China News: चीनमध्ये माकडे खरेदी करण्यासाठी मोठी धावपळ, ‘हे’ आहे कारण; किंमत ऐकून होतील डोळे पांढरे

China News: चीनमध्ये दरवर्षी २५,००० माकडांचा बायोटेस्टिंगसाठी वापर केला जातो. यावेळी सरकारने लस आणि औषध चाचणीवर लक्ष केंद्रित केले आहे, ज्यामुळे माकडांचा तुटवडा निर्माण झाला आहे.

•  चीनमध्ये वैद्यकीय चाचण्यांसाठी वापरल्या जाणाऱ्या एका माकडाची किंमत आता २५ लाख रुपयांपर्यंत पोहोचली असून, औषध कंपन्यांमध्ये माकडे खरेदी करण्यासाठी मोठी चढाओढ सुरू आहे.
•  शी जिनपिंग सरकारने कर्करोग, कोविड-१९ आणि ‘दीर्घायुष्यासाठी’ नवीन लसींच्या चाचण्या वेगाने वाढवल्यामुळे प्रयोगशाळेतील माकडांचा प्रचंड तुटवडा निर्माण झाला आहे.
•  देशांतर्गत मागणी पूर्ण न झाल्यामुळे चीन आता कंबोडिया आणि इतर आग्नेय आशियाई देशांतून माकडांची आयात किंवा तस्करी करण्याची शक्यता वर्तवली जात आहे.

Monkey price in China 2026 for research : जगाला ‘कोविड-१९’ च्या संकटात ढकलणारा चीन (China) आता एका वेगळ्याच कारणाने चर्चेत आला आहे. चीनमधील वैद्यकीय प्रयोगशाळांमध्ये सध्या माकडांची अशी काही कमतरता निर्माण झाली आहे की, एका माकडाची किंमत चक्क २५ लाख रुपयांवर (Unit Price of 25 Lakhs) पोहोचली आहे. नवीन वर्षाच्या सुरुवातीलाच चिनी औषध कंपन्या आणि सरकारी संस्थांमध्ये प्रयोगशाळेतील माकडे (Experimental Monkeys) खरेदी करण्यासाठी मोठी धावपळ उडाली आहे.

२५ लाखांचा आकडा कसा गाठला?

फायनान्शियल टाईम्स आणि स्थानिक मीडिया रिपोर्ट्सनुसार, २०१८ पर्यंत या माकडांची किंमत काही हजार रुपयांमध्ये होती. २०२१ मध्ये जेव्हा जगभर लसींचे संशोधन सुरू होते, तेव्हा ही किंमत वाढली होती. मात्र, २०२६ च्या सुरुवातीला चीनने बायोटेस्टिंग (Biotesting) आणि नाविन्यपूर्ण औषध संशोधनावर (R&D) भर दिल्याने मागणीने उच्चांक गाठला आहे. शी जिनपिंग सरकारने चिनी कंपन्यांना जागतिक स्तरावर ‘मेडिकल हब’ बनण्याचे उद्दिष्ट दिले आहे, ज्यासाठी दरवर्षी किमान २५,००० ते ३०,००० माकडांची गरज भासत आहे.

जागतिक घडामोडी संबंधित बातम्या वाचण्यासाठी येथे क्लिक करा : Yemen Conflict : तेलसमृद्ध प्रांतासाठी संघर्ष! येमेनच्या रणांगणात Saudi-UAE फुंकणार युद्धाचे रणशिंग

कर्करोग आणि ‘अमरत्वाच्या’ लसीचा शोध?

चीनमध्ये माकडांची मागणी वाढण्यामागे केवळ साध्या लसी नाहीत. अहवालानुसार, चिनी शास्त्रज्ञ सध्या कर्करोग (Cancer), अल्झायमर आणि विशेषतः ‘दीर्घायुष्य’ (Longevity Vaccine) देणाऱ्या लसींवर मोठ्या प्रमाणावर प्रयोग करत आहेत. या चाचण्या थेट मानवावर करण्यापूर्वी माकडांवर करणे अनिवार्य असते. माकडांची डीएनए रचना मानवाशी मिळतीजुळती असल्याने, औषध कंपन्या कितीही मोठी किंमत मोजायला तयार आहेत.

See more

Chinese scientists have created monkeys with schizophrenia and autism, research that’s shunned in the US and Europe due to ethical concerns https://t.co/z9f2yCphKh — Bloomberg (@business) January 2, 2026

credit : social media and Twitter

नैसर्गिक प्रजननाचा वेग मंदावला

चीनमध्ये नैसर्गिक प्रजननाव्यतिरिक्त जैवरासायनिक पद्धतीनेही माकडांची पैदास केली जाते. मात्र, प्रयोगासाठी वापरले जाणारे माकड किमान ३ ते ४ वर्षांचे असावे लागते. सध्या चीनमधील माकडांची संख्या या मागणीच्या तुलनेत अत्यंत कमी आहे. यामुळेच सरकारने आता सामान्य नागरिकांनाही ‘मंकी फार्मिंग’मध्ये (Monkey Breeding) उतरण्याचे आणि पैदास वाढवण्याचे आवाहन केले आहे.

जागतिक घडामोडी संबंधित बातम्या वाचण्यासाठी येथे क्लिक करा : Trump Threatens Iran: अमेरिका हल्ला करण्यास तयार! ट्रम्प यांची ‘ती’ पोस्ट आणि इराणमधील झाला आंदोलनाचा भडका

तस्करी आणि आंतरराष्ट्रीय चिंता

२०२१ मध्ये जेव्हा असाच तुटवडा निर्माण झाला होता, तेव्हा चीनने कंबोडियातून मोठ्या प्रमाणावर माकडांची तस्करी केल्याचे आरोप झाले होते. आता पुन्हा एकदा तीच परिस्थिती निर्माण झाली आहे. जर चीनने आग्नेय आशियाई देशांतून बेकायदेशीरपणे माकडे मागवली, तर वन्यजीव संरक्षणाचा मोठा प्रश्न निर्माण होऊ शकतो. प्राणी हक्क संघटनांनी (PETA) यावर चिंता व्यक्त केली असून, संशोधनासाठी प्राण्यांचा वापर कमी करण्याची मागणी केली आहे.