पाकिस्तानमध्ये हिंदू मंदिराची अवस्था पाहून येईल डोळ्यात पाणी; हजारो देवस्थानं झाली खंडर

Pakistan Hindu Temples : पाकिस्तानमध्ये अंदाजे 1 कोटी अल्पसंख्यांक लोक राहतात. त्यांच्यासाठी हजारो प्रार्थनास्थळे पाकिस्तानमध्ये आहेत. मात्र त्या मंदिरांची-गुरुद्वारांची अवस्था दयनीय जाली आहे. अनेक मंदिरे बंद आहेत.

• पाकिस्तानमध्ये हिंदू धार्मिक स्थळांची दयनीय अवस्था
• हजारो मंदिरे-गुरुद्वारे बनली खंडर
• जाणून घ्या काय परिस्थिती आहे?

Pakistan News in Marathi : इस्लामाबाद : पाकिस्तान सतत कोणत्या ना कोणत्या कारणावरुन आंतरराष्ट्रीय स्तरावर अपमानित होत असतो. गेल्या अनेक दशकांपासून दहशतवादाला पाठिंबा देणाऱ्या पाकिस्तानात अल्पसंख्यांक हिंदूवर सतत अत्याचार होत आहे. पाकिस्तानी लोकांना अगदी हिंदूची धार्मिक स्थळे देखील उद्ध्वस्त केली आहे. पाकिस्तानमध्ये सुमारे १ कोटी अल्पसंख्यांक हिंदू लोक राहतात आणि जवळपास १८०० हिंदू मंदिरे पाकिस्तानात आहेत. मात्र या मंदिरांची, गुरुद्वारांची अवस्था दयनीय झाली आहे.

पाकिस्तानात हिंदू मंदिरांची संख्या किती? संख्या ऐकून मिळेल आश्चर्याचा झटका

पाकिस्तानच्या संसदीय समितीच्या माहितीनुसार, पाकिस्तानमध्ये १८०० पैकी केवळ ३७ हिंदू धार्मिक स्थळे कार्यरत आहेत. यामागचे कारण म्हणजे येथे हिंदू आणि शीख लोकंसख्या कमी आहे. यामुळे देखभालीची कमतरता पडत आहे. शिवाय ज्या संस्थांवर याची जबाबदारी सोपवण्यात आली आहे, त्यांच्यांकडून मंदिरांची, गुरुद्वांरांची योग्य ती काळजी घेतली जात नाही. यामुळे आजच्या परिस्थिती पाकिस्तानमध्ये अनेक मंदिरे खंडर बनली आहे.

मंदिरे पुन्हा पुनर्संचयित होणार

नुकतेच पाकिस्तानच्या संसदेने ३ डिसेंबर २०२५ रोजी इस्लामाबाद येथे अल्पसंख्याक कॉकसची बैठकी घेतली होती. या बैठकीत हिंदू आणि शिख मंदिरांच्या आणि इतर अल्पसंख्यांकाच्या हक्कांवर चर्चा करण्यात आली. या चर्चेनंतर अल्पंसख्यांक समितीने पाकिस्तान सरकारा सर्व अल्पसंख्यांक धार्मिक स्थळांची पुनर्संचयित करण्याची मागणी केली आहे. तसेच अल्पसंख्यांकाच्या शिक्षणात आणि रोजगारासाठी चांगल्या सुरविधांची मागणी देखील करण्यात आली आहे.

पाकिस्तानच्या सरकारी संस्थेवर टीका

सध्या पाकिस्तानमध्ये एकूण १,२८५ हिंदू मंदिरे आहेत, तर ५३२ शीख गुरुद्वारा आहेत. यातील केवळ ३७ मंदिरे आणि गुरुद्वारे कार्यरत आहेत. १९४७ च्या फाळणीनंतर हिंदू आणि शीख समुदायांनी पाकिस्तान सोडून भारतात आले. तेव्हापासूनच तेथील अनेक मंदिरांची दयनीय अवस्था आहे. सध्या मंदिरांच्या देखभालीची जबाबदारी सराकरी संस्था इक्वेटोरियल ट्रस्ट प्रॉपर्टी बोर्डकडे (ETPB) आहे. मात्र या संस्थेकडून जबाबदारी योग्यरित्या पार पाडली जात नाही. यामुळे पाकिस्तानमध्ये शीख समुदायाचे नेते डॉ. रमेश कुमार वांकवानी यांनी या संस्थेवर टीका केली आहे.

अल्पसंख्यांक लोकांच्या मागण्या

• सध्या शीख समुदायाने सरकारकडे ETPB मधील सर्व मुस्लिम अध्यक्षांना काढून टाकण्याची मागणी केली आहे.
• याशिवाय धार्मिक स्थळे, वारसा स्थळे म्हणून घोषित करण्याची आणि त्यांच्या पुनर्संचयिताची मागणीकेली आहे. तर हिंदू आणि शीक लोकांना मंदिरात पूजा करण्याची परवानगी देखील मागण्यात आली आहे.
• याशिवाय अल्पसंख्यांक विद्यार्थ्यांसाठी योग्य धार्मिक अभ्यासक्रम असावा, द्वेष पसरवणारे आणि भेदभावपूर्ण मजकूर पाठ्यपुस्तकांमधून काढून टाकण्यात यावेत अशीही मागणी करण्यात आली आहे.
• तसेच गैर मुस्लिमांसाठी नोकरीच्या कोटा वाढवण्याचेही सांगण्यात आले आहे.

पाकिस्तानमधील अल्पसंख्यांक लोकांसाठी हे मोठे पाऊल आहे. पाकिस्तानमधील हिंदू-शीख समुदायाला सुरक्षितता आणि आदर मिळेल अशी आशा व्यक्त केली जात आहे.

Hanuman Jayanti: पाकिस्तानमध्ये स्थित आहे ‘हे’ १,५०० वर्ष जुने हनुमान मंदिर; काय आहे खासियत? जाणून घ्या