World War 3: इराणच्या भीतीने अमेरिकन सैनिकांनी सोडले तळ; हॉटेल्समध्ये लपले, ‘प्रिसिजन स्ट्राईक’ ने USचा 10 अब्ज डॉलर्सचा चुराडा

आखाती प्रदेशातून आलेल्या दोन वृत्तांमुळे इराण युद्धाच्या पार्श्वभूमीवर अमेरिकेतील तणाव वाढला आहे. यातील एक वृत्त अमेरिकेच्या सैनिकांशी संबंधित आहे. भीतीमुळे अमेरिकन सैनिक लष्करी तळ सोडून हॉटेल्समध्ये लपून बसत आहेत.

• लष्करी तळ रिकामे
• १० अब्ज डॉलर्सचा चुराडा
• हॉटेल मालकांना सज्जड दम

US soldiers hiding in hotels Gulf 2026 : मध्य-पूर्वेतील युद्ध (US-Israel Iran War) आता अशा वळणावर आले आहे जिथे जगातील सर्वात शक्तिशाली मानल्या जाणाऱ्या अमेरिकन सैन्यालाही बचावात्मक पवित्रा घ्यावा लागत आहे. आखाती प्रदेशातून आलेल्या दोन खळबळजनक बातम्यांनी अमेरिकेतील सत्ताधारी आणि लष्करी वर्तुळात मोठी खळबळ उडवून दिली आहे. इराणने केलेल्या भीषण ड्रोन आणि क्षेपणास्त्र हल्ल्यांमुळे अमेरिकेचे केवळ लष्करी नुकसानच झाले नाही, तर त्यांच्या सैनिकांच्या मनोबलावरही मोठा परिणाम झाला आहे.

तळ सोडून हॉटेल्सचा सहारा: जीवाच्या भीतीने पळापळ?

युद्ध सुरू होण्यापूर्वी सौदी अरेबिया, यूएई आणि कतार यांसारख्या देशांतील अमेरिकन तळांवर सुमारे ४०,००० सैनिक तैनात होते. मात्र, इराणने ज्या प्रकारे ‘प्रेसिजन स्ट्राईक’ सुरू केले आहेत, ते पाहता हे तळ आता सुरक्षित राहिलेले नाहीत. सूत्रांच्या माहितीनुसार, अमेरिकन कमांडने आपल्या सैनिकांना लष्करी तळांवरून हलवून स्थानिक हॉटेल्समध्ये लपण्याचे आदेश दिले आहेत. इराणच्या क्षेपणास्त्रांना चकवण्यासाठी ही ‘सिव्हिलियन’ ठिकाणी लपण्याची रणनीती असल्याचे बोलले जात असले तरी, यामुळे अमेरिकेच्या प्रतिमेला मोठा तडा गेला आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : युद्धविराम म्हणजे आत्महत्या! Saudi Arabia आणि UAE आता थेट मैदानात; अमेरिकेला दिलं विनाशाचं निमंत्रण

१०,००० कोटींची राख: अमेरिकेची महागडी खेळणी हवेतच नष्ट!

इराणने केवळ संख्येनेच नाही तर अचूकतेनेही अमेरिकेला चकित केले आहे. आतापर्यंतच्या संघर्षात अमेरिकेची अत्यंत प्राणघातक शस्त्रे मातीमोल झाली आहेत. यामध्ये १२ ‘रीपर ड्रोन’ (MQ-9), ७ टँकर विमाने आणि सर्वात महागडे मानले जाणारे ‘F-35’ लढाऊ विमान यांचा समावेश आहे. या सर्व शस्त्रांची किंमत सुमारे १० अब्ज अमेरिकन डॉलर्स (१०,००० कोटी रुपये) इतकी आहे. ट्रम्प प्रशासनाने इराणच्या लष्करी ताकदीला कमी लेखण्याची जी चूक केली, त्याची मोठी किंमत आता अमेरिकेला मोजावी लागत आहे.

See more

🇮🇷🇺🇸 Iran’s FM Araghchi just went nuclear on U.S. troops in the Gulf: “From the outset of this war, U.S. soldiers fled military bases in GCC countries to hide in hotels and offices. They use GCC citizens as human shields.” He even said GCC hotels should deny bookings to U.S.… https://t.co/V1byRIbjes pic.twitter.com/2vaDLTj3Qz — Mario Nawfal (@MarioNawfal) March 26, 2026

credit – social media and Twitter

हॉटेल मालकांना इराणचा ‘डेडलाईन’ इशारा

इराणच्या गुप्तचर यंत्रणांना अमेरिकन सैनिकांच्या या लपवाछपवीची माहिती मिळताच, इराणचे परराष्ट्र मंत्री अब्बास अराघची यांनी आक्रमक पवित्रा घेतला आहे. त्यांनी आखाती देशांतील हॉटेल मालकांना उद्देशून एक संदेश जारी केला असून, त्यात अमेरिकन सैनिकांना कोणत्याही प्रकारचा आश्रय न देण्याचे आवाहन केले आहे. “जे हॉटेल मालक अमेरिकन सैनिकांना खोल्या देतील, त्यांना भविष्यात होणाऱ्या हल्ल्यांसाठी जबाबदार धरले जाईल,” असा स्पष्ट इशारा त्यांनी दिला आहे. यामुळे आखाती देशांतील पर्यटन क्षेत्रावरही युद्धाचे सावट पसरले आहे.

जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei : तो समलैंगिक आहे! ट्रम्प यांनी इराणच्या सर्वोच्च नेत्याचं गुपित केली उघड; CIAच्या हवाल्याने खळबळ

महासत्तेची प्रतिष्ठा पणाला

या युद्धात आतापर्यंत १५ अमेरिकन सैनिक ठार झाले असून २०० हून अधिक जखमी झाले आहेत. इराणने यूएईवर २,००० आणि कुवेतवर १,२०० हून अधिक क्षेपणास्त्रे डागून अमेरिकेच्या तळांना खिंडीत गाठले आहे. जर अमेरिकेने लवकरच युद्धविराम किंवा ठोस तोडगा काढला नाही, तर आखाती प्रदेशात त्यांची उरली-सुरली प्रतिष्ठाही संपुष्टात येईल, असे लष्करी तज्ज्ञांचे मत आहे.