हजारो लोकांच्या प्रार्थनांना आले यश; पोप फ्रान्सिस यांच्या प्रकृतीत सुधार

Pope Francis Health Update: पोप फ्रान्सिस यांच्या प्रकृतीत सुधारणा होत आहे. त्यांच्या मूत्रपिंडाशी संबंधित समस्या नियंत्रणात आल्या असून त्यांना श्वसनासाठी फिजिओथेरपी दिली जात आहे.

कॅथोलिक ख्रिश्चन धर्मगुरू पोप फ्रान्सिस यांची प्रकृती दम्याच्या अटॅकनंतर पुन्हा गंभीर झाली होती. यामुळे त्यांना उच्च प्रमाणात ऑक्सिजनचा पुरवठा करावा लागला, त्यांना रक्तही चढवण्यात आले. डॉक्टरांनी 21 फेब्रुवारी रोजी त्यांना धोक्याबाहेर असल्याचे सांगितले होते, मात्र नंतर त्यांच्या वेदना वाढल्या. त्यांच्या फुफ्फुसांमध्ये झालेल्या गंभीर संसर्गामुळे त्यांची तब्येत खालावली होती. आता पुन्हा एकदा आणखी एक चांगली माहिती समोर आली आहे.  पोप फ्रान्सिस यांच्या प्रकृतीत सुधारणा होत आहे. त्यांच्या मूत्रपिंडाशी संबंधित समस्या नियंत्रणात आल्या असून त्यांना श्वसनासाठी फिजिओथेरपी दिली जात आहे.

पोप फ्रान्सिस यांची स्थिती

• पोप फ्रान्सिस यांना फुफ्फुसाचा संसर्ग झाल्याचे निदान झाले आणि त्यांना रोमच्या रुग्णालयात दाखल करण्यात आले होते.
• त्यांना न्यूमोनिया आणि ॲनिमियाचा त्रासही होत आहे. ॲनिमियाच्या उपचारासाठी त्यांना रक्तदान देण्यात आले.
• 17 फेब्रुवारीला वेटिकनने सांगितले की पोप यांच्या श्वसननलिकेमध्ये पॉलीमायक्रोबियल संसर्ग झाला आहे, यामुळे उपचार बदलण्यात आले.
• 18 फेब्रुवारीला वेटिकनने त्यांच्या स्थितीबाबत सांगितले की, दोन्ही फुफ्फुसांमध्ये न्यूमोनिया असूनही ते चांगल्या स्थितीत असल्याचे सांगितले.
• 19 फेब्रुवारी रोजी त्यांची स्थिती गंभीर असल्याचे सांगण्यात आले, मात्र ते रुग्णालयातूनच कार्य करत होते.
• 21 फेब्रुवारीला डॉक्टरांनी सांगितले की पोप यांना कोणताही धोका नाही मात्र, उपचार सुरूच राहतील.
• 22 फेब्रुवारीला अस्थमा अटॅकनंतर त्यांच्या प्रकृतीत अधिक बिघाड झाला असल्याची माहिती समोर आली आहे.
• आज 27 फेब्रुवारीला त्यांच्या प्रकृतीत सुधारणा झाल्याची माहिती समोर आली आहे.

जागतिक घडामोडी संबंधित बातम्या- पोप फ्रान्सिस यांची तब्येत खालावली; जगभरातून अनुयायांची चांगल्या प्रकृतीसाठी प्रार्थना

लोकांची प्रार्थना आणि समर्थन

पोप फ्रान्सिस यांच्या उत्तम आरोग्यासाठी जगभरातील लोक प्रार्थना करत आहेत. सेंट पीटर स्क्वेअरमध्ये हाजारो लोकांनी त्यांच्या लवकर बरे होण्यासाठी प्रार्थना केली. व्हेटिकनच्या अधिकार्यांनी दिलेल्या माहितीनुसार, कार्डिनल पिएत्रो पारोलिन यांनी या विशेष प्रार्थना सभेचे नेतृत्व केले. डॉक्टरांनी पूर्वी इशारा दिला होता की, पोप फ्रान्सिस यांना सेप्सिसचा धोका असण्याची शक्यता आहे. सेप्सिस ही रक्तसंक्रमणाची एक गंभीर अवस्था असते. मात्र, व्हेटिकने दिलेल्या माहितीनुसार, सेप्सिससंबंधी कोणतीही लक्षणे पोप फ्रान्सिस यांच्यात आढळली नाहीत. व्हेटिकन सांगितले की, हे सर्व लोकांच्या प्रार्थनांचे यश आहे.

सध्याची परिस्थिती 

सध्या पोप फ्रान्सिस यांना आवश्यक उपचार दिले जात असून, त्यांची स्थिती सुधारत आहे. डॉक्टर त्यांच्यावर सतत लक्ष ठेवून आहेत. त्यांच्या तब्येतीत लवकर पूर्ण सुधारणा व्हावी यासाठी संपूर्ण जगातून प्रार्थना केल्या जात आहेत.

जागतिक घडामोडी संबंधित बातम्या- कसे नियुक्त केले जातात पोप, काय असतात त्यांची कर्तव्ये? ख्रिश्चन धर्माच्या सर्वोच्च पदाबद्दल जाणून घ्या