US Iran War: ‘हे’ साफ खोटं आहे! इराणचा पलटवार; ओव्हल ऑफिसमधील ट्रम्पच्या ‘त्या’ भाषणाने वेधले संपूर्ण जगाचे लक्ष

Trump Iran Ceasefire Claim: ट्रम्प यांनी दावा केला की इराणने युद्धविरामासाठी आवाहन केले होते, जे इराणने स्पष्टपणे फेटाळले. होर्मुझची सामुद्रधुनी उघडली नाही तर इराणला नष्ट करण्याची धमकी त्यांनी दिली.

• ट्रम्प यांचा खळबळजनक दावा
• इराणने दावे फेटाळले
• होर्मुझचे संकट आणि धमकी

Trump Iran ceasefire claim 2026 : जागतिक राजकारण (US-Israel Iran War) सध्या एका अशा स्फोटक वळणावर आहे, जिथून प्रत्येक शब्द आणि प्रत्येक सोशल मीडिया पोस्ट युद्धाची दिशा बदलू शकते. अमेरिकेचे राष्ट्राध्यक्ष डोनाल्ड ट्रम्प (Donald Trump) आणि इराण यांच्यात सध्या सुरू असलेल्या ‘माइंड गेम्स’ने संपूर्ण जगाचे लक्ष वेधून घेतले आहे. १ एप्रिल २०२६ रोजी ट्रम्प यांनी आपल्या ‘ट्रुथ सोशल’ प्लॅटफॉर्मवर एक पोस्ट करून दावा केला की, इराणच्या नवीन राजवटीच्या अध्यक्षांनी अमेरिकेकडे युद्धविरामासाठी याचना केली आहे. मात्र, अवघ्या काही तासांतच इराणने हे वृत्त फेटाळून लावत ट्रम्प यांना ‘खोटारडे’ ठरवले आहे.

ट्रम्प यांचा ‘पाषाण युगा’चा इशारा!

राष्ट्राध्यक्ष ट्रम्प यांनी आपल्या पोस्टमध्ये अत्यंत आक्रमक भाषा वापरली आहे. त्यांनी म्हटले आहे की, “इराणच्या नवीन राजवटीचे अध्यक्ष, जे त्यांच्या पूर्वजांपेक्षा अधिक हुशार आहेत, त्यांनी नुकतीच अमेरिकेकडे युद्धविरामाची विनंती केली आहे. पण जोपर्यंत होर्मुझची सामुद्रधुनी (Strait of Hormuz) पूर्णपणे खुली आणि सुरक्षित होत नाही, तोपर्यंत आम्ही कोणत्याही प्रस्तावाचा विचार करणार नाही.” इतकेच नव्हे तर, ट्रम्प यांनी इराणला थेट धमकी दिली आहे की, जर त्यांनी हा मार्ग मोकळा केला नाही, तर अमेरिका इराणला ‘पाषाण युगात’ परत पाठवण्यासाठी कोणतीही कसर सोडणार नाही.

जागतिक घडामोडी संबंधित बातम्या वाचण्यासाठी येथे क्लिक करा : Indonesia Earthquake: इंडोनेशियामध्ये 7.4 रिश्टर स्केलचा भूकंप; मोलुक्का समुद्रात हालचाल अन् किनारपट्टीवर त्सुनामीचे सावट

इराणचा सडेतोड नकार: “आम्ही कोणतीही विनंती केलेली नाही”

तेहरानमधील अधिकृत सूत्रांनी आणि इराणी प्रसारमाध्यमांनी ट्रम्प यांचा हा दावा पूर्णपणे फेटाळून लावला आहे. इराणच्या मते, ट्रम्प हे जागतिक समुदायाची दिशाभूल करण्यासाठी आणि स्वतःच्या ‘ऑपरेशन एपिक फ्युरी’ला (Operation Epic Fury) यश मिळाल्याचे दाखवण्यासाठी अशा अफवा पसरवत आहेत. इराणने स्पष्ट केले की, जोपर्यंत अमेरिका आणि इस्रायलचे हल्ले थांबत नाहीत, तोपर्यंत कसलीही बोलणी होणार नाहीत. इराणने ट्रम्प यांच्या ‘नव्या राजवटीच्या’ उल्लेखावरही आक्षेप घेतला आहे, कारण इराणमध्ये सत्तापालट झाल्याचे कोणतेही अधिकृत संकेत अद्याप मिळालेले नाहीत.

