Ukraine-Russia War : युद्ध थांबवण्यासाठी युक्रेन तयार; युक्रेनचा ७५ टक्क्यांहून अधिक भूभाग मात्र कायम राहणार

Ukraine-Russia War : रशिया-युक्रेन युद्ध थांबवण्यासाठी राष्ट्राध्यक्ष झेलेंस्की यांनी सध्याच्या आघाडीच्या रेषेवर संघर्ष गोठवण्याची तयारी दर्शवली आहे. या प्रस्तावानुसार युक्रेनचा ७५ टक्क्यांहून अधिक भूभाग त्याच्या नियंत्रणात राहणार आहे. आता रशियाचे राष्ट्राध्यक्ष पुतिन यांची भूमिका काय असणार, याकडे जगाचे लक्ष लागले आहे.

• युद्धरेषेवरच संघर्ष थांबवण्याची तयारी
• अमेरिकेच्या मध्यस्तीने शांतता चर्चेला वेग
• पुतीन यांच्या निर्णयाकडे सगळ्या जगाचे लक्ष

Ukraine-Russia War : रशिया आणि युक्रेन मधील युद्ध हे अनेक वर्षांपासून सुरु आहे . आता हे युद्ध थांबवणायसाठी राजनैतिक हालचालींना वेग येताना दिसत आहे . युक्रेनचे राष्ट्राध्यक्ष वोलोदीमार झेलेन्स्की यांनी युद्ध संपवण्याच्या दिशेने महत्वपूर्ण भूमिका मांडली आहे . सध्याच्या आघाडीच्या रेषेवरच युद्ध थांबवून परिस्थिती आहे तिथेच थांबवण्यास आपण तयार आहोत .

या व्यवस्थेत युक्रेनकडे देशाच्या एकूण भूभागापैकी किमान ७५ टक्के किंवा त्याहून अधिक प्रदेश कायम राहील . त्यांच्या या विधानामुळे आंतराष्ट्रीय राजकारणात आणि संभाव्य शांतता कराराच्या चर्चेत नव्या घडामोडीना सुरवात झाली आहे . शांततेचे वारे वाहण्याची दोन्ही देशातील जनता वाट पाहत आहे .युद्ध पूर्णपणे थांबवण्यासाठी दोन्ही देशांना आता जनतेचा रेटा ही पाहायला मिळत आहे .

युद्धरेषेवरच संघर्ष थांबवण्याची तयारी

अमेरिकेतील फॉक्स न्यूजला दिलेल्या मुलाखतीदरम्यान पत्रकाराने झेलेन्स्की यांना थेट प्रश्न विचारला . सध्याची परिस्थिती कायम ठेवून युद्ध थांबवण्याच्या आणि युक्रेनच्या ७५ टक्क्यांहून अधिक भूभाग स्वतःच्या नियंत्रणात ठेवण्याचा शांतता करार स्वीकाराल का , अशी विचारणा करण्यात आली . त्यावर झेलेन्स्की यांनी होकारार्थी उत्तर दिले . सध्याची परिस्थिती जशी आहे तशी थांबवून हा युद्ध संपवण्याचा वास्तववादी मार्ग असल्याचेही सांगितले आहे . युद्धात आजपर्यंत दोन्हीही देशांचे नुकसान झाले आहे . देशातील सार्वजनिक आणि खाजगी मालमत्तेचे मोठ्या प्रमाणात नुकसान झाले आहे . असेही ते म्हणाले .

Climate Crisis : जग अपयशी ;संयुक्त राष्ट्रांचा गंभीर इशारा ,तापमानवाढ २.८ अंशापर्यंत जाण्याची भीती

अमेरिकेच्या मध्यस्तीने शांतता चर्चेला वेग

रशिया आणि युक्रेन यांच्यात शांतता प्रस्थापित करण्यासाठी अमेरिकेकडून प्रयत्न सुरु आहेत . अमेरिकेचे विशेष दूत स्टीव्ह विटकॉफ यांनी नॉर्वेतील ओस्लो येथे झेलेन्स्की यांच्याशी चर्चा केली . त्यानंतर रशियाचे राष्ट्राध्यक्ष पुतीन यांची भेट घेऊन शांतता प्रस्तावासंदर्भात कागदपत्रे सादर केली . या चर्चेत युद्धविराम , सुरक्षा हमी आणि युद्धानंतरच्या पुन्हा बांधणीसारखे मुद्दे महत्वाचे ठरत आहेत .

Breaking News : मृत्यूचा तांडव ;१५० जणांचा जागीच मृत्यू ;सुदानमधील वाद टिपेला

पुतीन यांच्या निर्णयाकडे सगळ्या जगाचे लक्ष

झेलेन्स्की यांनी युद्ध थांबवण्याची तयारी दर्शवली असली तरी , शांतता करार प्रत्यक्षात येण्यासाठी रशियाची भूमिका पण तेवढीच महत्वाची आहे . युक्रेनला भविष्यात रशियाकडून पुन्हा हल्ला होणार नाही , याची ठोस सुरक्षा हमी लागणार आहे . तसेच युक्रेनच्या ताब्यात नसलेल्या प्रदेशांबाबत अंतिम तोडगा अजून तरी स्पष्ट झाला नाही . त्यामुळे सध्याच्या युध्यरेषेवर युद्ध थांबवण्याची तयारी म्हणजे रशियाच्या ताब्यातील प्रदेशांवर युक्रेनचा कायदेशीर दावा सोडणे न्हवे . आता अमेरिका , रशिया आणि युक्रेन यांच्यातील पुढील चर्चेतून काय निष्पन्न होते , याकडे आंतरराष्ट्रीय समुदायाचे आणि साऱ्या जगाचे लक्ष लागले आहे .