US Visa Policy 2026 Trump Visa Rules Update US Visa Social Media Vetting
अमेरिकेने आपल्या व्हिसा मंजुरीच्या प्रक्रियेत आणि प्रवेश धोरणात अत्यंत महत्त्वपूर्ण व कडक बदल केले आहेत. अमेरिकन प्रशासनाने व्हिसा अर्जदारांच्या ऑनलाइन हालचाली आणि सोशल मीडिया तपासणीची व्याप्ती अधिक वाढवली आहे. या नव्या निर्णयानुसार आता केवळ नेहमीचे कामगार किंवा पर्यटकच नव्हे, तर परदेशी पत्रकार, उच्चशिक्षित व्यावसायिक आणि विद्यार्थ्यांचाही या कडक छाननी प्रक्रियेत समावेश करण्यात आला आहे.
अमेरिकेच्या परराष्ट्र विभागाने दिलेल्या माहितीनुसार, बिगर-स्थलांतरित (Non-immigrant) व्हिसासाठी अर्ज करणाऱ्या सर्व अर्जदारांना त्यांच्या सर्व सोशल मीडिया अकाउंट्सची प्रायव्हसी सेटिंग ‘पब्लिक’ (Public) किंवा ‘ओपन’ (Open) ठेवण्याचे स्पष्ट निर्देश देण्यात आले आहेत. यामुळे व्हिसा कॉन्सुलर अधिकाऱ्यांना अर्जदारांच्या डिजिटल उपस्थितीची, पोस्ट्सची आणि ऑनलाइन वर्तनाची सखोल तपासणी करणे शक्य होणार आहे.(US Visa Policy 2026)
हा नवा बदल विशेषतः कामानिमित्त अमेरिकेत प्रवास करणाऱ्या परदेशी पत्रकारांसाठी अत्यंत महत्त्वाचा मानला जात आहे. परदेशी माध्यमांच्या प्रतिनिधींसाठी दिल्या जाणाऱ्या ‘I-व्हिसा’ अर्जदारांना आता स्पष्टपणे या सोशल मीडिया तपासणीच्या कक्षेत आणले गेले आहे. याशिवाय, USMCA करारांतर्गत प्रवास करणारे व्यावसायिक (TN व्हिसा) आणि त्यांच्यावर अवलंबून असणारे कुटुंबिय (TD व्हिसा) यांनाही आता आपली सोशल मीडिया खाती खुली ठेवावी लागतील.
जागतिक घडामोडी संबंधित बातम्या वाचण्यासाठी येथे क्लिक करा : Flydubai Flight 1073 : ‘मला जिवंत सोडू नका!’ प्रवाशांनी पकडल्यानंतर ओमानच्या वैमानिकाची मृत्यूची याचना
परराष्ट्र विभागाच्या माहितीनुसार, हा नियम एका व्यापक सुरक्षा छाननी प्रणालीचा भाग आहे. यापूर्वीच H-1B तात्पुरते कामगार, H-4 आश्रित, F-1 व M-1 विद्यार्थी, J-1 एक्सचेंज व्हिजिटर्स, धार्मिक कार्यकर्ते आणि राजनैतिक व्हिसा धारकांसाठी ही प्रक्रिया टप्प्याटप्प्याने लागू करण्यात आली होती. आता या प्रणालीचा विस्तार करून सर्व प्रकारच्या बिगर-स्थलांतरित व्हिसा अर्जदारांना एकाच छताखाली आणले जात आहे.
अमेरिकेच्या परराष्ट्र विभागाने व्हिसा मंजुरी प्रक्रियेचे वर्णन ‘राष्ट्रीय सुरक्षेचा निर्णय’ असे केले आहे. व्हिसा छाननी आणि पडताळणी दरम्यान उपलब्ध असलेल्या प्रत्येक माहिती स्रोताचा वापर केला जाईल, जेणेकरून अमेरिकेच्या राष्ट्रीय सुरक्षेला किंवा सार्वजनिक सुरक्षेला धोका निर्माण करू शकणाऱ्या कोणत्याही व्यक्तीला देशात प्रवेश करण्यापासून रोखता येईल.
जागतिक घडामोडी संबंधित बातम्या वाचण्यासाठी येथे क्लिक करा : Mecca : आत्मघाती हल्लेखोराचा मक्का येथील भव्य मशिदीवर हल्ला; VIDEO सोशल मीडियावर VIRAL; सौदी सरकारने उघड केले सत्य
जरी सोशल मीडियावरील कोणत्या विशिष्ट पोस्ट्स किंवा विचारांमुळे व्हिसा नाकारला जाऊ शकतो, याबद्दल अधिक तपशील जाहीर करण्यात आलेला नाही; तरीही द्वेषपूर्ण भाषण, चिथावणीखोर मजकूर, किंवा अमेरिकेच्या नियमांचे उल्लंघन करणाऱ्या कोणत्याही हालचालींमुळे व्हिसा अर्ज रद्द होण्याचा धोका वाढला आहे. त्यामुळे अमेरिकेत शिक्षण, नोकरी किंवा प्रवासाचे स्वप्न पाहणाऱ्या प्रत्येक अर्जदाराला आता आपल्या ऑनलाइन वर्तनाबाबत अत्यंत सतर्क राहावे लागणार आहे.
.png "Videos"){kind=small}
