्य समुद्रात एर्दोगान यांची नाकेबंदी करण्यासाठी इस्रायलचा ‘मास्टरप्लॅन’

Israel-Turkey Conflict : इस्रायली अधिकाऱ्यांनी ग्रीस आणि सायप्रससोबत 'संयुक्त हस्तक्षेप दल' स्थापन करत असल्याचा दावा करणाऱ्या ग्रीक माध्यमांच्या वृत्ताचे खंडन केले आहे. इस्रायल आता तुर्कीच्या शत्रुत्वाचा बदला घेत आहे.

•  इस्रायल, ग्रीस आणि सायप्रस मिळून तुर्कीच्या वाढत्या प्रभावाला रोखण्यासाठी पूर्व भूमध्य समुद्रात एक ‘संयुक्त हस्तक्षेप दल’ (Joint Intervention Force) स्थापन करण्याच्या तयारीत आहेत.
•  एर्दोगान यांच्या इस्रायलविरोधी भूमिकेला प्रत्युत्तर म्हणून नेतान्याहू सरकारने तुर्कीच्या सागरी सीमांना घेराव घालण्याची आणि गॅस पाईपलाईन सुरक्षित करण्याची योजना आखली आहे.
• तुर्कीकडे मोठे नौदल असले तरी, इस्रायलचे प्रगत तंत्रज्ञान आणि ग्रीसचे हवाई दल एकत्र आल्यास भूमध्य समुद्रातील शक्ती संतुलन पूर्णपणे बदलू शकते.

Israel Greece Cyprus Joint Intervention Force 2025 : भूमध्य समुद्रातील राजकारण आता एका अत्यंत स्फोटक वळणावर पोहोचले आहे. तुर्कीचे अध्यक्ष रेसेप तय्यिप एर्दोगान यांनी सातत्याने इस्रायलविरोधी (Israel) भूमिका घेतल्यामुळे आता पंतप्रधान बेंजामिन नेतान्याहू यांनी तुर्कीला (Turkey) त्याच्याच भाषेत उत्तर देण्याची तयारी सुरू केली आहे. इस्रायली वृत्तपत्र ‘ynet’ च्या दाव्यानुसार, इस्रायल, ग्रीस आणि सायप्रस या तिन्ही देशांनी मिळून एक ‘संयुक्त हस्तक्षेप दल’ (Joint Intervention Force) स्थापन करण्याची गुप्त योजना आखली आहे. ही युती तुर्कीच्या भूमध्य समुद्रातील महत्त्वाकांक्षांना लगाम घालण्यासाठी एक मोठे पाऊल मानले जात आहे.

सूडाचा नवा अंक: तुर्कीला सागरी वेढा?

गेल्या काही महिन्यांपासून तुर्कीने सीरियाच्या माध्यमातून इस्रायलवर दबाव आणण्याचा प्रयत्न केला होता. आता इस्रायलने तुर्कीचा सर्वात कमकुवत बिंदू म्हणजेच पूर्व भूमध्य समुद्र निवडला आहे. ग्रीक माध्यमांनी दावा केला आहे की, हे नवीन लष्करी दल हवाई, जमीन आणि समुद्र अशा तिन्ही स्तरांवर एकमेकांना मदत करेल. जरी इस्रायली अधिकाऱ्यांनी उघडपणे याला नकार दिला असला तरी, सूत्रांनुसार नेतान्याहू आणि संरक्षण मंत्री इस्रायल काट्झ यांनी इस्रायल संरक्षण दलांना (IDF) प्राथमिक आराखडा तयार करण्याचे आदेश आधीच दिले आहेत.

जागतिक घडामोडी संबंधित बातम्या वाचण्यासाठी येथे क्लिक करा : Epstein Files : जेफ्री एपस्टाईनशी संबंधित किमान 16 फायली गहाळ! 24 तासांत ट्रम्पचे फोटोही डिलीट; अमेरिकेत तुफान गदारोळ

आर्थिक आणि धोरणात्मक हितसंबंधांचे रक्षण

या लष्करी युतीचा मुख्य उद्देश केवळ तुर्कीला रोखणे नाही, तर पूर्व भूमध्य समुद्रातील नैसर्गिक वायू (Natural Gas) आणि तेल साठ्यांचे रक्षण करणे हा आहे. इस्रायलकडून युरोपला ऊर्जा पुरवण्यासाठी बांधल्या जाणाऱ्या गॅस पाईपलाईनला तुर्कीचा तीव्र विरोध आहे. हे संयुक्त दल या पाईपलाईनला लष्करी संरक्षण देण्याचे काम करेल. तसेच, १९७४ च्या आक्रमणानंतर तुर्कीने व्यापलेल्या उत्तर सायप्रसच्या सागरी क्षेत्रातील मासेमारी आणि खनिज अधिकारांवरून सुरू असलेल्या वादातही हे दल सायप्रसची बाजू भक्कम करेल.

See more

🚨 EASTERN MED UPDATE: Israel, Greece, and Cyprus are weighing a joint 2,500-troop rapid response force with air, sea, and land units. The goal: deter Turkey, protect energy infrastructure, and deepen strategic ties amid rising regional tensions.
Stay connected, follow @MOSSADil pic.twitter.com/9Q5EehYiMW — Mossad Commentary (@MOSSADil) December 18, 2025

credit : social media and Twitter

एर्दोगान यांच्यासाठी हवाई दलाचे मोठे आव्हान

तुर्कीचे नौदल आणि भूदल ग्रीसपेक्षा मोठे आणि शक्तिशाली मानले जाते. मात्र, हवाई दलाच्या बाबतीत ग्रीसचा हात वरचढ आहे. आता यात इस्रायलचे अत्यंत प्रगत हवाई दल, इलेक्ट्रॉनिक वॉरफेअर कौशल्ये आणि मोसादची गुप्तचर क्षमता मिसळली, तर शक्ती संतुलन पूर्णपणे इस्रायल-ग्रीसच्या बाजूने झुकू शकते. इस्रायली लष्करी नियोजकांचा असा विश्वास आहे की, या युतीमुळे एर्दोगान यांना कोणतीही आक्रमक कारवाई करण्यापूर्वी शंभर वेळा विचार करावा लागेल.

जागतिक घडामोडी संबंधित बातम्या वाचण्यासाठी येथे क्लिक करा : Tarique Rahman: कट्टरपंथीयांचा काळ बनून परतणार तारिक रहमान; ज्याच्या एका आवाजावर उभा राहतो अख्खा Bangladesh

ग्रीस आणि इस्रायलची मैत्री: तुर्कीसाठी धोक्याची घंटा

ग्रीस आणि तुर्की यांच्यात एजियन समुद्रातील बेटांवरून अनेक दशकांपासून वाद सुरू आहे. अशा परिस्थितीत ग्रीसने इस्रायलशी केलेली ही लष्करी युती एर्दोगान यांच्यासाठी मोठा राजनैतिक धक्का आहे. एर्दोगान स्वतःला इस्लामिक जगाचा ‘खलिफा’ म्हणून प्रस्थापित करू पाहत असताना, त्यांच्या शेजारील देशांनी इस्रायलशी हातमिळवणी करणे हे त्यांच्या प्रादेशिक वर्चस्वाला मोठे आव्हान देणारे ठरणार आहे.