Trump-Munir Meet : डोनाल्ड ट्रम्प यांना पाकिस्तानच्या लष्कर प्रमुखांची खास भेट; बंद पेटीच्या भेटवस्तूमध्ये नेमकं दडलंय काय?

Trump-Munir Meet : पाकिस्तानचे पंतप्रधान शाहबाज शरीफ आणि लष्कप्रमुख असीम मुनीर यांनी व्हाइट हाउसमध्ये डोनाल्ड ट्रम्प यांची भेट घेतली. यावेळी असीम मुनीर यांनी ट्रम्प यांना एक खास भेट दिली आहे.

• व्हाइट हाउसमध्ये पाकिस्तानचे पंतप्रधान आणि लष्करप्रमुखांनी घेतली ट्रम्पची भेट
• डोनाल्ड ट्रम्प यांना असीम मुनीर यांनी दिलं खास गिफ्ट
• क्रिप्टो करन्सीवर बैठकीत झाली चर्चा

Trump-Munir-Sharif Meeting : वॉशिंग्टन : भारतासाठी एक मोठी धोक्याची घंटा आहे. अमेरिकेच्या व्हाइट हाउसमध्ये पा किस्तानचे पंतप्रधान शाहबाज शरीफ (Shehbaz Sharif) आणि लष्करप्रमुख असीम मुनीर (Asim Munir) यांनी डोनाल्ड ट्रम्प यांची भेट घेतली. यावेळी पाकिस्तानने मोठा डाव साधण्याचा प्रयत्न केला आहे.

या तीन नेत्यांच्या बैठकीने संपूर्ण जगाचे लक्ष वेधून घेतले आहे. पाकिस्तानचे लष्करप्रमुख असीम मुनीर यांनी डोनाल्ड ट्रम्प (Donald Trump) यांना खास भेट दिली आहे. ज्याचे फोटो सध्या सोशल मीडियावर व्हायरल होत असून मोठी खळबळ उडाली आहे. कारण मुनीर या फोटोंमध्ये ट्रम्प यांना मिनरल्सचे नमुने दाखवताना दिसत आहेत.

‘भारतीय उद्योजक PM मोदींवर… ; टॅरिफच्या मुद्यावरुन ट्रम्पच्या सहकार्याचे खळबळजनक विधान

काय आहे याचा हेतू?

या फोटोंनी सोशल मीडियावर खळबळ उडवली आहे. या लाकडी पेटीत बॅस्टेझेनाइट, मोनाझाइट, यांसारखी खनिजे आहेत. यामध्ये सेरियम, लॅंथेनम आणि निओजायमियम यांसारख्ये दुर्मिळ घटक आढळतात. या खनिजांचा वापर आधुनिक तंत्रज्ञान, इलेक्ट्रॉनिक्स, बॅटरी निर्मिती आणि संरक्षण उद्योदात मोठ्या प्रमाणात होतो. यामुळे तज्ज्ञांनी पाकिस्तानच्या या खास गिफ्टकडे एक धोरणात्मक खेळी म्हणून पाहिले आहे.

विश्लेषकांच्या मते, यातून पाकिस्तान डोनाल्ड ट्रम्प यांना आपल्या बाजूने करण्याचा प्रयत्न करत आहे. यापूर्वीच पाकिस्तानने बलुचिस्तान आणि खैबर पख्तूनख्वा प्रांतात तेल, वायू, आणि खनिजांचे मोठे साठे असल्याचा दावा केला होता. पण यावर कोणताही ठोस पुरावा आढळला नाही. पण यावेळी पाकिस्तानेने स्वत:ची नैसर्गिक संपत्ती दाखवून अमेरिकेन कंपन्यांसोबत नव्या कराराचे संकेत दिले आहे.

See more

Asim Munir showing rare earth elements of his country to Trump in White House. That’s the reason they are getting all the pampering. The US needs a way around the Chinese supply. pic.twitter.com/vxP4C0bpiy — Shining Star (@ShineHamesha) September 28, 2025

क्रिप्टोकरन्सीवरही चर्चा

या बैठकीदरम्यान क्रिप्टोकरन्सीवरही चर्चा करण्यात आली. पाकिस्तानचे अनऔपचारिक मंत्री क्रिप्टो मंत्री बिलाल बिन साकिब यांनी ट्रम्प यांचे सल्लागार पॅट्रिक विट यांची भेट घेतली. यावेळी अमरिकन आणि पाकिस्तान सहकार्याच्या नव्या संधींबद्दल चर्चा झाली. तसेच दोन्ही देशात क्रिप्टो करन्सीत सहकार्य करण्यावरही चर्चा झाली.

भारतासाठी धोक्याची घंटा?

गेल्या काही काळात भारत आणि अमेरिकेत टॅरिफमुळे तणावाचे वातावरण निर्माण झाले आहे. ट्रम्प आणि काही अमेरिकन अधिकाऱ्यांनी भारतविरोधी भूमिका घेतली आहे. शिवाय असीम मुनीर यांचीही अमेरिकेला तिसरी भेट आहे. या भेटीमुळे डोनाल्ड ट्रम्प यांचा पाकिस्तानच्या दिशेने बदलता दृष्टीकोन हा भारतासाठी धोका वाढवणार असल्याचे तज्ज्ञांच्या मत आहे.

UNGA मध्ये भारताचा डंका! PM मोदींच्या जागतिक नेतृ्त्त्वाचे आंतरराष्ट्रीय देशांकडून कौतुक