US-China AI : अमेरिकन चिप्सवर चीनचा ‘फिजिकल एआय’ व्यवसाय; नियमांच्या चौकटीत व्यापार सुरू

US-China AI : चीनमधील कंपन्यांचा ‘फिजिकल एआय’ व्यवसाय वेगाने विस्तारत असून, या क्षेत्रासाठी त्या अमेरिकन चिप्स आणि सॉफ्टवेअरवर अवलंबून आहेत. रोबोटिक्स, औद्योगिक ऑटोमेशन आणि स्वायत्त यंत्रणांसाठी फिजिकल एआयचा वापर वाढत आहे.

• फिजिकल एआय क्षेत्रात चिनी कंपन्यांची वाढ
• अमेरिकन चिप्स आणि सॉफ्टवेअर वर अवलंबून
• नियमांच्या चौकटीत वाढतोय व्यवसाय

US-China AI : चीनमध्ये फिजिकल एआय तंत्रज्ञानाचा व्यवसाय वेगाने विस्तारत आहे . रोबोटिक्स , स्वायत्त यंत्रणा आणि औधोगिक क्षेत्रात या तंत्रज्ञानाचा वापर वाढत आहे . विशेष म्हणजे या क्षेत्रातील चिनी कंपन्या अमेरिकन चिप्स आणि सॉफ्टवेअरवर मोठ्या प्रमाणात अवलंबून आहेत . अमेरिकेच्या निर्यात नियमांच्या चौकटीत हा तंत्रज्ञान व्यापार अद्याप सुरु असल्याचे समोर आले आहे .

फिजिकल एआय क्षेत्रात चिनी कंपन्यांची वाढ

चीनमध्ये फिजिकल एआय तंत्रज्ञानाचा व्यवसाय वेगाने विस्तारत असून , रोबोटिक्स , स्वायत्त यंत्रणा , औद्योगिक ऑटोमेशन आणि इतर भौतिक प्रणालीमध्ये कृत्रिम बुद्धिमतेचा वापर करण्यासाठी अत्याधुनिक संगणकीय क्षमता आवश्यक असते . फिजिकल एआय मध्ये एआय प्रणाली केवळ माहितीचे विश्लेषण करत नाही . तर प्रत्यक्ष जगातील वस्तू , यंत्रे आणि वातावरणाशी संवाद साधून निर्णय घेते . त्यामुळे तंत्रज्ञानासाठी शक्तिशाली चिप्स , सॉफ्टवेअर आणि प्रशिक्षण प्रणालीची गरज वाढत आहे . चीनमधील कंपन्या या क्षेत्रात मोठ्या प्रमाणावर गुंतवणूक करत असून , अमेरिकन तंत्रज्ञानाचा वापर त्यांच्या विकास प्रक्रियेत महत्वाची भूमिका बजावत आहे .

West Bank News : कुसरामध्ये इस्रायली वसाहतवाद्यांचा धुडगूस; पॅलेस्टिनी कामगारांवर दगडफेक

अमेरिकन चिप्स आणि सॉफ्टवेअर वर अवलंबून

चीन आणि अमेरिकेमधील तंत्रज्ञान स्पर्धा वाढत असतानाही काही प्रकारच्या अमेरिकन तंत्रज्ञानाचा चीनमधील कंपन्यांकडून वापर सुरु आहे . यामुळे फिजिकल एआय क्षेत्र हे दोन्ही देशांमधील तंत्रज्ञान व्यापारातील एक महत्वाचे क्षेत्र बनत आहे .

अमेरिकेने चिनी कंपन्यांना अत्याधुनिक एआय चिप्स उपलब्ध होण्यावर विविध निर्बंध आणि निर्यात लागू केले आहेत . मात्र सर्व प्रकारच्या चिप्स आणि सॉफ्टवेअरवर एकसारखे निर्बंध लागू नसल्याने नियमांच्या चौकटीत काही व्यापार सुरु राहत आहे .

Russia-Ukraine War : डोनेत्स्क आणि सुमीमध्ये रशियाचा मोठा दावा; तीन गावांवर ताबा मिळवल्याचे म्हणणे

नियमांच्या चौकटीत वाढतोय व्यवसाय

अमेरिकन नियमांनुसार परवानगी असलेल्या तंत्रज्ञानाचा वापर करत चीनमधील कंपन्या फिजिकल एआयच्या क्षेत्रात आपला व्यवसाय वाढवत आहेत . त्यामुळे एआय क्षेत्रात अमेरिका चीन स्पर्धा केवळ जनरेटिव्ह एआय किंवा डेटा सेंटर पुरती मर्यादित राहिलेली नाही . रोबोट्स , स्वायत्त वाहने , स्मार्ट मॅनुफॅक्चरिंग आणि औद्योगिक यंत्रणांमध्ये फिजिकल एआयचा वापर वाढत असल्याने या क्षेत्रातील बाजारपेठ भविष्यात आणखी मोठी होण्याची शक्यता आहे .

यामुळे अमेरिकेसाठी एकीकडे आपल्या तंत्रज्ञानाची जागतिक मागणी कायम ठेवणे आणि दुसरीकडे संवेदनशील तंत्रज्ञान चीनच्या लष्करी किंवा धोरणात्मक क्षमतेसाठी वापरले जाणार नाही याची खात्री करणे , असे दुहेरी आव्हान निर्माण झाले आहे . चीनसाठी मात्र अमेरिकन तंत्रज्ञानावरील अवलंबवित्व कमी करून स्वतःची एआय चिप्स आणि सॉफ्टवेअर परिसंस्था विकसित करण्याचा प्रयत्न सुरु आहे .