होर्मुझची सामुद्रधुनी: जगाच्या ऊर्जेचा गळा?

या युद्धाचे सर्वात मोठे केंद्र आहे ‘होर्मुझची सामुद्रधुनी’. या अरुंद जलमार्गातून जगातील २० टक्के तेल आणि नैसर्गिक वायूचा (LNG) पुरवठा होतो. सध्या हा मार्ग बंद असल्याने जागतिक बाजारपेठेत तेलाच्या किमती गगनाला भिडल्या आहेत. तज्ज्ञांच्या मते, जर हा वेढा असाच सुरू राहिला, तर ऑर्थर इकॉनॉमिक्सच्या अंदाजानुसार तेलाच्या किमती प्रति बॅरल १९० डॉलरपर्यंत पोहोचू शकतात. ट्रम्प यांना हे संकट लवकर संपवून तेलाच्या किमती कमी करायच्या आहेत, जेणेकरून अमेरिकन अर्थव्यवस्थेला दिलासा मिळेल.

See more

BREAKING PRESIDENT TRUMP: 🇺🇸🇮🇷 Iran’s New Regime asked the United States of America for a CEASEFIRE! We will consider when Hormuz Strait is open, free, and clear. Until then, we are blasting Iran into oblivion or, as they say, back to the Stone Ages!!! President DJT pic.twitter.com/bhdzJY2eWj — Donald J Trump Posts TruthSocial (@TruthTrumpPost) April 1, 2026

credit – social media and Twitter

जमिनीवरील भीषण वास्तव: २,००० पाउंडचे बॉम्ब अन् विनाश

एकडे राजनैतिक वाद सुरू असताना दुसरीकडे इराणमध्ये रक्ताचा सडा पडत आहे. अमेरिका आणि इस्रायलने इराणवर ‘सर्जिकल स्ट्राईक’च्या नावाखाली भीषण हल्ले चढवले आहेत. मिळालेल्या माहितीनुसार, इराणमधील शेकडो शाळा, रुग्णालये आणि हजारो घरांना लक्ष्य करण्यात आले आहे. या हल्ल्यांमध्ये २,००० पाउंड (९०० किलो) वजनाचे महाकाय बॉम्ब वापरले जात आहेत, जे एका झटक्यात संपूर्ण वस्ती उद्ध्वस्त करत आहेत. याला ‘अचूक कारवाई’ म्हणणे कठीण आहे, कारण यामुळे मोठ्या प्रमाणावर निष्पाप नागरिकांचा बळी जात आहे.

जागतिक घडामोडी संबंधित बातम्या वाचण्यासाठी येथे क्लिक करा : Oil Crisis: अंधारात बुडालेल्या क्युबासाठी तेल पाठवून रशिया बनला ‘तारणहार’; ट्रम्पची परवानगी पण Cuba राजवटीवर सडकून टीका

ट्रम्प यांचे राष्ट्राला संबोधन आणि ‘अल्पकालीन त्रास’

व्हाईट हाऊसने जाहीर केले आहे की, राष्ट्राध्यक्ष ट्रम्प लवकरच देशाला उद्देशून भाषण करतील. या भाषणात ते युद्ध संपवण्याची घोषणा करतील अशी आशा होती, मात्र राजनैतिक सूत्रांचे म्हणणे वेगळेच आहे. ट्रम्प कदाचित हे युद्ध आणखी काही आठवडे सुरू ठेवण्याचा प्रस्ताव मांडू शकतात. त्यांच्या मते, इराणचे लष्करी सामर्थ्य पूर्णपणे संपवण्यासाठी हा ‘अल्पकालीन त्रास’ (Short-term pain) सहन करावा लागेल, जेणेकरून भविष्यात तेलाच्या किमती कायमच्या कमी होतील आणि इराणचा धोका संपुष्टात येईल.